1 Tesalonika 4:11 - Kaili Ledo

¹¹ Pasimbukumo matuvu mosinggabelo nte tona ntanina, pasiayumo bagomiu mboto! Nee mombagalo bago ntona ntanina. Karajaamo pompaelomiu mboto nangoseaka anu niparenta kami ka komiu bara ipia.

1 Tesalonika 4:11 ပူးပေါင်းရင်းမြစ်များ

Markus 13:34

Haitu nasimbayu nte porapa hitu: Naria saito tona hau ri ngata nakavao. Dopame ia hau, nidekeina mami kuasa ka batua-batuana mombaurusi banuana. Saito-saito nipakatantuna pokarajaa ka ira. Bo topojagai vamba nitevaina mainga-inga ante kakavana.

Suro-Suro 18:3

bo nonturo nte ira sabana popaelo i Paulus nasimbayu ante popaelora, haitumo novia tenda. Ira tatalu nokarajaa nosinggani-nggani.

Suro-Suro 20:35

Riara mpengaya-ngaya, katuvuaku najadi jonjo ka komiu, haitumo, kita kana mokarajaa ala rapakuleta mombatulungi tona ledo nompakule nokarajaa. Kita kana mompariara tesa i Pue Yesus anu nanguli: ‘Nadambapa tona nombadekei pade tona nantarima.’ ”

Roma 12:11

Kana matutu mokarajaa, nee masanda! Kana madidi raramiu mokarajaa ka Tupu.

Roma 15:20

Riara pokarajaaku haitu yaku bate-batena nompasimbuku nompatolele Kareba Belo ka tona anu dopa niepera sanga i Kristus. Yaku ledo madota mombangu banua ri bavo pandasi nipovia ntona ntanina.

1 Korintus 4:12

Kami nokarajaa ntamo ante pale kami mboto nangelo katuvua. Ane nipindasi ntona kami, kami nerapi Alatala mombadekei belo ka tona haitu. Ane nipandasa ntona kami, kami bate-batena nosabara.

2 Korintus 5:9

Jadi kami nompasimbuku mompakadamba raraNa, nau kami da natuvu ri dunia, nau kami mompalaisi dunia hitu.

Efesus 4:28

Topangangga kana menonto mangangga. Ira kana mokarajaa ante palera mboto mompaelo katuvura ala mamala ira mantulungi tona ntanina napepa.

1 Timotius 2:2

Posambayaka muni magau-magau bo pura-pura tona anu nidekeika kuasa momparenta, ala kita mamala matuvu masiayu bo matinonto, bo ala kita maloga metupu nte Alatala bo mokainggu mabelo, anu masipato rabila ntona.

1 Timotius 5:13

Ledo aga haitu, timbala namuda bara aga majadi tosanda bo aga manjayo-njayo mompene ri sou ntona. Ia ledo aga majadi tosanda ia muni manggeni tesa bo mombagalo urusa ntona ntanina bo motesa mpengaya-ngaya anu nadaa anu ledo masipato ratesa.

Titus 3:14

Sampesuvuta sampomparasaya kana masaro movia anu nabelo, ala mamala mombatulungi tona napepa. Nee sampe katuvura ledo maria gunana.

1 Petrus 3:4

Tapi kagayamiu kana mopuna lako riara ntaimiu, haitumo lako ri inggumiu nalusu bo natinonto. Haitumo kagayana anu ledo ntoto malipo bo noali mpuu ri panggita nu Alatala.

1 Petrus 4:15

Nee sampe maria komiu mombarasai kasusa sabana nepatesi bara nangangga bara novia anu nadaa atau nombagalo urusa ntona ntanina.