1 Petrus 5:5 - Kaili Ledo

⁵ Ivesia muni komiu da namuda. Komiu kana mekou nte totua. Bo komiu topomparasaya pura-pura kana mompakaede raramiu bo mositulungi. Apa nitulisi riara Buku Gasa: “Alatala nangeva tona nalanga rarana, tapi nipoasiNa tona naede rarana.” Amsal 3:34

1 Petrus 5:5 ပူးပေါင်းရင်းမြစ်များ

Lukas 22:26

Tapi ledo ivesia nte komiu. Kakanana isema naoge kana majadi masimbayu mpo tona naede, bo pakenimiu kana majadi masimbayu mpo batua.

Roma 12:10

Posimpotovemo mpo posimpotove ntali sampesuvu. Bila ntanimo roamiu pade karomiu mboto.

Roma 13:14

Tapi kita kana mompasiala pokainggu i Pue Yesus Kristus. Haitumo pareva posieva rapasuata. Bo nee rapaloga karomiu mangoseaka dota raramiu nadaa.

Efesus 5:21

Pekoumo nte roamiu ntanina sampomparasaya sabana komiu nombabila i Kristus.

Filipi 2:3

Nuapa-nuapa rapoviamiu, nee aga mangelo kauntu mboto atau mantoiya karo mboto, tapi aginamo rapakaedemiu raramiu bo manguli roamiu naogepa pade komiu mboto.

Kolose 3:12

Sampesuvu-sampesuvu, kita nipotove nu Alatala bo nipelisiNa majadi todeaNa nagasa. Haitu sampe kita kana maasi matata manggita roa. Kita kana mabelo rara, maede rara, malusu rara, bo mosabara nte roa.

1 Timotius 5:1

Nee makasara mangonteaka langgai anu natuakapa pade iko, tapi popatoramo ia ante tesa nalusu nasimbayu mpo anu mupovia ka tuamamu mboto. Popatoramo langgai namuda nasimbayu mpo mupovia ka sampesuvumu mboto.

Ibrani 13:17

Oseakamo parenta-parenta nu pakeni-pakenimiu bo pekoumo nte ira, sabana iramo nombajagai pomparasayamiu. Makava tempona bara maipia ira kana manguli pakalanto ri ngayo nu Alatala berimbana komiu nikeniakara. Jadi pekoumo nte ira ala ira mamala mantui pokarajaa haitu ante damba nu rara. Ane komiu ledo mekou, aga masusa rarara bo haitu ledo manggeni belo ka komiu.

Yakobus 4:6

Tapi Alatala nombatulungi kita lako ri kabelo nu raraNa. Bo petulungiNa haitu naogepa pade pura-pura anu nipoinota. Haitumo sampe naria tesa nitulisi riara Buku Gasa ivei: “Alatala nangeva tona nalanga rarana, tapi tona naede rarana nipoasiNa.”

1 Petrus 3:8

Jadi sampesuvu-sampesuvu, kupapolamo tesaku. Komiu pura-pura kana mosangu pekiri bo mosangu rara. Posimpotovemo mpo tona nosampesuvu. Komiu kana mosipoasi mata bo nee malanga rara.

1 Petrus 4:1

Kristus mboto nombarasai kasusa bo kapari tempo Ia natuvu ri dunia hitu. Jadi haitumo sabana komiu muni kana mompakaroo raramiu ala masadia mombarasai kasusa bo kapari nasimbayu mpo Ia. Apa isema-sema nombarasai kasusa bo kapari ri karona mboto domo nadota novia dosa.

1 Petrus 4:5

Tapi makava tempona, ira kana mompangaku poviara nadaa haitu ri ngayo nu Alatala. Bo Alatala nasadiamo mombatangara pura-pura tona, nau tona da natuvu bo muni tona namatemo.