1 Petrus 5:11 - Kaili Ledo

¹¹ Iamo nakuasa sampe ri kasae-saena. Amin!

1 Petrus 5:11 ပူးပေါင်းရင်းမြစ်များ

Roma 11:36

Apa pura-pura anu naria, nopuna lako nte Alatala bo natuvu lako ri kuasaNa bo Iamo Tupuna. Iamo masipato ratoiyata bo rabilata sampe ri kasae-saena! Amin!

1 Petrus 4:11

Jonjona, isema-sema nidekeika pompakule mompasimbayu Tesa nu Alatala kana motesa mpo tona niposumba nu Alatala mboto. Isema-sema nidekeika pompakule mantulungi tona ntanina, kana mantulungi ante karoso nidekei nu Alatala ka ia. Pakemo pompakule-pompakule haitu ala nau damo nuapa majadi, Alatala ratoiya bo rabila sabana anu nipovia i Yesus Kristus ri katuvumiu. Alatalamo nakuasa bo masipato ratoiya bo rabila sampe ri kasae-saena. Amin!

Pompakita 1:6

Kita nipajadiNa todea riara poparentaNa, kita nipajadiNa topanggeni pesomba anu manggeni pesomba ka TuamaNa Alatala. Masipato i Yesus ratoiya bo rabila, bo masipato Ia momparenta sampe ri kasae-saena! Amin!

Pompakita 5:13

Pade niepeku munimo suara nu pura-pura anu natuvu ri suruga, ri tana, ri tambe ntana, rantasi, bo pura-pura anu natuvu nodade ivei: “Toponturo ri Gadera Kamagaua bo Ana Bimba haitu masipato ratoiya bo rabila bo rapakaoge, bo kuasaRa masipato ratesata sampe ri kasae-saena.”