1 Petrus 4:6 - Kaili Ledo

⁶ Haitumo sampe Kareba Belo nipatolele muni ka tona namatemo. Ira namatemo sabana pehuku nu Alatala, nasimbayu nte pura-pura manusia ntanina. Tapi Kareba Belo nipatolele ka ira ala nyawara mamala matuvu mabelo mangoseaka dota nu Alatala.

1 Petrus 4:6 ပူးပေါင်းရင်းမြစ်များ

Matius 24:9

Tempo haitu komiu rasaka bo radekei ka tona anu mompandasa komiu bo mompatesi komiu. Komiu rapovuu mata ntona lako ri umba-umba ngata sabana komiu topangoseaka Yaku.

Roma 8:2

Apa Nosa Gasa anu nanggeni kita natuvu nosangu rara nte i Yesus Kristus, nombakabasaka kita lako ri kuasa dosa bo kamatea.

Galatia 2:19

Apa lako ri Atura agama sampe nisaniku ledo kupakule majadi manoa ri panggita nu Alatala ante nangoseaka Atura haitu. Jadi sabana haitu, sii-sii yaku nenontomo nanjarumaka Atura agama ala yaku mamala mpuu-mpuu matuvu nangoseaka dota nu Alatala. Tempo i Kristus namate ri kayu salib, yaku muni nireke namate nosanggani-nggani ante Ia.

Galatia 5:25

Nosa Gasa nu Alatala nombadekei katuvu nabaru ka kita, jadi masipato kita matuvu mangoseaka dota Nosa Gasa haitu.

1 Petrus 1:12

Bo Alatala nompakalanto ka ira anu nibotora haitu ledo nosinggambela ante ira mboto tapi nosinggambela ante komiu anu natuvu sii-sii. Kajadia-kajadia nibotora haitu, nipatolele ntopanggeni Kareba Belo ka komiu sii-sii. Nikenira kareba haitu ante petulungi Nosa Gasa nu Alatala, anu nipopanau lako ri suruga. Kakanana malaeka-malaeka nTupu mboto nadota mangisani batuana kajadia-kajadia pangane anu nipatolele ka komiu.

1 Petrus 3:18

Apa i Kristus muni nombarasai kasusa nau ledo novia anu nadaa. Ia aga sanggani namate nombasompo dosa manusia nagana sampe ri kasae-saena. Ia ledo nasala, tapi Ia namate nanjambei kita anu nasala, ala mompoposinggabelo kita ante Alatala. Ia nipatesi tapi nipakatuvu mpanjili ante kuasa Nosa Gasa nu Alatala.

1 Petrus 3:19

Pade Ia nikeniaka nu Nosa Gasa hau nompatolele Tesa lako nte Alatala ka nyawa-nyawa ntomate anu nitarunggu ri ponturo ntomate,

Pompakita 14:18

Bo nakava saitopa malaeka ntanina lako ri Lanta Pesomba. Iamo nakuasa nombaurusi apu ri Lanta Pesomba haitu. Nongaremo ia ante suara namangga ka malaeka anu nantipale are ntada, ivei: “Pakemo aremu tutu bo tentesimo vua anggur ri dunia, natasamo vuana.”