1 Petrus 3:20 - Kaili Ledo

²⁰ haitumo nyawa ntona anu ledo natundu nte Alatala tempo Nabi Nuh nggaulu. Tempo Nabi Nuh da novia kapala, naoge mpuu posabara nu Alatala mompopea ira majea lako ri dosa-dosara. Tapi tempo uve nanggabuntu nompakalodo isi dunia, aga uvalu tona nesavi kapala haitu. Bo kapala haitu noliu ri uve oge sampe ira uvalu nipakasalama.

1 Petrus 3:20 ပူးပေါင်းရင်းမြစ်များ

Matius 7:14

Tapi napiimo vamba bo nakaja dala manggava katuvua nabelo bo ledo nadea tona nangosena.”

Lukas 12:32

I Yesus nompapola tesaNa ivei: “Nau ledo nadea komiu anaguruKu, nee maeka, sabana komiu nipelisi nTuamamiu Alatala, lako ri kabelo raraNa ala komiu moparenta mosanggani-nggani nte Ia riara poparentaNa.

Suro-Suro 2:41

Naupu nangepe tesa i Petrus, nantambaimo kadea ntona nomparasaya i Yesus, bo ira nidiu, tandana ira topangoseaka Ia. Bo ri eo haitu tona nomparasaya i Yesus natetambai talu-njobu kadeana.

Roma 9:22

Ivesia muni ante Alatala. Ia nakuasa movia nuapa-nuapa nipodotaNa nte kita manusia. Ia nasadia mombahuku tona nadaa bo mompopakita kuasaNa. Tapi Ia nosabara nte tona anu nompakarau Ia bo masipato rahuku sampe ri kasae-saena.

Efesus 5:26

PatujuNa ala kita majadi todea nu Alatala. NipegasaNa kita nadosa sabana kita nomparasaya tesaNa bo kita nidiu nte uve tandana kita topangoseaka Ia.

Ibrani 11:7

Lako ri pomparasaya i Nuh, ia natundu nte Alatala. Alatala nompopaisani ka i Nuh maria uve oge ngena mompakagero dunia. Jadi, nau dopa nikitana kajadia haitu, nioseakana parenta nu Alatala bo nipoviana kapala mbaso ala ira sambanua masalama. Lako ri pomparasayana haitu, pura-pura manusia ntanina ri dunia nireke nu Alatala masipato rahuku sabana ira ledo nomparasaya. Tapi i Nuh nireke nu Alatala nanoa sabana pomparasayana.

1 Petrus 1:22

Sampesuvu-sampesuvu, katuvumiu nipakagasamiu sabana komiu nangoseaka pepatuduki nakana. Haitumo sampe komiu namala nompotove sampesuvumiu sampomparasaya ante rara naliangu. Sabana haitu, posipotovemo ante rara mpuu-mpuu.

1 Petrus 1:9

Nadamba mpuumo raramiu sabana nitarimamiumo asele pomparasayamiu, haitumo komiu nipakasalama lako ri pehuku sampe ri kasae-saena.

1 Petrus 2:25

Tempo bara ipia, komiu mpo bimba-bimba nasalandalamo. Tapi sii-sii komiu nipopanjilimo nte Topoevu anu nombajagai katuvumiu.

1 Petrus 3:19

Pade Ia nikeniaka nu Nosa Gasa hau nompatolele Tesa lako nte Alatala ka nyawa-nyawa ntomate anu nitarunggu ri ponturo ntomate,

1 Petrus 4:19

Jadi sampesuvu-sampesuvu, ane dota nu Alatala komiu kana mombarasai kasusa bo kapari, nee menonto movia nabelo. Sarumakamo Alatala manjaliku komiu. Apa Iamo nompajadi komiu, bo Ia namala raparasaya mompakadupa pojanjiNa ka komiu.

2 Petrus 2:5

Ivesia muni tempo Nabi Nuh. Alatala ledo nombakabasaka isi dunia nggaulu lako ri pehuku tempo nipakaropuNa ante uve oge sampe namate puramo tona ledo nangoseaka dotaNa. Aga i Nuh sambanua, haitumo aga ira uvalu nipakasalama sabana i Nuh nompatolele ka todea ira kana mokainggu mabelo bo mangoseaka dota nu Alatala.

2 Petrus 3:15

Toramo, posabara nTupu nombadekei loga ka manusia rapakasalama. Ivesia muni nitulisi nu sampesuvuta i Paulus nipotoveta. Surana haitu nitulisina nangoseaka noto nidekei nu Alatala ka ia.