1 Petrus 4:5 - Kaili Ledo

⁵ Tapi makava tempona, ira kana mompangaku poviara nadaa haitu ri ngayo nu Alatala. Bo Alatala nasadiamo mombatangara pura-pura tona, nau tona da natuvu bo muni tona namatemo.

1 Petrus 4:5 ပူးပေါင်းရင်းမြစ်များ

Matius 12:36

Jadi pariaramo! Ri Eo Potangara bara maipiapa, pura-pura tona kana ratangguna mboto pura-pura tesana ledo noguna niulira.

Lukas 16:2

Jadi nipokiona topompasiayu haitu bo niulikana, ‘Natantu mpuu pokainggumu niepeku! Dekei kakumo buku nu doi pokarajaamu nompasiayu kakalumanaku. Domo iko mompasiayu kakalumanaku!’

Suro-Suro 10:42

Bo nituduNa kami mompatolele Kareba Belo haitu ka pura-pura tona, bo manguli ka tona Iamo nianggataka nu Alatala majadi Topotangara pura-pura manusia da natuvu bo anu namatemo.

Suro-Suro 17:31

Apa nipakatantuNamo tempona bara maipia pura-pura manusia ri dunia ratangara ri kanoana. Pokarajaa motangara haitu nidekeiNa ka saito tona nipelisiNa lako ri nggauluname. Alatala nompakatuvu mpanjili tona haitu lako ri kamateNa ala malanto ka pura-pura tona Ia mpuu-mpuu nipelisi nu Alatala majadi Topotangara pura-pura manusia.”

Roma 14:9

Haitumo sabana i Yesus Kristus namate bo natuvu mpanjili lako ri kamateNa, ala Ia mamala majadi Tupu nu pura-pura manusia, nau tona da natuvu nau tona namatemo.

2 Timotius 4:1

Timotius, petevai hitu niuliku nte mpuu-mpuu raraku. Makava tempona i Yesus Kristus makava mpanjili momparenta ri dunia hitu, bo ratangaraNa pura-pura manusia, tona da natuvu bo tona namatemo. Jadi, kuuli ka iko ri ngayo nu Alatala bo i Yesus Kristus anu nanggita pura-pura poviata:

Yakobus 5:9

Nee mongalu bo mosipakasala, ala komiu ledo rahuku nu Alatala. Toramo! Domo masae makavamo Ia mombatangara manusia.