1 Tesalonika 3:4 - Kaili Ledo

⁴ Tempo kami da nosanggani-nggani nte komiu bara ipia, niuli kami mamimo kana maria tona mompandasa kita sabana kita nomparasaya i Yesus. Bo nisanimiu ivesia mpuu najadi.

1 Tesalonika 3:4 ပူးပေါင်းရင်းမြစ်များ

Matius 24:25

Toramo! Lave nipopaisaniKu mamimo ka komiu dopame majadi haitu pura-pura, jadi nee rabagiu!

Suro-Suro 17:1

I Paulus bo i Silas nompapola polipara noliu ri ngata Amfipolis bo ngata Apolonia sampe nakava ri ngata Tesalonika. Ri sia naria banua petupu ntoYahudi.

Suro-Suro 17:13

ToYahudi ri ngata Tesalonika nangepe i Paulus naria ri ngata Berea nompatolele Tesa nu Alatala. Jadi hau muni ira ri ngata Berea bo nipoviara kagado bo nipakapanera rara ntodea.

Suro-Suro 20:24

Tapi ledo kupotove katuvuku hitu. Nau yaku mpuu-mpuu rapatesi, ledo makuya, asaa kupakaupu pokarajaa nidekei i Pue Yesus ka yaku mompatolele Kareba Belo anu nombatesa kabelo nu Alatala nte kita.

1 Tesalonika 2:14

Sampesuvu-sampesuvu, nisani kami Alatala nokarajaa riara nggatuvumiu apa pepandasa nirasai ntodea nu Alatala anu nomparasaya i Yesus Kristus ri bagia Yudea, nirasaimiu munimo. Komiu nipandasa roamiu sangata, nasimbayu mpo pepandasa roara simbo toYahudi anu ledo nomparasaya i Yesus.

1 Tesalonika 2:2

Dopame kami nakava ri ngatamiu, kami mpuu-mpuu nipandasa bo nipakadaa ntona ri ngata Filipi. Nisanimiumo tesana. Nau nadea tona nangeva kami, tapi Tuputa nompakaroso rara kami ala kami ledo maeka mompatolele Kareba BeloNa ka komiu ri ngata Tesalonika.

2 Tesalonika 2:5

Sampesuvu-sampesuvu, natantu da nitoramiu yaku nompatuduki ka komiu pura-pura hitu tempo yaku da naria nosanggani-nggani ante komiu bara ipia.

2 Tesalonika 3:10

Tempo kami da naria nte komiu bara ipia, kami nomparenta komiu ivei: “Isema-sema ledo madota mokarajaa, ledo mamala mangande!”