1 Petrus 5:6 - Kaili Ledo

⁶ Jadi sampesuvu-sampesuvu, pakaedemo raramiu, bo pekoumo nte Alatala naroso ala rabilaNa komiu ri tempo nipakatantuNa.

1 Petrus 5:6 ပူးပေါင်းရင်းမြစ်များ

Matius 23:12

Isema-sema mompakaoge karona mboto, kana rapakaede nu Alatala, bo isema-sema mompakaede rarana mboto, kana rapakaoge nu Alatala.

Lukas 1:52

Magau-magau nakuasa nilelakaNa panggara, bo tona naede rara nipakaogeNa.

Lukas 14:11

Isema-sema nompakalanga rarana mboto, kana rapakaede nu Alatala. Bo isema-sema nompakaede rarana mboto, kana rapakaoge nu Alatala.”

Lukas 18:14

Nanguli i Yesus, “Kuuli ka komiu, tempo ira randua nanjili, topesingara balasitee nitarima nu Alatala, tapi toFarisi ledo. Apa, isema-sema nompakaoge karona mboto, kana rapakaede nu Alatala, tapi isema-sema nompakaede rarana, kana rapakaoge nu Alatala.”

Roma 5:6

Iveimo tove nu Alatala ka kita: ri tempo nipakatantu nu Alatala, tempo kita ledo nompakule mangoseaka dotaNa, i Kristus namate nanjambei kita anu ledo natundu nte Alatala.

1 Korintus 10:22

Kita aga mombaopa rau rara nTupu ane ratuntunita toposomba seta-seta! Atau nisarumakamiu kita nakuasapa pade Tupu?

1 Timotius 2:6

Ia manusia anu nombadekei karoNa mboto nipatesi mombatolosi pura-pura tona. Ia namate ri tempo nipakatantu nu Alatala ala malanto rakitata dota nu Alatala mompakasalama pura-pura manusia.

Titus 1:3

Sii-sii ri tempo nipakatantuNa mboto, nipopaisani nu Alatala mpuumo pojanjiNa haitu ka manusia riara karebaNa anu nipatoleleku. Kareba Belo haitu niparasayaNa ka yaku bo nipatoleleku nangoseaka parenta nu Alatala, Topompakasalama kita.

Yakobus 4:10

Komiu kana mompakaede raramiu ri ngayo nu Alatala bo Ia mompakaoge komiu.

Yakobus 4:7

Sampesuvu-sampesuvu, komiu kana matundu nte Alatala. Evasimo Magau nu Seta, bo malai ia lako nte komiu.

Yakobus 5:10

Sampesuvu-sampesuvu, oseakamo jonjo nabi-nabi nggaulu anu nompasimbayu tesa nu Alatala. Ira batena nosabara bo naroo rarara tempo nombarasai kasusa bo kapari.