1 Petrus 3:11 - Kaili Ledo

¹¹ Ia kana mombakabasaka pokaingguna nadaa bo movia anu nabelo. Ia kana mangelo posinggabelo bo mompasimbuku matuvu mosinggabelo ante tona ntanina.

1 Petrus 3:11 ပူးပေါင်းရင်းမြစ်များ

Matius 5:45

Ane komiu mokainggu ivehaitu, komiu majadi ana-ana nu Alatala, Tuamamiu ri suruga. Apa nipotoveNa pura-pura tona bo nipopebondaNa mata nu eo ka tona nadaa bo ka tona nabelo. Bo nidekeiNa uda ka tona nanoa bo ka tona natenggo muni.

Matius 5:9

Nabelo mpuumo tona nompoposinggabelo roa, sabana iamo rauli nu Alatala anaNa.

Matius 6:13

Nee rapalamba kami rapesori bo kabasakamo kami lako ri kuasa Magau nu Seta. [Sabana Komiumo Magau nakuasa bo nipokumaaka sampe ri kasae-saena. Amin.]

Markus 14:7

Tona napakasi nasaro naria ri tatangamiu bo komiu mamala mantulungi ira maipia tempo rapodotamiu. Tapi Yaku hii, ledo bate-batena mosanggani ante komiu.

Lukas 6:35

Kakanana ledo ivesia! Komiu kana mompotove balimiu, bo povia anu nabelo ka ira. Ane tona meada nte komiu, dekei ka ia bo nemo rapopea rapopanjilina. Ane ivesia pokainggumiu, naoge mpuu belo radekei ka komiu bo komiu majadi ana-ana nu Alatala toNeliu KaogeNa, apa Ia muni novia anu nabelo ka tona nadaa bo tona ledo nisanina notarima kasi.

Lukas 6:9

I Yesus nekutana nte ira pura-pura, “Nangoseaka atura agamata, nuapa nipaloga ka kita rapoviata ri eo penonto? Movia anu nabelo atau movia anu nadaa? Mantulungi tona atau mompatesi?”

Yohanes 17:15

Ledo Kuperapi Komiu mangala ira lako ri dunia hitu. Tapi Kuperapi ala Komiu mojagai ira lako ri Magau nu Seta.

Roma 12:18

Pasimbukumo matuvu mosinggabelo ante pura-pura tona, sampe ri pompakulemiu.

Roma 14:17

Apa anu nopoko riara Poparenta nu Alatala, ledo anu nikandeta atau niinuta. Anu nopoko, kita manoa rarata, bo matuvu mosinggabelo ante roata, bo madamba rarata sabana Nosa Gasa nu Alatala naria riara ntaita.

Roma 14:19

Haitu sampe kita kana mompasimbuku matuvu mosinggabelo ante roata, bo mosipakaroso rara.

Roma 5:1

Kita najadi nanoa ri panggita nu Alatala sabana kita nomparasaya i Yesus. Jadi sii-sii kita natuvu nosinggabelo ante Alatala sabana anu nipovia nTuputa Yesus Kristus ka kita.

Roma 7:19

Pokainggu nabelo anu nipokonoku, ledo nipoviaku. Pokainggu nadaa anu ledo nipokonoku, haitumo nipoviaku.

Roma 7:21

Jadi anu najadi riara nggatuvuku ivei: yaku madota mokainggu nabelo, tano aga pokainggu nadaa nipoviaku.

Roma 8:6

Ane pekirira nikuasai dota rara nadaa, ira mamate bo rapopogaa lako nte Alatala. Tapi ane pekirira nikuasai nu Nosa Gasa nu Alatala, ira matuvu mabelo bo mosinggabelo ante Alatala.

Galatia 5:22

Tapi ane tona nikeniaka Nosa Gasa nu Alatala, iveimo inggura: ira nosimpotove, ira nadamba bo natinonto rarara. Ira nosabara, nalusu bo nabelo rarara nte tona ntanina. Ira namala raparasaya,

Galatia 6:10

Jadi tempo da naria loga kita kana movia anu nabelo ka pura-pura tona, nelabipa ka sampesuvuta sampomparasaya.

Kolose 3:15

I Kristus nompoposinggabelo kita. Jadi nee rapoviata anu mombagerosi posinggabelo haitu, sabana kita nipokio nu Alatala ala kita pura-pura matuvu mosinggabelo mpo sipa-sipa nu karo sangu. Bo nee menonto motarima kasi nte Alatala.

1 Timotius 6:18

Popatoramo tona nakalumana, mokainggu mabelo ala pokainggura nabelo haitu majadi kakalumanara. Ira kana majoi rara bo masadia mombatulungi tona ntanina.

Ibrani 12:14

Komiu kana mompasimbuku matuvu mosinggabelo ante pura-pura tona. Bo pasimbuku muni matuvu magasa, sabana tona ledo nagasa katuvuna ledo ntoto mamala manggita i Pue.

Ibrani 13:16

Bo nee rakalingasita mositulungi bo movia anu nabelo, sabana haitu muni nireke pesombata anu nompakadamba rara nu Alatala.

Yakobus 4:17

Ane nisanita anu nabelo paraluu rapoviata, tapi ledo nipoviata, kita nadosa.

1 Petrus 3:12

Apa Tupu batena nompariara tona nanoa anu nangoseaka dotaNa, bo Tupu nasaro nangepe posambayara. Tapi nievaNa tona nokainggu nadaa.” Mazmur 34:13-17

3 Yohanes 1:11

Vegaku, nee mupasiala pokainggu nadaa, tapi pasialamo pokainggu nabelo. Isema-sema novia anu nabelo, iramo ana-ana nu Alatala. Tapi isema-sema novia anu nadaa, ledo ntoto nosisani nte Alatala.