1 Tesalonika 4:14 - Kaili Ledo

¹⁴ Niparasayata i Yesus namate bo natuvu mpanjili. Haitumo sabana niparasayata muni pura-pura tona nomparasaya i Yesus bo namatemo rapakatuvu nu Alatala mpanjili, bo Alatala mompoposanggani ira nte i Yesus.

1 Tesalonika 4:14 ပူးပေါင်းရင်းမြစ်များ

Matius 24:31

Tabue nambaso rapopomoni bo Kutudu malaeka-malaekaKu hau mompasiromu tona nipelisiKu lako ri umba-umba ri dunia.”

Roma 14:9

Haitumo sabana i Yesus Kristus namate bo natuvu mpanjili lako ri kamateNa, ala Ia mamala majadi Tupu nu pura-pura manusia, nau tona da natuvu nau tona namatemo.

Roma 8:11

Alatala nompakatuvu mpanjili i Yesus ante kuasa Nosa Gasa, bo Nosa Gasa muni nonturo riara ntaita. Jadi nau karota mamate, Alatala mompakatuvu mpanjili karota ante kuasa Nosa Gasa anu nonturo riara ntaita.

1 Tesalonika 3:13

Kami merapi Alatala mompakaroso raramiu ala komiu magasa bo ledo makura nuapa-nuapa ri ngayo nTuamata Alatala tempo Tuputa i Yesus makava ante pura-pura todeaNa anu nagasa.

1 Tesalonika 4:13

Sampesuvu-sampesuvu, patuju kami ala rasanimiu mpuu anu majadi ante topomparasaya anu namatemo, ala ledo masusa raramiu mpo tona ntanina anu ledo nanjarumaka matuvu mpanjili nosanggani-nggani nte Alatala.

1 Tesalonika 4:17

Naupu haitu, kita da natuvu tempo haitu, raoretaka mosanggani-nggani ante ira riara kulimu mosinggava nte i Pue Yesus ri laerava, pade matuvu mosanggani-nggani ante i Pue sampe ri kasae-saena.

2 Tesalonika 2:1

Kapolana, sampesuvu-sampesuvu. Kami madota motesa sakide ka komiu anu majadi tempo Tuputa Yesus Kristus makava mpanjili bo kita rapasiromu mosanggani-nggani ante Ia. Kami mpuu-mpuu merapi,

Pompakita 1:18

Yakumo hii anu Natuvu. Bara ipia Yaku namatemo. Tapi peintamo, sii-sii Yaku natuvu mpanjili sampe ri kasae-saena. Yakumo nakuasa nantipale gunji kamatea bo ponturo ntomate.

Pompakita 14:13

Naupu haitu niepeku suara lako ri suruga nanguli, “Tulisimo tesa hitu: nompamula sii-sii nabelo mpuumo tona natutu nomparasaya i Pue sampe namate.” Bo nesanamo Nosa Gasa nu Alatala, “Nakana mpuu tutu. Domo rarasaira kasusa bo kapari, bo maria tambo radekei ka ira nangoseaka panggaviara.”