1 Petrus 4:12 - Kaili Ledo

¹² Sampesuvu-sampesuvu nipotoveku, nee mahera komiu nombarasai susa bo pari nantamo mpuu, mpo kapane nu apu. Haitu najadi mompakaliangu pomparasayamiu. Nee mahera bo nee rapekirimiu kasusa nirasaimiu haitu ledo ria kasimbayuna.

1 Petrus 4:12 ပူးပေါင်းရင်းမြစ်များ

1 Korintus 10:13

Pura-pura pesori anu nambela komiu nasimbayu ante pesori-pesori anu nipambela ka pura-pura manusia. Tapi Alatala namala raparasaya mantulungi komiu. Ledo rapalambaNa komiu rapesori ante pesori anu melabi lako ri pompakulemiu. Tempo komiu rapesori, Ia mompopaisani dala ka komiu ala komiu maroso bo maroo raramiu mombatidamaka riara pesori haitu.

1 Korintus 3:13

Rapana ane mapapu banua, tantu pareva nabelo nipake novia banua haitu maboli, tapi pareva ledo nabelo mapapu puramo. Ivesia muni ante pokarajaa ntopokarajaa ka Alatala. Kabelo nu pokarajaara saito-saito kana rapakalanto bara maipia tempo i Yesus makava mpanjili ri dunia. Pokarajaara haitu rauji nu Alatala ala malanto pokarajaara haitu bara mabelo bara ledo.

2 Timotius 3:12

Pura-pura tona anu madota matuvu mangoseaka dota nu Alatala bo matuvu mosangu rara ante i Yesus Kristus, tantu rapandasa.

1 Petrus 2:11

Sampesuvu-sampesuvu nipotoveku, katuvuta ri dunia hitu nasimbayu mpo topesovo bo torata anu nonturo aga sampalai. Jadi yaku mpuu-mpuu nerapi nte komiu, nee raoseakamiu dota rara nadaa anu batena nangeva nyawamiu nangoseaka dota nu Alatala.

1 Petrus 4:4

Tapi sii-sii nahera roa-roamiu sabana komiu domo nangoseaka ira nompebasa nokainggu nadaa ante ledo ria rekena, bo haitumo sabana nisalaira komiu.

1 Petrus 5:9

Tapi nee raepe ia! Aginamo komiu batena momparasaya bo mangoseaka Alatala apa nisanimiu mbotomo topomparasaya ri umba-umba ri dunia nombarasai susa bo pari nasimbayu mpo komiu muni.