1 Petrus 5:13 - Kaili Ledo

¹³ Tabe lako nte sampesuvumiu sampomparasaya anu naria ri sii ri ngata Babilon. Ira muni nipelisi nu Alatala nasimbayu mpo komiu. Bo tabe muni lako nte anaku i Markus.

1 Petrus 5:13 ပူးပေါင်းရင်းမြစ်များ

Suro-Suro 12:12

Naupu nompekirika kajadia haitu, haumo ia ri banua i Maria, tina Yohanes-Markus. Ri banua haitu nadea tona nasiromu nosambaya.

Suro-Suro 12:25

Naupu i Barnabas bo i Saulus nanggeni pedekei ntoAntiokhia ka pakeni-pakeni ntopomparasaya ri ngata Yerusalem, nanjilimo ira hau ri ngata Antiokhia. Nikenira i Yohanes-Markus mosanggani-nggani nte ira.

Suro-Suro 15:37

Nangepe haitu nasitujumo i Barnabas. Ia madota manggeni i Yohanes-Markus muni,

Suro-Suro 15:39

Jadipa i Paulus bo i Barnabas nosinggarau mpuumo bo kaupuna ira nosimpogaamo. I Barnabas nangala i Markus bo ira nesavi kapala hau ri levuto Siprus.

Kolose 4:10

Tabe lako nte i Aristarkhus anu nosanggani ante yaku nitarunggu ri sii. Bo tabe lako nte i Markus sampesuvu i Barnabas. Toramo anu nitevaiku ka komiu bara ipia: ane ia tou nte komiu ri situ, tarimamo ia ante mabelo.

Filemon 1:24

Tarima muni tabe lako nte roaku sampokarajaa, haitumo i Markus, i Aristarkhus, i Demas bo i Lukas.

2 Yohanes 1:1

Nina ntali ana, anu nipelisi nu Alatala: Sura hitu lako nte yaku, i Yohanes, pakeni ntodea topomparasaya. Yaku mpuu-mpuu nompotove komiu. Ledo aga yaku tapi pura-pura topangisani pepatuduki nakana lako nte Alatala, nompotove komiu muni.

2 Yohanes 1:13

Nadea tabe lako nte ana-ana nu sampesuvumiu ri sii anu nipelisi nu Alatala. Tabe lako nte yaku, Yohanes

Pompakita 17:5

Ri kirena nitulisi sanga ledo nisani ntona batuana, ivei: NGATA BABEL ANU NAKALUMANA TINA NU PURA-PURA BAJINGA PONTURO NTOPOVIA MPENGAYA-NGAYA POKAINGGU NARUTO

Pompakita 18:2

Nongaremo ia ante suara namangga, “Nageromo! Nageromo ngata mbaso Babel! Nompamula sii-sii ngata haitu majadi ponturo nu seta-seta, bo ponturo mpengaya-ngaya anu nadaa, bo ponturo mpengaya tonji naruto anu nipovuu mata nu manusia.