1 Tesalonika 2:13 - Kaili Ledo

¹³ Naria sangayapa ntanina sampe kami nasaro notarima kasi nte Alatala. Sabana, tempo komiu nantarima Tesa nu Alatala nipatolele kami ka komiu, ledo nirekemiu aga tesa nu manusia. Tesa haitu nitarimamiu mpo tesa lako nte Alatala mboto. Bo tesa haitu mpuu-mpuu tesa nu Alatala anu nokarajaa riara nggatuvumiu topomparasaya i Kristus.

1 Tesalonika 2:13 ပူးပေါင်းရင်းမြစ်များ

Matius 10:20

Bo tesa-tesa raulimiu ledo tesa lako ri pekirimiu mboto, tapi tesa lako nte Nosa Gasa nTuamamiu Alatala. Iamo mokarajaa riara ntaimiu mompakalanto tesa nuapa masipato ratesamiu.

Matius 10:40

Isema-sema nantarima komiu, nitarimana muni Yaku. Bo isema-sema nantarima Yaku, nitarimana Alatala anu nombasuro Yaku.

Lukas 11:28

Tapi nesana i Yesus, “Nakana, tapi nabelopa tona nangepe tesa nu Alatala bo nioseakana.”

Lukas 5:1

Naria sanggani i Yesus neangga nompaguru ri tinggi Rano Genesaret. Nadea tona nosiaso madota mangepe tesa nu Alatala.

Lukas 8:11

Ivei batuana porapa pangane: savua nirapaka Tesa nu Alatala.

Lukas 8:21

Tapi nanguli i Yesus ka todea, “Isema-sema nangepe bo nangoseaka Tesa nu Alatala, tona haitumo nireke tinaKu bo sampesuvuKu.”

Yohanes 15:3

Komiu tu nagasamo sabana nipariaramiumo pepatuduki nitesaKu ka komiu.

Yohanes 17:17

Patudukimo ira ante TesaMiu nakana sampe ira majadi todeaMiu nagasa. TesaMiu haitumo pepatuduki nakana.

Yohanes 17:19

Tata, Kudekei katuvuKu ka Komiu bo novia dotaMiu, ala manggeni belo ka anaguruKu, haitumo ala ira mpuu-mpuu mangoseaka pepatuduki nakana bo majadi todeaMiu nagasa.”

Suro-Suro 10:33

Haitumo sampe nitudukumo nasalisa tona hau mangulika komiu tumai. Nabelo mpuu raramiu nakava tumai. Hitupa kami nasiromu puramo ri panggita nu Alatala, ala raepe kami pura-pura anu niuliNa ratesamiu ka kami.”

Suro-Suro 13:48

Tempo tona ledo toYahudi ri sia nangepe tesa haitu, nadamba mpuu rarara bo niulira, “Nabelo mpuu Tesa nu Alatala!” Isema-sema nipelisi nu Alatala manggava katuvua mabelo sampe ri kasae-saena, iramo nomparasaya i Yesus.

Suro-Suro 16:14

Naria saito mombine ri sia lako ri ngata Tiatira nosanga i Lidia. Ia topobalu kae nosura sese mpalola, anu nasuli mpuu alina. Ia nombasomba Alatala mamimo. Tempo niepena tesa i Paulus, Alatala nompakanoto rarana sampe nitarimana pepatuduki haitu.

Suro-Suro 17:11

Tona ri ngata Berea nabelo rarara, ledo mpo tona ri ngata Tesalonika. Nadamba rarara nangepe kareba i Yesus bo eo-eo niparesara Buku Gasa ala rasanira bara makana tesa i Paulus bara ledo.

Suro-Suro 17:32

Tempo todea nangepe tesa tomate natuvu mpanjili lako ri kamatena, naria sanu ira nompongirika i Paulus, sabana ledo niparasayara tomate mamala matuvu mpanjili. Tapi naria muni sanu nanguli, “Kami da madota mangepe hanupa tesamu tutu!”

Suro-Suro 2:41

Naupu nangepe tesa i Petrus, nantambaimo kadea ntona nomparasaya i Yesus, bo ira nidiu, tandana ira topangoseaka Ia. Bo ri eo haitu tona nomparasaya i Yesus natetambai talu-njobu kadeana.

