1 Tesalonika 2:15 - Kaili Ledo

¹⁵ ToYahudi anu ledo nomparasaya haitumo nompatesi i Pue Yesus bo nabi-nabi nu Alatala bo ira muni nompandasa kami. Ira nangeva pura-pura manusia bo Alatala ledo ntoto nadamba nte ira.

1 Tesalonika 2:15 ပူးပေါင်းရင်းမြစ်များ

Matius 23:37

“Heh, komiu toYerusalem! Komiu nompatesi nabi-nabi bo tona nisuro nu Alatala nirempemiu vatu sampe namate! Nadea ngganimo Yaku madota mombasaliku komiu pura-pura, nasimbayu mpo manu tina nombarumutasi anana, tapi ledo nadota komiu.

Matius 27:25

Nesana todea, “Ivesia mamimo! Damo kami bo muli-muli kami manjimbuaka kamateNa!”

Matius 5:12

Ivesia muni nipoviara ka nabi-nabi nggaulu. Jadi kadamba-dambamo raramiu ane tutu majadi nte komiu sabana naoge mpuu belo nipakasadia ka komiu ri suruga.”

Lukas 24:20

Tapi balengga-balengga ntopanggeni pesomba bo totua-totua nu ngatata nombadekei Ia ka pomarenta ala rahuku mate, bo nipakura Ia ri kayu salib.

Suro-Suro 12:3

Nisani i Herodes poviana haitu nompakadamba rara ntoYahudi, jadi nipoviana vaimo mpo pangane. Niparentanamo tona mombasaka i Petrus muni. Haitu najadi tempo Posusa Roti Ledo Noragi.

Suro-Suro 2:23

I Yesus haitu nidekei nu Alatala ka komiu bo nipatesimiu. Ia nidekeimiu ka tona nadaa nombapaku ri kayu salib. Tano mai, anu najadi haitu nangoseaka nia nipakatantu nu Alatala lako ri pamulana, apa nisaniNa mami lako ri pamulana anu majadi ante i Yesus.

Suro-Suro 3:15

Komiumo nombatudu tona nompatesi Ia, tano Iamo topombadekei katuvu nabelo sampe ri kasae-saena ka manusia. Bo Alatala nompakatuvu mpanjili Ia lako ri kamateNa. Kami najadi sabiNa, sabana kami mboto nanggita i Yesus natuvu mpanjili.

Suro-Suro 4:10

Jadi ala rasanimiu bo ala rasani nu sampesuvuta toIsrael pura muni, kami manguli ka komiu, tona hitu nipakabelomo bo ia neangga ri ngayomiu pura-pura sabana kuasa lako nte i Yesus Kristus toNazaret. Komiu nombapaku i Yesus ri kayu salib sampe namate, tapi Alatala nompakatuvu Ia mpanjili.

Suro-Suro 5:30

Komiu nantudu tona mompatesi i Yesus bo mombapaku Ia ri kayu salib. Tapi Alatala anu nisomba ntotuata nggaulu, Iamo nompakatuvu i Yesus mpanjili lako ri kamateNa.

Suro-Suro 7:52

Ledo ria saitoa nabi ledo nipandasa ntotuamiu nggaulu. Nipatesira muni nabi-nabi anu nompatolele kareba kakava i Yesus, Batua nu Alatala nanoa. Bo sii-sii nipobalumiu bo nipatesimiu Batua nu Alatala haitu!

1 Korintus 10:5

Tapi naupa nadea belo nidekei nTupu ka ira, nadea ira ledo nipodamba nu Alatala sampe ira nipakamate nggalako dala ri karava bai.

2 Korintus 11:26

Nadea ngganimo nirasaiku kasusa riara mpolipaku. Naria uve lono. Naria muni topeago. Yaku nipandasa ntoYahudi bo muni tona ledo toYahudi. Yaku nombarasai susa riara ngata bo ri kataolosana bo rara ntasi. Bo yaku nombarasai susa lako nte tona nanguli ira sampesuvu sampomparasaya, tano mai ledo.