1 Petrus 3:9 - Kaili Ledo

⁹ Ane maria tona movia anu nadaa nte komiu, nee rabalasi ira ante anu nadaa. Ane rasalai ntona komiu, nee rapesava. Agina komiu merapi Alatala mombadekei belo ka ira. Apa komiu nipokio nu Alatala manggeni belo ka tona ntanina, ala komiu manggava belo lako nte Ia.

1 Petrus 3:9 ပူးပေါင်းရင်းမြစ်များ

Matius 19:29

Isema-sema nompalaisi banuana bara sampesuvuna bara tina tuamana, bara ana-anana, bara taluana sabana ia nangoseaka Yaku, tona haitu radekei saatu-nggani kadeana. Bo ia muni radekei katuvua mabelo sampe ri kasae-saena.

Matius 25:34

Bo Kuuli ka ira ri sabingga ngganaKu ivei: ‘Kamaimo komiu nipobelo nTuamaKu. Pesuamo riara KamagauaKu, naria ponturo ri sii nipakasadia ka komiu lako ri lamba pamulana.

Matius 5:39

Tapi Kuuli ka komiu, nee rapesavamiu. Ane maria tona mombasapa kalimpi ngganamiu, dekei muni sabingga kalimpi njidimiu rasapana.

Matius 5:44

Tapi Kuuli ka komiu, potovemo balimiu bo posambayaka tona nompandasa komiu.

Markus 10:17

Tempo i Yesus mompapola polipaNa, naria saito tona nangova mosinggavaka Ia. Tona haitu nantaputu ri ngayo i Yesus bo nanguli, <>

Lukas 10:25

Naria saito guru agama ntoYahudi neangga ri sia. Ia madota mombaopa tesa i Yesus. Jadi nekutana ia, “Guru, nuapa masipato kupovia ala yaku mamala matuvu sampe ri kasae-saena?”

Lukas 18:18

Naria saito pakeni ntoYahudi nekutana nte i Yesus, “Guru belo, nuapa kupovia ala kukava katuvua mabelo sampe ri kasae-saena?”

Roma 12:14

Ane maria tona mompandasa komiu, nee ratundamiu ia tapi perapi Alatala mombadekei belo ka ia.

Roma 12:17

Ane maria tona mompakadaa komiu, nee rabalasi ante daa! Poviamo anu nireke ntodea nabelo.

Roma 8:28

Bara nuapa-nuapa majadi, nisanita Alatala nompasiayuna ala manggeni belo ka kita topompotove Ia, haitumo kita anu nipokioNa majadi todeaNa nangoseaka niaNa mboto.

Roma 8:30

Bo kita anu nipakatantuNa lako ri lamba pamulana haitu, nipokioNa majadi todeaNa. Bo kita anu nipokioNa majadi todeaNa, nirekeNa nanoa ri panggitaNa. Bo kita anu nirekeNa nanoa, radekeiNa bagia ri kakuasaNa bo kaogeNa mboto.

Galatia 3:14

Patuju i Kristus nombadekei karoNa rapatesi ivesia, ala tona ledo toYahudi mamala muni manggava belo nasimbayu ante belo nijanji nu Alatala ka i Abraham nggaulu. Belo haitu ratarimara sabana ira nosangu rara nte i Yesus Kristus. Ivesia muni kita anu nomparasaya i Kristus manggava Nosa Gasa anu nijanji nu Alatala nggaulu.

Efesus 4:32

Tapi kana mabelo raramiu nte roa bo mosipoasi mata. Komiu kana mosiampungi, nasimbayu mpo Alatala nombaampungi komiu sabana komiu nosangu rara nte i Kristus.

1 Tesalonika 5:15

Jagaimo ala ledo maria komiu mombabalasi pokainggu nadaa ante anu nadaa. Komiu kana masaro mompasimbuku movia anu nabelo ka roa-roamiu bo ka tona ntanina muni.

Ibrani 12:17

Nisanimiu mbotomo, naupu sia, tempo ia nerapi kalumbuana haitu lako nte tuamana, ia nipoara ntuamana naupa niperapina nte tangi. Domo nikavana dala mombabaliki sala nipoviana.

Ibrani 6:14

NiuliNa, “Yaku nojanji, mpuu-mpuu Kudekei belo ka iko, bo Kupakadea mulimu.”

1 Petrus 5:10

Komiu kana mombarasai susa, tapi ledo masae. Maliu haitu Alatala mboto mompakagana nuapa-nuapa nakura nte komiu. Ia mompakaroo raramiu sampe ledo maria tona ntanina mamala mompopolengga atau mompopoura pomparasayamiu. Alatala mpuu-mpuu mompakaroso komiu apa nabelo mpuu raraNa bo Iamo nompokio komiu manggava bagia ri kuasaNa bo kaogeNa sampe ri kasae-saena sabana komiu nosangu rara ante i Kristus.