1 Tesalonika 1:7 - Kaili Ledo

⁷ Jadi katuvumiu najadi jonjo nipasiala ntopomparasaya i Yesus pura-pura ri propinsi Makedonia bo propinsi Akhaya.

1 Tesalonika 1:7 ပူးပေါင်းရင်းမြစ်များ

Suro-Suro 1:13

Nakava ri Yerusalem, hau ira ri banua ponturora bo nompene ri tombi kalangana. Sanga nu suro-suro haitu iamo: i Petrus, i Yohanes, i Yakobus, i Andreas, i Filipus, i Tomas, i Bartolomeus, i Matius, i Yakobus ana Alfeus, i Simon Zelot topangeva pomarenta, bo i Yudas ana Yakobus.

Suro-Suro 16:12

Lako ri sia kami nantende hau ri ngata Filipi, haitumo ngata mbaso ri propinsi Makedonia. Ngata Filipi haitu ngata ponturo ntodea nu Magau Mbaso. Kami nonturo ri sia bara sako-mbongi kasaena.

Suro-Suro 18:1

Naupu haitu i Paulus nompalaisi ngata Atena bo hau ri ngata Korintus.

Suro-Suro 18:12

Tempo i Galio najadi gubernur ri propinsi Akhaya, toYahudi ri ngata Korintus nasintuvu nangeva i Paulus. Ia nisakara bo nikenira ratangara ri ngayo Gubernur Galio

Suro-Suro 19:21

Naliutaka kajadia-kajadia haitu, i Paulus nonia hau ri propinsi Makedonia bo Akhaya, pade mapola hau ri ngata Yerusalem. Niulina ka roana, “Maupu yaku hau ri ngata Yerusalem, pade hau ri ngata Roma.”

2 Korintus 1:1

Sampesuvu-sampesuvu todea nu Alatala ri ngata Korintus bo pura-pura topomparasaya ri njumangu propinsi Akhaya: Sura hitu lako nte yaku, i Paulus, bo i Timotius sampesuvuta sampomparasaya. Yaku nipelisi nu Alatala najadi suro i Yesus Kristus nangoseaka dotaNa.

2 Korintus 9:2

Nisanikumo kaoge raramiu mombatulungi ira. Nitoiyaku komiu ri ngayo ntoMakedonia. Niulikuka ira, lako ri mpae naliu komiu toAkhaya nasadiamo mompakatu pedekeimiu. Kadidi raramiu nombadekei, mpuu-mpuu nompakadidi rarara sampe ira muni nadea nadota nombadekei doi petulungi.

1 Tesalonika 1:8

Nompamula nte komiu, kareba i Yesus natolelemo sampe ri propinsi Makedonia bo Akhaya. Bo ledo aga haitu. Ri umba-umba ngata niepe ntonamo tesa pomparasayamiu Alatala. Jadi, ledo paraluu kami motesaki pomparasayamiu, sabana ri umba-umba nikalau kami, tesa haitu nisani ntonamo.

1 Tesalonika 4:10

Bo komiu nosimpotovemo nte pura-pura sampesuvu sampomparasaya ri njumangu propinsi Makedonia. Tapi kami mpuu-mpuu merapi nte komiu, tambaipa posimpotovemiu haitu!

1 Timotius 4:12

Nee mupalamba tona mompandaente iko sabana iko da namuda. Tapi iko kana majadi jonjo ka topomparasaya riara tesamu, pokainggumu, pepotovemu ka roa, pomparasayamu nte i Pue, bo kagasa katuvumu.

1 Petrus 5:3

Bo nee damo dota-dota mompatundu topomparasaya anu niparasayaka komiu, tapi nabelopa komiu majadi jonjo anu masipato rapasialara.