1 Petrus 5:8 - Kaili Ledo

⁸ Komiu kana mainga bo manoto rara, sabana balimiu, Magau nu Seta hau tumai nasimbayu mpo singa nongao-ngao nompengavu tona rasakana.

1 Petrus 5:8 ပူးပေါင်းရင်းမြစ်များ

Matius 13:39

Magau nu Seta nirapaka bali anu nokamburaka vua jono. Kaupu nu Dunia nirapaka tempo nokato bo malaeka-malaeka nu Alatala nirapaka topokato.

Matius 24:42

Haitu sampe Kuuli, komiu kana mainga, apa ledo nisanimiu maipia makava Tupumiu.”

Matius 25:41

Maupu haitu Kuuli ka ira ri sabingga njidiKu, ‘Palaimo lako nte Yaku, komiu anu nihuku nTuamaKu! Koi hau riara apu anu navaya sampe ri kasae-saena nipakasadia ka Magau nu Seta ante malaeka-malaeka anu nangoseaka ia.

Matius 4:1

11Naupu haitu i Yesus nikeni Nosa Gasa nu Alatala hau nantende ri karava bai ala rapesori Magau nu Seta.

Matius 4:11

Naliu haitu, nalaimo Magau nu Seta lako nte i Yesus, bo nakavamo malaeka-malaeka nTupu mompatala Ia.

Markus 4:15

Savua nanavu ri bivi dala, nirapaka tona anu nangepe Tesa nu Alatala, tapi Magau nu Seta nakava nangala tesa dako nesua riara ntaira.

Lukas 21:34

“Pakabelo! Komiu kana mainga, apa Yaku, Ana nu Manusia, sampesanika makavamo. Nee sampe Kukava komiu aga mosusa bo manginu sampe malangu, atau masesa rara mompekirika katuvumiu eo-eo sampe komiu ledo masadia. Apa Yaku makava nte pura-pura manusia ri umba-umba ri dunia bo kakavaKu masimbayu mpo tolia.

Lukas 21:36

Komiu kana mainga-inga bo masaro mekakai nte Alatala ala rapakulemiu mombatidamaka pura-pura anu majadi haitu bo ledo maeya matamiu mantingayo Yaku, Ana nu Manusia.”

Lukas 22:31

Pade nanguli i Yesus ka i Simon Petrus, “Simon, epemo tesaKu! Magau nu Seta nipaloga nu Alatalamo mompesori komiu pura-pura nasimbayu mpo topovaro pae.

Yohanes 8:44

Komiu nasimbayu ante tuamamiu, Magau nu Seta! Komiu batena madota mangoseaka dotana. Lako ri pamulaname ia bate-batena topepatesi. Ia ledo nosabingga ka anu nakana, sabana ledo ria nuapa-nuapa nakana riara ntaina. Masipato ia modava, apa ia topodava mami bo puna nu dava.

2 Korintus 2:11

Tona haitu niampungikumo ala nee sampe Magau nu Seta manggava loga mombadagi kita, sabana nisanita mamimo akalana.

Efesus 4:27

ala ledo maria loga nu Magau Seta mesua riara nggatuvumiu.

Efesus 6:11

Pakemo pura-pura pareva posieva nidekei nu Alatala ka komiu, ala komiu mompakule mombatidamaka mpengaya-ngaya peeva noakala lako ri Magau nu Seta.

1 Timotius 2:15

Tapi naupa ivesia, ane mombine maroo momparasaya i Yesus, mompotove tona ntanina, bo matuvu nte pokainggu nabelo bo masipato, ia rapakasalama tempo moana.

1 Timotius 2:9

Ivesia muni mombine. Ira kana mobaju masipato bo moada. Nee mompengaya-ngaya bulua. Nee mombavera karo ante ramba-ramba nasuli mpo bulava, mutiara bo baju nasuli-suli.

1 Timotius 3:11

Ivesia muni bereina kana mombine nabelo pokaingguna, ledo topetunturaka. Bo ia muni kana matau mantaamaka dota rarana mboto bo mokainggu nanoa sampe namala raparasaya riara mpengaya-ngaya.

1 Timotius 3:2

Tona masipato manggeniaka todea topomparasaya kana mabelo pokaingguna sampe ledo ria pokaingguna nuapa-nuapa rapakasala. Ia aga saito bereina bo nipakulena mombatidamaka dota rarana mboto. Nanoto pekirina bo naria adana. Ia nadamba nantarima torata riara banuana bo nipakulena nompatuduki tona ntanina.

