1 Tesalonika 1:6 - Kaili Ledo

⁶ Bo tempo komiu nangepe Kareba Belo, nipasialamiu pokainggu kami bo pokainggu i Pue Yesus muni. Nau nipakasusa mpuu komiu, komiu nadamba nantarima Kareba Belo apa Nosa Gasa nu Alatala nompakadamba raramiu.

1 Tesalonika 1:6 ပူးပေါင်းရင်းမြစ်များ

Matius 16:24

Naupu sia pade niulikaNa ana-anaguruNa, “Isema-sema madota mangoseaka Yaku, ia kana mombakabasaka dotana mboto bo mpuu-mpuu mangoseaka Yaku. Ia kana majadi nasimbayu eva tona nanjimbuaka kayu salibna, haitumo, ia kana masadia rapandasa nau ia rapatesi sabana nangoseaka Yaku.

Yohanes 8:12

Naupu haitu nanguli vaimo i Yesus ka todea, “Yakumo hii reme dunia. Isema-sema mangoseaka Yaku ledo matuvu ri kalandana, tapi manggava reme anu mombadekei katuvua mabelo.”

Suro-Suro 13:52

Topangoseaka i Yesus ri ngata Antiokhia nadamba mpuu rarara, bo ira nikeniaka nu Nosa Gasa nu Alatala.

Suro-Suro 5:41

Suro-suro nompalaisi Polibu haitu bo nadamba mpuu rarara sabana ira nireke nu Alatala masipato mombarasai kasusa bo kapari sabana pangoseakara i Yesus.

Suro-Suro 9:31

Jadi todea topangoseaka i Yesus ri njumangu bagia Yudea, Galilea bo Samaria domo nipandasa. Kasae-sae kadea-dea tona nomparasaya i Yesus, bo todea topomparasaya nantambai karoso pomparasayara sabana ira natundu nte Alatala, bo sabana Nosa Gasa nantulungi ira.

Roma 15:13

Alatala mpuu-mpuu puna panjarumakata! Kuperapi Ia mompakadamba mpuu raramiu bo mombadekei ka komiu katuvua mabelo sabana komiu nomparasaya Ia. Kuperapi panjarumakamiu nte Ia mantambai maroso ante kuasa lako ri Nosa GasaNa.

1 Korintus 11:1

Jadi pasialamo pokaingguku nasimbayu mpo yaku mboto nompasiala pokainggu i Kristus.

1 Korintus 11:2

Sampesuvu-sampesuvu, yaku nantoiya komiu sabana komiu batena nantora yaku riara mpengaya-ngaya, bo komiu naroo nangoseaka pepatuduki nipatudukiku ka komiu.

1 Korintus 4:16

Yaku nompotove komiu mpo anaku mboto. Jadi haitu sampe yaku mpuu-mpuu merapi nte komiu, pasialamo pokaingguku.

2 Korintus 6:10

Nau kami nasaro nipakasusa, tapi kami batena nadamba. Kami napakasi, tapi kamimo anu nanggeni belo ka tona nadea. Nikita eva ledo ria nuapa-nuapa nte kami, tapi kakanana mpengaya-ngaya naria nte kami.

2 Korintus 8:5

Anu nidekeira nelabi mpuu lako ri anu nisarumaka kami. Ledo aga doi nidekeira. Tapi nidekeira ntani ruru katuvura ka i Pue. Ira natundu nte Ia bo natundu muni nte kami, sabana haitumo dota nu Alatala.

Galatia 5:22

Tapi ane tona nikeniaka Nosa Gasa nu Alatala, iveimo inggura: ira nosimpotove, ira nadamba bo natinonto rarara. Ira nosabara, nalusu bo nabelo rarara nte tona ntanina. Ira namala raparasaya,

Efesus 5:1

Alatala nompotove komiu bo komiu najadi ana-anaNa, jadi komiu kana mompasiala pokainggu nu Alatala.

Filipi 3:17

Sampesuvu pura-pura, pasialamo pokaingguku, bo pariarantai munimo pokainggu ntona ntanina anu natuvu nangoseaka jonjo kami.

2 Tesalonika 1:4

Sia sampe ri ngata-ngata ntanina kami nantoiya pokainggumiu ri ngayo ntodea topomparasaya i Yesus. Ante damba rara, kami nanguli ka ira, “Nabelo mpuu toTesalonika! Ira ledo nenonto nomparasaya i Kristus nau nipandasa bo nipakasusa ntona.”

2 Tesalonika 3:7

Nisanimiu mbotomo pokainggu kami bara ipia tempo kami nonturo nte komiu, kami ledo namau nokarajaa. Pokainggu kami haitu kana rapasialamiu.

2 Tesalonika 3:9

Kakanana masipato kami merapi tulungi nte komiu. Tapi kami ledo nerapi tulungi sabana kami madota majadi jonjo anu mamala rapasialamiu.

2 Timotius 4:2

Patolelemo Tesa nu Alatala. Iko kana mompasimbuku mompatolele Tesa haitu nau bara ratarima ntona bara ledo. Popaisani ka tona ane masala pokainggura, onteakamo tona novia dosa, bo pakadidimo rarara mokainggu mabelo. Nee masau raramu mompatuduki ira.

Ibrani 10:34

Komiu muni naasi mata nomporoa bo nantulungi tona nitarunggu. Bo tempo mbara-mbaramiu niago ntona komiu batena nadamba, sabana nisanimiu naria kakalumanamiu nelabipa kabelona ri suruga anu nainti sampe ri kasae-saena.

1 Petrus 1:6

Komiu kana madamba-damba sabana belo nisarumakamiu haitu. Komiu kana madamba naupa sii-sii tempo komiu da natuvu ri dunia komiu nombarasai kasusa bo nambela mpengaya-ngaya pesori.

1 Petrus 1:8

Nau ledo nikitamiu Ia bara ipia, komiu nompotove Ia. Bo nau ledo nikitamiu Ia sii-sii, tapi komiu batena nomparasaya Ia. Bo kadamba raramiu naoge mpuu sampe ledo rapakule mombasovadakana.

1 Petrus 3:13

Ane komiu masaro mokainggu nabelo, isema movia anu nadaa ka komiu?

3 Yohanes 1:11

Vegaku, nee mupasiala pokainggu nadaa, tapi pasialamo pokainggu nabelo. Isema-sema novia anu nabelo, iramo ana-ana nu Alatala. Tapi isema-sema novia anu nadaa, ledo ntoto nosisani nte Alatala.