1 Petrus 3:8 - Kaili Ledo

⁸ Jadi sampesuvu-sampesuvu, kupapolamo tesaku. Komiu pura-pura kana mosangu pekiri bo mosangu rara. Posimpotovemo mpo tona nosampesuvu. Komiu kana mosipoasi mata bo nee malanga rara.

1 Petrus 3:8 ပူးပေါင်းရင်းမြစ်များ

Matius 18:33

Nakuya iko ledo naasi matamu nanggita roamu nasimbayu eva yaku naasi mataku nanggita iko?’

Lukas 10:33

Naupu haitu, naria saito toSamaria noliu ri sia muni. Nikitanapa tona niboba haitu, naasi mpuu matana.

Suro-Suro 2:1

Nanggava eo mbaso ntoYahudi anu niuli Eo Pentakosta, pura-pura topangoseaka i Yesus ri sia nasiromu ri sangu banua.

Suro-Suro 27:3

Kamailena haitu, kapala kami nesampo ri ngata Sidon. I Yulius nabelo mpuu nte i Paulus, sampe nidekeina i Paulus hau nanggita roa-roana ri ngata Sidon ala mamala radekeira ka ia bara nuapa raparaluuna.

Suro-Suro 28:7

Ledo nakavao lako ri sia, naria tana i Publius. Ia gubernur levuto Malta. Nitarimana ante damba rara kami bo talu-mbongi kasaena kami nonturo ri banuana.

Suro-Suro 4:32

Pura-pura topangoseaka i Yesus natuvu nosangu rara bo nosangu pekiri. Ledo ria saitoa nanguli mbara-mbarana anuna mboto. Anu naria ante ira, anura mpasanggani-nggani.

Roma 12:10

Posimpotovemo mpo posimpotove ntali sampesuvu. Bila ntanimo roamiu pade karomiu mboto.

Roma 15:5

Alatala anu nompakaroso rarata bo nompakatetida rarata tempo kita nombarasai kasusa. Sia sampe kuperapi Alatala mombatulungi komiu matuvu mosinggabelo nte roa riara pangoseakamiu i Yesus Kristus,

1 Korintus 1:10

Sampesuvu-sampesuvu, ante kuasa nidekei nTuputa Yesus Kristus ka yaku, kuperapi nte komiu ala komiu mosangu rara. Nemo sampe magero sintuvumiu. Komiu kana masintuvu mosangu rara bo mosangu patuju.

1 Korintus 12:26

Ane nadua sangu sipa, pura-pura sipa nu karo haitu nombarasaina muni. Ane sangu sipa nibila, pura-pura sipa nu karo muni nadamba.

Efesus 4:2

Komiu kana matuvu ante ede rara. Komiu kana malusu raramiu, bo kana mandoe posabaramiu. Nee makodi raramiu nte roa, tapi positulungimo sabana tovemiu.

Efesus 4:31

Pakalipomo pura-pura dua rara. Nee magigi rara bo nee momboli rau rara. Nee mosipongare-ngare mosipakadaaka tesa bo nee mositunturaka. Nee mavuu matamiu nte roa.

Efesus 4:32

Tapi kana mabelo raramiu nte roa bo mosipoasi mata. Komiu kana mosiampungi, nasimbayu mpo Alatala nombaampungi komiu sabana komiu nosangu rara nte i Kristus.

Filipi 2:3

Nuapa-nuapa rapoviamiu, nee aga mangelo kauntu mboto atau mantoiya karo mboto, tapi aginamo rapakaedemiu raramiu bo manguli roamiu naogepa pade komiu mboto.

Filipi 3:16

Tapi anu nisanitamo kana batena raoseakata.

Kolose 3:12

Sampesuvu-sampesuvu, kita nipotove nu Alatala bo nipelisiNa majadi todeaNa nagasa. Haitu sampe kita kana maasi matata manggita roa. Kita kana mabelo rara, maede rara, malusu rara, bo mosabara nte roa.

Ibrani 13:1

Komiu topomparasaya, jadi komiu kana bate-batena mosimpotove mpo tona nosampesuvu.

Yakobus 2:13

Isema-sema ledo naasi matana nanggita roana, Alatala ledo maasi mataNa manggita ia. Ane tona naasi matana nanggita roana, ledo paraluu ia maeka apa ia ledo rahuku nu Alatala.

Yakobus 3:17

Tona naria noto pompekirina anu nopuna lako nte Alatala, iamo tona nagasa rarana, ledo ria pokaingguna nadaa. Ia natuvu nosinggabelo ante tona ntanina bo nalusu rarana. Ia ledo nasombo tapi nasadia nantarima tesa lako nte tona ntanina. Naasi mpuu matana nanggita roana napakasi, bo nadea poviana nabelo. Ia ledo nompelenje, bo nanoa rarana.

Yakobus 5:11

Iramo niuli ntona nasana sabana karoo rarara tempo nirasaira susa bo pari. Nisanimiumo tesa posabara Nabi Ayub nggaulu. Ia naroo rarana riara kasusa bo kapari, bo kaupuna Tupu nompakabelo mpanjili katuvuna. Apa Tupu nabelo raraNa bo naasi mpuu mataNa nanggita kita!

1 Petrus 1:22

Sampesuvu-sampesuvu, katuvumiu nipakagasamiu sabana komiu nangoseaka pepatuduki nakana. Haitumo sampe komiu namala nompotove sampesuvumiu sampomparasaya ante rara naliangu. Sabana haitu, posipotovemo ante rara mpuu-mpuu.

1 Petrus 2:17

Bilamo pura-pura tona. Potovemo sampesuvumiu sampomparasaya. Pekoumo nte Alatala bo bilamo magau!

1 Petrus 5:5

Ivesia muni komiu da namuda. Komiu kana mekou nte totua. Bo komiu topomparasaya pura-pura kana mompakaede raramiu bo mositulungi. Apa nitulisi riara Buku Gasa: “Alatala nangeva tona nalanga rarana, tapi nipoasiNa tona naede rarana.” Amsal 3:34

2 Petrus 1:7

bo mosimpotove nte sampesuvumiu sampomparasaya. Bo komiu kana mompotove pura-pura tona.

1 Yohanes 3:14

Ane kita nompotove sampesuvuta, nisanita kita domo rapopogaa lako nte Alatala bo nikavatamo katuvua nabelo sampe ri kasae-saena. Tapi isema-sema ledo nompotove sampesuvuna sampomparasaya, ia kana rapopogaa lako nte Alatala.