1 Tesalonika 2:8 - Kaili Ledo

⁸ Nambaso mpuu tove kami nte komiu, sampe kami nadamba nompatolele Kareba Belo ka komiu. Bo kami muni nasadia mantulungi komiu nau kami mamate, sabana kami mpuu-mpuu nompotove komiu!

1 Tesalonika 2:8 ပူးပေါင်းရင်းမြစ်များ

Lukas 7:2

Hamai naria saito balengga ntantara nu Magau Roma bo naria muni batua nipotovena. Batua haitu nadua ntamo, damo kamatena.

Roma 1:1

Sampesuvu-sampesuvu ri ngata mbaso Roma: Sura hitu lako nte yaku i Paulus, batua i Yesus Kristus. Alatala nompelisi bo nombasuro yaku mompatolele Kareba Belo lako nte Ia.

Roma 10:1

Sampesuvuku sampomparasaya! Naoge mpuu raraku ala sampesuvuku toIsrael mamala rapakasalama. Yaku nasaro nosambaya ka ira.

Roma 15:29

Bo nisaniku ane yaku makava nte komiu, natantumo madea belo lako nte i Kristus kukeni ka komiu.

2 Korintus 12:15

Jadi yaku nasadia mombadekei ka komiu pura-pura anu naria nte yaku, nau karoku mboto. Ane ivesia kambaso pepotoveku ka komiu, nakuya pepotovemiu ka yaku aga sakide?

2 Korintus 6:1

Jadi kami hii nokarajaa nosanggani-nggani ante Alatala nompatolele TesaNa ka manusia. Haitumo sabana kami merapi nte komiu ante mpuu-mpuu rara, nee sampe kabelo rara nu Alatala nte komiu haitu ledo maria aselena riara nggatuvumiu.

Galatia 4:19

Yaku mpuu-mpuu nompotove komiu! Komiu mpo anaku mboto! Yaku nandasa nompekirika komiu, nasimbayu mpo mombine nandasa mpuu tempo noana. Bo yaku batena masusa ivesia sampe inggu-inggu i Kristus mpuu-mpuu malanto rakita riara nggatuvumiu.

Filipi 1:8

Nalentora mpuu raraku nte komiu, apa pompotoveku komiu nasimbayu mpo pepotove i Yesus Kristus mboto. Nisani nu Alatala tesaku hitu nakana.

Filipi 2:17

Pangoseakamiu i Kristus nirapaka pesombamiu ka Alatala anu mompakadamba raraNa. Tempo bara ipia, ane tona nombadekei pesomba ka Alatala, kana nombatoli uve anggur ala mompakagana pesombana. Ane rapana yaku rapatesi sabana pokarajaaku nompatolele Kareba Belo, raaku rarapaka uve anggur nitoli haitu, apa yaku nasadia mamate ane rapodota nTupu. Jadi, nau yaku rapatesi, ledo nakuya! Yaku batena manguli tarima kasi nte Alatala bo yaku muni madamba mpasanggani-nggani nte komiu.

Filipi 2:20

Kutudu ia sabana ledo ria roaku ntanina ri sii nosangu pekiri nte yaku bo mpuu-mpuu nompekirika kabelomiu.

Filipi 4:1

Jadi, sampesuvu-sampesuvu nipotoveku bo nipolentoraku. Komiu mpuu-mpuu nompakadamba raraku, bo nasana mpuu raraku sabana pomparasayamiu asele pokarajaaku nompatolele Kareba Belo. Nantora anu niuliku pangane, nee molengga-lengga momparasaya bo mangoseaka i Pue Yesus.

Kolose 1:28

Jadi Kareba i Kristusmo nipatolele kami ka pura-pura tona. Nipake kami pura-pura noto anu naria riara ntai kami nompopatora ira anu ledo mabelo rapoviara bo nompatuduki ira movia anu nabelo. Patuju kami ala pura-pura ira mamala rakeni mantingayo Alatala bo pomparasayara ledo makura nuapa-nuapa ri panggitaNa sabana posangu rarara ante i Kristus.

Kolose 1:7

Kabelo nu Alatala niepemiu lako nte i Epafras, roa kami sampokarajaa nipotove kami. Ia batua i Kristus anu natutu nokarajaa nantulungi komiu.

Kolose 4:12

Bo tabe muni lako nte i Epafras, batua i Yesus Kristus lako ri ngatamiu mboto. Ia bate-batena nekakai nte Alatala ante mpuu-mpuu rarana ala ledo molengga-lengga pomparasayamiu, bo ala komiu majadi topomparasaya anu ledo makura nuapa-nuapa ri panggita nu Alatala, bo ala komiu maroo mangoseaka pura-pura dota nu Alatala.

Filemon 1:1

Filemon, sampesuvu nipotove kami bo roa kami sampokarajaa: Sura hitu lako nte yaku, i Paulus, anu nitarunggu sabana nompatolele kareba i Yesus Kristus, bo lako nte i Timotius sampesuvuta sampomparasaya. Sura hitu nitulisi ka iko,

Ibrani 13:17

Oseakamo parenta-parenta nu pakeni-pakenimiu bo pekoumo nte ira, sabana iramo nombajagai pomparasayamiu. Makava tempona bara maipia ira kana manguli pakalanto ri ngayo nu Alatala berimbana komiu nikeniakara. Jadi pekoumo nte ira ala ira mamala mantui pokarajaa haitu ante damba nu rara. Ane komiu ledo mekou, aga masusa rarara bo haitu ledo manggeni belo ka komiu.

1 Yohanes 3:16

Nanggita pokainggu i Yesus, nisanitamo mosimpotove. Ia namate nanggeni belo ka kita. Jadi kita muni kana masadia mamate mantulungi sampesuvuta.