1 Tesalonika 2:17 - Kaili Ledo

¹⁷ Jadi, sampesuvu-sampesuvu, nompamula lako ri tempo kita nogaa bara ipia, nalentora mpuu rara kami manggita komiu. Nau nogaa ri mata, riara ntai ledo nalipo, bo kami batena nalentora nte komiu. Jadi kami nompasimbuku ante mpuu-mpuu rara mosinggava vai nte komiu.

1 Tesalonika 2:17 ပူးပေါင်းရင်းမြစ်များ

Lukas 12:58

Rapana, ane komiu rapangadu ntona bo hau ri ngayo ntopotangara, agina komiu mosieloka belo nte topangadu haitu tempo komiu da ri tatanga dala. Nee sampe komiu rakenina mpuu ratangara ri ngayo ntopotangara bo topotangara haitu mombadekei komiu ka polisi ala rasuaraka riara ntarunggu.

Lukas 22:15

NiulikaNa ira, “Naoge mpuu raraKu mangande mosinggani-nggani ante komiu ri Posusa Paskah hitu dopame Yaku rapandasa.

Suro-Suro 17:10

Bongina haitu topomparasaya ri ngata Tesalonika nantudu i Paulus bo i Silas hau ri ngata Berea. Nakava sumai, hau ira nesua ri banua petupu ntoYahudi.

Roma 1:13

Sampesuvu-sampesuvu, kana rasanimiu nadea ngganimo yaku nonia tou mosinggava nte komiu tapi nasaro natelava sampe sii-sii. Patujuku mosinggava nte komiu ala madea komiu mangoseaka i Pue Yesus nasimbayu mpo anu najadi nte tona ledo toYahudi ri ngata ntanina.

Roma 15:23

Tapi sii-sii, naupumo pokarajaaku ri sii. Nompae-mpaemo yaku madota tou mosinggava nte komiu.

1 Korintus 5:3

Sii-sii yaku nakavao nte komiu, tapi pekiriku naria ri situ nte komiu. Nau karoku ledo ria ri situ nte komiu, yaku da nakuasa moparenta komiu. Jadi, ante kuasa nidekei nTuputa i Yesus ka yaku suroNa, nipakatantukumo pehuku anu masipato rapambela ka tona nokainggu nadaa ivehaitu. Jadi komiu kana masiromu mosanggani-nggani, bo pekiriku maria ri situ nte komiu. Ante kuasa nidekei nTuputa i Yesus ka kita,

Kolose 2:5

Sabana nau yaku nakavao lako nte komiu, riara ntaiku yaku naria ri situ nte komiu. Bo nadamba mpuu raraku nangepe komiu nosangu rara bo ledo nolengga-lengga nomparasaya i Kristus.

1 Tesalonika 3:6

Tapi hitupa nanjilimo i Timotius lako ritu nte komiu, bo nitesana ka kami karebamiu anu nompakadamba rara kami, ivei: “ToTesalonika naroso pomparasayara, bo nosimpotove. Ira bate-batena nantora kita ante damba rara bo ira nalentora manggita kita nasimbayu mpo kita nalentora manggita ira.”