Suro-Suro 8:14

Suro-suro ri ngata Yerusalem nangepe kareba tona ri ngata Samaria nantarima tesa nu Alatalamo. Jadi nitudura i Petrus bo i Yohanes hau ri Samaria.

Roma 10:17

Jadi, manusia nomparasaya i Kristus sabana niepera Kareba Belo. Bo niepera kareba sabana naria tona nompatolele tesa i Kristus ka ira.

2 Korintus 3:18

Sii-sii lenjeta ledo nisalibumbu mpo lenje i Musa nggaulu, apa kita nompopakita kaoge i Pue Yesus riara nggatuvuta. Bo kaoge haitu nakava lako nte Tupu, haitumo Nosa Gasa anu natuvu riara ntaita. Nosa Gasa sakide-sakide nombabaliki kita majadi nasimbayu mpo i Pue Yesus, ala sakide-sakide mantambaipa kaogeNa rakita riara nggatuvuta.

Galatia 4:14

Bo nau duaku haitu nompakasusa komiu, ledo ntoto narunggu raramiu bo ledo nipoaramiu yaku. Nitarimamiumo yaku, nitarimamiu mpo malaeka nu Alatala, atau mpo i Yesus Kristus mboto!

Kolose 1:6

bo natolele ri umba-umba ri dunia sampe da kapantambai-mbaina kadea ntona nomparasaya i Yesus bo katuvura nipakabaru. Ivesia muni najadi ante komiu, nompamula lako ri tempo niepemiu Kareba Belo bo mpuu-mpuu nirasaimiu kabelo nu Alatala.

Ibrani 4:12

Tesa nu Alatala tesa natuvu bo nakuasa. Tesa haitu natadapa pade guma nomata ntimali apa Tesa haitu namala mantosu sampe ri pantaa nyawa bo rara ntai manusia, nasimbayu mpo guma nantosu sampe ri posidumpa nu buku bo unto nu buku. Tesa haitu namala nombabuka bo nomparesa pekiri bo patuju rara ntai manusia.

Ibrani 4:2

Apa kita muni nangepe Kareba Belo nu Alatala nasimbayu mpo totuata nggaulu. Tapi kareba niepe ntotuata ledo ria gunana ka ira, sabana aga niepera bayangi, ledo niparasayara kareba haitu.

Yakobus 1:18

Lako ri dotaNa mboto Ia nompajadi kita majadi ana-anaNa ala kita maogepa pade pura-pura anu ntanina nipajadiNa bo rapatani ka Ia mboto. Kita najadi ana-anaNa sabana kita nompariara tesaNa nakana.

1 Petrus 1:23

Apa komiu nipajadi nu Alatala manusia nabaru, bo katuvumiu nabaru haitu ledo nopuna lako ri manusia anu mamate. Katuvumiu nabaru nopuna lako nte Alatala anu ledo mamate. Komiu nanggava katuvu nabaru haitu sabana komiu nomparasaya Tesa nu Alatala anu natuvu bo naroo sampe ri kasae-saena.

1 Petrus 1:25

Tapi Tesa nu Alatala bate-batena sampe ri kasae-saena.” Yesaya 40:6-8 Tesa nu Alatala haitumo Kareba Belo anu nipatolele ka komiu.

1 Petrus 2:2

Ngana kodi dako nesuvu naino rarana nantomi uve njusu ntinana. Ivesia muni komiu kana maino rara mangepe Tesa nu Alatala anu najadi kandea nagasa ka nyawamiu. Ivesiamo posisanimiu nte Alatala mantambai maroso, sampe ratarimamiu pura-pura belo nipakasadiaNa ka tona nipakasalamaNa.

2 Petrus 3:2

Patujuku, ala ratoramiu tesa-tesa niboto nu nabi-nabi nu Alatala nggaulu, bo ala ratoramiu muni parenta-parenta lako nte Tuputa Yesus, Topepakasalama. ParentaNa nipasimbayu nu suro-suroNa anu nakava nte komiu.

1 Yohanes 3:3

Isema-sema manjarumaka majadi masimbayu mpo i Kristus, ia kana mombajagai pokaingguna ala katuvuna mpuu-mpuu magasa masimbayu mpo katuvu i Kristus.