1 Tesalonika 2:10 - Kaili Ledo

¹⁰ Nisanimiu mboto kagasa katuvu kami nte komiu topomparasaya i Kristus. Pokainggu kami nagasa bo nanoa, bo ledo ria nuapa-nuapa masipato rasalai. Nisanimiu bo nisani nu Alatala muni tesaku hitu nakana.

1 Tesalonika 2:10 ပူးပေါင်းရင်းမြစ်များ

Lukas 23:41

Bo kita randua hii masipato rahuku nasinjuru ante pokaingguta nadaa. Tapi tona hitu ledo ntoto nasala!”

Suro-Suro 20:18

Nakavapa ira, nangulimo i Paulus, “Sampesuvu-sampesuvuku! Nisanimiu berimba katuvuku nte komiu, lako ri kakavaku pamulana ri propinsi Asia hitu sampe sii-sii.

Suro-Suro 20:26

Jadi eo hitu kuuli ka komiu ante raraku mpuu-mpuu, ane rapana maria komiu rapopogaa lako nte Alatala sampe ri kasae-saena, salamiu mboto.

Suro-Suro 24:16

Haitumo sabana yaku nasaro nompasimbuku mokainggu nabelo ala ledo maria nuapa-nuapa nipoviaku masala ri panggita nu Alatala bara ri panggita nu manusia.

2 Korintus 1:12

Nadamba mpuu rara kami apa nisani kami nabula rara kami. Kami nasaro nokainggu nanoa nte tona pura-pura, nelabipa nte komiu. Pura-pura anu nipovia kami, ledo ria nuapa-nuapa nitabuniaka kami. Patuju kami nanoa, nangoseaka dota nu Alatala. Pokainggu kami ledo nangoseaka kapande nu manusia, tapi nangoseaka pompakule nidekei nu Alatala.

2 Korintus 11:11

Nuapa sabana yaku ledo nadota nompakantamo komiu? Bara raulimiu ledo nipotoveku komiu. Ledo nakana! Nisani nu Alatalamo nipotoveku komiu!

2 Korintus 11:31

Alatala, Tuama nTuputa i Yesus, Iamo masipato ratoiya sampe ri kasae-saena! Bo nisaniNa anu nitesaku hitu nakana, yaku ledo nodava!

2 Korintus 4:2

Tapi ane kami, kami domo nangoseaka pokainggu nadaa anu nepakaeya. Kami ledo nebagiu bo ledo nantenggoaka Tesa nu Alatala. Alatala sabi kami bo nikitaNa kami aga nompatolele anu nakana ala rasani ntodea kami namala raparasaya.

2 Korintus 5:11

Jadi naeka rara kami movia anu ledo rapokono nTupu, apa nisani kami Ia mombatangara kita pura-pura. Jadi haitumo sabana kami nompasimbuku manggeni tona momparasaya i Yesus. Nisani nu Alatalamo isi rara ntai kami. Bo nisarumakaku rasanimiu muni isi rara ntai kami bo domo monggai raramiu mompekirika kami.

2 Korintus 7:2

Sampesuvu-sampesuvu, kami madota ala komiu mompotove kami bo mantarima kami! Ledo ria sanggania kami novia nadaa ka komiu, ledo ria saitoa nipakarugi kami. Ledo muni naria saitoa nibagiu kami ala mompakauntu karo kami mboto.

1 Tesalonika 1:5

Apa tempo kami nompatolele Kareba Belo ka komiu, kami ledo aga notesa bayangi. Kami nompatolele kareba haitu ante kuasa bo petulungi Nosa Gasa nu Alatala, bo kami mboto nomparasaya riara ntai kami tesa haitu mpuu-mpuu nakana. Nipeintamiumo katuvu kami tempo kami nonturo nte komiu. Pura-pura nipovia kami ala manggeni belo ka komiu.

1 Tesalonika 2:5

Nisanimiu mbotomo, ledo sanggania kami nompatende komiu, bo ledo muni kami nombaakalani komiu ala mombatabuniaka patuju mompakauntu karo kami mboto. Nisani nu Alatalamo tesaku hitu nakana!

2 Tesalonika 3:7

Nisanimiu mbotomo pokainggu kami bara ipia tempo kami nonturo nte komiu, kami ledo namau nokarajaa. Pokainggu kami haitu kana rapasialamiu.

1 Timotius 4:12

Nee mupalamba tona mompandaente iko sabana iko da namuda. Tapi iko kana majadi jonjo ka topomparasaya riara tesamu, pokainggumu, pepotovemu ka roa, pomparasayamu nte i Pue, bo kagasa katuvumu.

2 Timotius 3:10

Tapi, Timotius, nisanimumo yaku ledo nasimbayu nte tona pangane. Nipariaramumo pepatudukiku, nipasialamumo pokaingguku bo patuju katuvuku. Nisanimumo pomparasayaku, posabaraku, pepotoveku bo pantidamakaku riara kasusa.

1 Petrus 5:3

Bo nee damo dota-dota mompatundu topomparasaya anu niparasayaka komiu, tapi nabelopa komiu majadi jonjo anu masipato rapasialara.