1 Petrus 4:17 - Kaili Ledo

¹⁷ Nakavamo tempona Alatala mombatangara pura-pura manusia. Bo kita todeaNa mboto mokolu ratangaraNa. Ane kita todeaNa mokolu ratangaraNa natantu mantamo mpuumo pehukuNa ka tona ledo nadota nomparasaya Kareba Belo lako nte Ia!

1 Petrus 4:17 ပူးပေါင်းရင်းမြစ်များ

Lukas 23:31

Sabana, ane rapoviara ivesia sii-sii nte kayu mata evamo Yaku tonoa, berimba muni rapoviara ngena nte kayu ngau evamo komiu totenggo? Tantu mandasa ntotopa komiu ngena!”

Roma 1:1

Sampesuvu-sampesuvu ri ngata mbaso Roma: Sura hitu lako nte yaku i Paulus, batua i Yesus Kristus. Alatala nompelisi bo nombasuro yaku mompatolele Kareba Belo lako nte Ia.

Roma 2:9

Isema-sema nokainggu nadaa kana mandasa bo mombarasai kasusa, pamula-mulana toYahudi bo muni tona ledo toYahudi.

Galatia 3:1

Nadoyo mpuu komiu toGalatia! Isema nanjalipuyo komiu sampe komiu domo nadota nangoseaka pepatuduki nakana? Nipakalantoku mpuu nanguli ka komiu bara ipia patuju kamate i Yesus Kristus ri kayu salib.

Galatia 5:7

Bara ipia nioseakamiu nabelo Kareba Belo. Jadi nakuya hitupa komiu domo nadota nangoseaka pepatuduki nakana? Isema nombalava komiu?

Galatia 6:10

Jadi tempo da naria loga kita kana movia anu nabelo ka pura-pura tona, nelabipa ka sampesuvuta sampomparasaya.

2 Tesalonika 1:8

bo ante apu navaya-vaya. Ia manau mombahuku tona ledo nadota nompeili Alatala bo ledo nadota nangoseaka Kareba Belo anu notesaki Tuputa Yesus.

1 Timotius 3:15

mbelaka masae pade makava yaku, musanimo pokainggu masipato ka pura-pura tona nireke nu Alatala ana-anaNa. Apa kitamo todea anu nombasomba Alatala anu Natuvu sampe ri kasae-saena. Kitamo nanggangisi bo nombajagai pepatuduki nakana lako nte Alatala ala ledo rabaliki ntona, nasimbayu mpo tinja bo pandasi nombatande pakaroso banua.

Ibrani 11:8

Lako ri pomparasaya i Abraham, nioseakana parenta nu Alatala. Alatala nompokio ia bo nituduNa hau ri ngata nakavao. Alatala nojanji ngata haitu majadi bagia i Abraham. Jadi, nau dopa nisanina ri umba ngata rakalauna haitu, nipalaikanamo ngatana mboto nangoseaka parenta nu Alatala.

Ibrani 2:2

Atura nTupu anu nipapola nu malaeka-malaeka ka totuata nggaulu, nakana bo kana raoseaka. Isema-sema nombaliunaka Atura haitu atau ledo nangoseaka Atura haitu, nikavana pehuku nangoseaka poviana.

Ibrani 2:4

Bo Alatala mboto nompakalanto kareba nipatolelera mpuu-mpuu nakana. Apa nipoviaNa mpengaya-ngaya kabaraka bo tanda nipokumaaka, bo nipaleleNa pompakule lako ri Nosa GasaNa nangoseaka dotaNa mboto.

Ibrani 3:6

Tapi i Kristus ledo aga potudua, Ia Ana nu Alatala mami anu natutu nompasiayu pura-pura todea nTuamaNa. Bo kitamo nireke todea nu Alatala asaa kita naroo nomparasaya bo ledo nolengga-lengga nanjarumaka i Yesus ante damba rara sampe ri kaupuna.

Ibrani 5:9

Naganapa pura-pura haitu nirasaiNa, Ia najadi puna katuvua nabelo sampe ri kasae-saena ka pura-pura tona matundu nte Ia.

1 Petrus 2:5

Komiu muni nasimbayu mpo vatu-vatu natuvu, jadi dekei Alatala mompake komiu majadi banua petupu ka Ia. Bo riara banua petupu haitu komiu majadi mpo topanggeni pesomba, anu natuvu nipatani ka Alatala. Bo komiu namala metupu nte Ia ante pekeniaka Nosa Gasa. Petupumiu haitu najadi pesomba anu rapokonoa rara nu Alatala sabana anu nipovia i Yesus Kristus.

1 Petrus 2:8

Bo naria tesa ntanina ri Buku Gasa ivei: “Vatu haitu nompakatepasunu tona. Vatu haitu nompakadungga ira.” Yesaya 8:14-15 Ira natepasunu sabana ira ledo nadota nangoseaka Tesa nu Alatala, bo haitumo bagiara nipakatantu nu Alatala ka ira.