1 Tesalonika 2:2 - Kaili Ledo

² Dopame kami nakava ri ngatamiu, kami mpuu-mpuu nipandasa bo nipakadaa ntona ri ngata Filipi. Nisanimiumo tesana. Nau nadea tona nangeva kami, tapi Tuputa nompakaroso rara kami ala kami ledo maeka mompatolele Kareba BeloNa ka komiu ri ngata Tesalonika.

1 Tesalonika 2:2 ပူးပေါင်းရင်းမြစ်များ

Suro-Suro 14:3

I Paulus bo Barnabas nasae nonturo ri sia. Ledo naeka ira notesa i Pue Yesus ka tona. Nitesara pepotoveNa bo kabelo raraNa bo i Pue nombadekei kuasa ka ira movia kabaraka-kabaraka bo tanda-tanda nipokumaaka ala rasani ntodea tesa nu suro-suro haitu mpuu-mpuu nakana.

Suro-Suro 14:5

ToYahudi bo pakeni ntoYahudi nosanggani-nggani ante tona ntanina ledo toYahudi, nasintuvu mompandasa bo mombarempe i Paulus bo i Barnabas ante vatu.

Suro-Suro 16:12

Lako ri sia kami nantende hau ri ngata Filipi, haitumo ngata mbaso ri propinsi Makedonia. Ngata Filipi haitu ngata ponturo ntodea nu Magau Mbaso. Kami nonturo ri sia bara sako-mbongi kasaena.

Suro-Suro 16:19

Tempo nisani ntopobatua mombine haitu domo namala ira manggava doi, nisakaramo i Paulus bo i Silas, bo niumbunjaira hau ri potomu mantingayo topoparenta ngata haitu.

Suro-Suro 16:37

Tapi i Paulus nanguli ka polisi nakava ri sia, “Kami hii todea nu Magau Mbaso Roma! Naupa ivesia, ledo nitangara kami, aga nicambu ri ngayo ntodea, bo nisuaraka riara ntarunggu! Bo hitupa topoparenta-topoparenta mombatudu kami manjili nggalino-lino! Ledo madota kami! Kana ira mboto makava mompopesuvu kami!”

Suro-Suro 17:1

I Paulus bo i Silas nompapola polipara noliu ri ngata Amfipolis bo ngata Apolonia sampe nakava ri ngata Tesalonika. Ri sia naria banua petupu ntoYahudi.

Suro-Suro 17:17

Jadi, ri banua petupu, ia nosinjula tesa ante toYahudi bo tona ntanina anu nombasomba Alatala. Ivesia muni ri potomu, eo-eo ia nosinjula tesa ante isema-sema naria ri sia.

Suro-Suro 19:8

Talu-mbula kasaena i Paulus hau njuu ri banua petupu ntoYahudi ri ngata haitu. Ledo nakaja rarana nombatesa Poparenta nu Alatala bo nosinjula pekiri nte ira. Dotana ala ira momparasaya i Yesus.

Suro-Suro 4:13

Topolibu haitu nokumaa pura-pura nanggita kabia i Petrus bo i Yohanes notesa, nemopa nisanira randua suro haitu aga tona biasa anu ledo nosikola nalanga. Lako rahaitu nisanira mpuumo randua suro haitu nosamporoa nte i Yesus bara ipia.

Suro-Suro 4:20

Kami hii ledo mamala menonto motesa anu nikita kami bo anu niepe kami mboto.”

Suro-Suro 4:31

Naupu ira nosambaya, banua nikasiromura haitu nogoya. Ira pura-pura nikuasai nu Nosa Gasa nu Alatala, bo nipatolelera tesa nu Alatala bo domo ntoto naeka rarara.

Suro-Suro 5:41

Suro-suro nompalaisi Polibu haitu bo nadamba mpuu rarara sabana ira nireke nu Alatala masipato mombarasai kasusa bo kapari sabana pangoseakara i Yesus.

Roma 1:1

Sampesuvu-sampesuvu ri ngata mbaso Roma: Sura hitu lako nte yaku i Paulus, batua i Yesus Kristus. Alatala nompelisi bo nombasuro yaku mompatolele Kareba Belo lako nte Ia.

2 Korintus 3:12

Kami nanjarumaka pojanji nu Alatala anu nabaru, anu ledo mabali-bali. Haitumo sampe kami nabia mpuu nompatolele Kareba Belo.

Kolose 2:1

Jadi, kana rasanimiu yaku nompasimbuku mpuu nantulungi komiu bo tona ri ngata Laodikia, bo pura-pura tona anu dopa nosisani ante yaku.

1 Tesalonika 1:5

Apa tempo kami nompatolele Kareba Belo ka komiu, kami ledo aga notesa bayangi. Kami nompatolele kareba haitu ante kuasa bo petulungi Nosa Gasa nu Alatala, bo kami mboto nomparasaya riara ntai kami tesa haitu mpuu-mpuu nakana. Nipeintamiumo katuvu kami tempo kami nonturo nte komiu. Pura-pura nipovia kami ala manggeni belo ka komiu.

2 Timotius 1:12

Bo yaku nombarasai pura-pura kasusa riara ntarunggu hitu sabana pokarajaaku nompatolele Kareba Belo. Tapi naupa ivesia, ledo naeya mataku, sabana niposisanikumo i Yesus anu nisarumakaku, bo nisanikumo Ia nompakule nombajagai yaku sampe ri Eo Potangara ri kaupu nu dunia.

Yudas 1:3

Sampesuvu-sampesuvu nipotoveku, naoge mpuu raraku motulisi sura ka komiu, mombatesa kabelona nirasaita pura-pura anu nipakasalama i Yesus. Tapi nirasaiku eva naria anu nompasuu yaku mombabaliki niaku haitu. Apa naria tona anu nanggeni pepatuduki nasala nte kita. Sia sampe niuliku aginamo kutulisi sura mompakaroso raramiu ala komiu mompasimbuku mpuu mangeva tona anu madota mombabaliki pepatuduki nakana. Pepatuduki nakana nipasimbayu nu Alatala ka pura-pura todeaNa. Bo pepatuduki haitu aga sanggani nidekei nu Alatala sampe ri kasae-saena bo ledo namala rabaliki.