1 Tesalonika 3:11 - Kaili Ledo

¹¹ Kami merapi Tuamata Alatala bo Tuputa i Yesus mobuka dala ka kami ala mosinggava ante komiu!

1 Tesalonika 3:11 ပူးပေါင်းရင်းမြစ်များ

Matius 6:14

Ane komiu mombaampungi tona novia sala nte komiu, Alatala Tuamamiu ri suruga, muni mombaampungi komiu.

Matius 6:18

ala ledo rasani ntona ntanina komiu nopuasa. Aga Alatala, TuamaMiu ri suruga, anu ledo nikita, mangisanina. RakitaNa poviamiu anu ledo nisani ntona ntanina haitu bo radekeiNa tambo ka komiu.”

Matius 6:26

Peintamo tonji-tonji ri laerava! Ira ledo notuda pae, ledo nokato bo ledo muni nomboli pae riara gampiri. Tapi naupa ivesia, Alatala, Tuamamiu ri suruga, nombadekei kandea ka ira. Nemopa komiu! NipotoveNapa komiu pade tonji-tonji.

Matius 6:32

Haitu puramo nielo ntona anu ledo nosisani ante Alatala. Tapi ledo paraluu makini raramiu sabana pura-pura anu niparaluumiu haitu nisani nu Alatala, Tuamamiu ri suruga.

Matius 6:6

Tapi ane komiu mosambaya, pesuamo riara ntombimiu, upimo vamba, bo posambayamo ka Alatala, Tuamamiu anu ledo nikita. Bo Alatala anu nanggita poviamiu nggalino haitu, mombadekei tambo ka komiu.

Markus 1:3

< >> Yesaya 40:3

Lukas 12:30

Haitu pura anu nielo ntona ledo nosisani nte Alatala. Tapi ledo paraluu makini raramiu, sabana Alatala Tuamamiu, nisaniNa pura-pura anu niparaluumiu.

Lukas 12:32

I Yesus nompapola tesaNa ivei: “Nau ledo nadea komiu anaguruKu, nee maeka, sabana komiu nipelisi nTuamamiu Alatala, lako ri kabelo raraNa ala komiu moparenta mosanggani-nggani nte Ia riara poparentaNa.

Yohanes 20:17

Nanguli i Yesus ka ia, “Nee rakabe Yaku, apa Yaku dopa neore hau nte TuamaKu. Tapi koimo hau nte sampesuvu-sampesuvuKu bo uli ka ira ivei: ‘Yaku hau nte TuamaKu bo Tuamamiu, haitumo Alatala nisombaKu bo nisombamiu.’ ”

Roma 1:3

Kareba Belo haitu notesaki Ana nu Alatala, haitumo Tuputa Yesus Kristus. I Yesus najadi manusia apa Ia nipoanaka lako ri muli Magau Daud. KagasaNa nasimbayu nte kagasa nu Alatala sabana Ia Ana nu Alatala mami. Nisanita Ia mpuu-mpuu Ana nu Alatala sabana Alatala nompakatuvu Ia mpanjili lako ri kamateNa ante kuasa nipokumaaka.

2 Korintus 6:18

Niuli muni ri Buku Gasa ivei: “Yaku majadi Tuamamiu bo komiu majadi ana-anaKu. Ivesiamo panguli nTupu anu Neliu KakuasaNa.” 2 Samuel 7:14, 1 Tawarikh 17:13, Yesaya 43:6, Yeremia 31:9

Galatia 1:4

I Yesus nombadekei karoNa rapatesi mombasompo dosata nangoseaka dota nTuamata Alatala. PatujuNa ala Ia mamala mombakabasaka kita lako ri kuasa nu dunia nadaa.

1 Tesalonika 3:13

Kami merapi Alatala mompakaroso raramiu ala komiu magasa bo ledo makura nuapa-nuapa ri ngayo nTuamata Alatala tempo Tuputa i Yesus makava ante pura-pura todeaNa anu nagasa.

1 Tesalonika 4:16

Tempo Alatala mombadekei parenta, tadulako malaeka mongare ante suara namangga bo tabue nu Alatala rapopomoni, tempo haitu i Pue Yesus mboto manau lako ri suruga. Bo topomparasaya i Kristus anu namatemo rapakatuvu mokolu.

1 Tesalonika 5:23

Kuperapi nte Alatala, topombadekei katuvua nabelo ka kita, ala Ia mboto mompakagasa katuvumiu sampe komiu mpuu-mpuu matuvu mpo todeaNa nagasa. Kuperapi Alatala mombajagai karomiu, rara ntaimiu, bo pekirimiu sampe ledo ntoto maria nuapa-nuapa rasalai tempo Tuputa Yesus Kristus makava mpanjili.

2 Tesalonika 2:16

Alatala nompotove kita, bo lako ri kabelo nu raraNa, Ia ledo naupu-upu nompakavoe rarata, bo nidekeiNa ka kita panjarumaka nabelo. Jadi kuperapi Tuputa Yesus Kristus bo Tuamata Alatala mompakavoe bo mompakaroso raramiu ala tesamiu bo pokainggumiu batena nabelo.

2 Tesalonika 3:16

Kuperapi i Pue Yesus bate-batena mompakatinonto raramiu riara mpengaya-ngaya, sabana Iamo puna katinonto. Kuperapi Ia momporoa komiu pura-pura.

2 Tesalonika 3:5

Kuperapi i Pue Yesus manggeniaka komiu sampe komiu mpuu-mpuu mombarasai pepotove nu Alatala ka komiu, bo maroo raramiu riara kasusa nasimbayu mpo karoo rara i Kristus tempo Ia nipandasa.

1 Yohanes 3:1

Namovo mpuu kaoge tove nu Alatala ka kita sampe kita niuliNa ana-anaNa! Bo kita mpuu-mpuu ana-anaNa mami. Tona ledo nomparasaya i Yesus ledo nisanira kita ana-ana nu Alatala, sabana ira mboto ledo nosisani ante Alatala.

Pompakita 21:3

Bo niepeku suara namangga lako ri Gadera Kamagaua nu Alatala haitu nanguli, “Pariaramo! Sii-sii ponturo nu Alatala nosanggani-nggani ante manusia. Ia monturo ri tatangara bo ira majadi todeaNa. Bo Ia mboto mosanggani-nggani ante ira bo majadi Alatala rasombara.