2 Timotius 4:17

Tapi i Pue Yesus nantulungi yaku, bo Ia nompakaroso yaku sampe nipakuleku nompatolele pura-pura Kareba Belo ka pura-pura tona anu ledo toYahudi ri sii. Kaupuna yaku nikabasaka lako ri kuasa ntona madota mompatesi yaku.

Titus 1:8

Tona raanggataka majadi pakeni ntopomparasaya kana majoi rarana mantarima torata riara banuana, bo nompokono anu nabelo. Ia kana nanoto, nanoa, bo nagasa katuvuna, bo kana rapakulena mombatidamaka dota nu rarana mboto.

Titus 2:12

Lako ri kabelo raraNa, kita nipatudukiNa mombakabasaka pokaingguta ledo nipokonoNa bo dota nu rarata nadaa. Bo kita nipatudukiNa majadi manoto, manoa, bo matuvu mangoseaka dotaNa ri dunia sii-sii.

Titus 2:2

Ulimo ka totua-totua langgai ira kana mombakuasai karora mboto. Ira kana manoto bo matuvu nte pokainggu masipato ratoiya. Ira kana matutu mangoseaka pepatuduki nakana, ira kana mpuu-mpuu mompotove tona ntanina, bo mombatidamaka riara kasusa.

Titus 2:4

Ivesiamo ira mamala mompatuduki ngana-ngana mombine mompotove bereira bo ana-anara,

Titus 2:6

Ivesia muni mupatuduki ka ngana-ngana langgai. Ulika ira, ira kana mombakuasai karo mboto. Bo iko mboto kana mokainggu mabelo riara mpengaya-ngaya ala iko majadi jonjo namala rapasiala ntona. Ane iko mompatuduki, patudukimo ante manoa bo ante mpuu-mpuu raramu.

Yakobus 4:7

Sampesuvu-sampesuvu, komiu kana matundu nte Alatala. Evasimo Magau nu Seta, bo malai ia lako nte komiu.

1 Petrus 1:13

Sampesuvu-sampesuvu, naria mamimo panjarumakata naroso. Sabana haitu, komiu kana mompakanoto raramiu bo mainga, bo maroo manjarumaka belo radekei ka komiu tempo i Yesus Kristus makava mpanjili.

1 Petrus 4:7

Naparamo kaupu nu dunia. Jadi komiu kana mainga bo mompakanoto raramiu ala komiu mamala mosambaya.

Pompakita 12:10

Naupu haitu niepeku suara riara suruga namangga mpuu nanguli, “Sii-sii nakavamo gantana Alatala mompakasalama todeaNa. Sii-sii nipopakitaNamo kuasaNa, nompamulamo Ia nomparenta mpo Magau. Sii-sii nakavamo Magau Topepakasalama anu nipelisi nu Alatala mompopakita kuasaNa, sabana Magau nu Seta nipopalaimo lako ri suruga, Magau nu Seta haitumo anu nompangadu todea sampomparasaya eo bongi ri ngayo nTuputa Alatala.

Pompakita 12:12

Sabana haitu, kana madamba mpuu komiu toponturo ri suruga. Tapi mandasamo komiu toponturo ri tana bo ri tasi sabana nanaumo Magau nu Seta tou nte komiu. Bo nagigi mpuumo rarana sabana nisanina logana mebagiu damo sampalai.”

Pompakita 12:9

Jadi ule naga haitu nipopalai lako ri suruga bo nitedaka hau ri dunia nosanggani-nggani ante malaeka-malaeka anu nantulungi ia. Ia haitumo Ule Ntua anu nosanga Topangadu atau Magau nu Seta, anu nombabagiu manusia ri njumangu dunia.

Pompakita 20:10

Maupu haitu Magau nu Seta anu nombabagiu ira ratedaka riara ntasi apu navaya ante vatu-vatu colonggata narega. Haitumo ponturo nipotedaka binata nadaa bo nabi mpodava nokolu. Hamai, eo bongi ira rapandasa sampe ri kasae-saena.

Pompakita 20:2

Nisakana ule naga haitu anu niuli Ule Ntua, atau Topangadu atau Magau nu Seta. Bo ule haitu sanjobu mpaemo kasaena nirantena.