1 Petrus 3:1 - Kaili Ledo

¹ Ivesia muni komiu totua-totua mombine kana mekou nte bereimiu langgai. Apa ane bereimiu ledo nomparasaya tesa nu Alatala, pekoumiu haitu mamala mompakeni ia momparasaya. Ledo paraluu raulimiu nuapa-nuapa ka ia,

1 Petrus 3:1 ပူးပေါင်းရင်းမြစ်များ

Matius 18:15

“Ane sampesuvumiu sampomparasaya movia dosa nte komiu, koi hau nte ia bo uli ka ia salana. Tapi potesa nggalinomo ruru komiu randua. Ane ratarimana tesamiu, mabelo mpanjili posampesuvumiu.

Roma 10:16

Tapi ledo pura-pura tona nomparasaya Kareba Belo haitu. Naria tesa Nabi Yesaya nggaulu nanguli ivei: <> Yesaya 53:1

Roma 6:17

Bara ipia, dopame niparasayamiu i Yesus, komiu najadi batua nu dosa. Tapi nosukuru mpuu nte Alatala! Sii-sii komiu mpuu-mpuu nangoseaka pepatuduki nakana anu nipatolele ka komiu.

Roma 7:2

Jonjona, saito mombine nipoberei. Ane bereina langgai da natuvu, mombine haitu da nipou nu atura-atura poberei. Tapi ane namatemo langgai, mombine haitu nakabasakamo lako ri atura-atura poberei anu nompakaroso pobereira njamboko.

1 Korintus 11:3

Tapi hitu paraluu rasanimiu: langgai pakeni nu bereina mombine, i Kristus pakeni nu langgai, bo Alatala pakeni i Kristus.

1 Korintus 14:34

Mombine-mombine kana malino tempo todea topomparasaya masiromu. Ira ledo nipaloga motesa-tesa. Ira kana mekou mangoseaka anu nitulisi riara Atura-atura agama.

1 Korintus 7:16

Tapi dopa nisanimiu anu majadi. Bara berei mombine topomparasaya mamala manggeni bereina langgai momparasaya i Kristus bo rapakasalama. Bara berei langgai topomparasaya mamala manggeni bereina mombine momparasaya bo rapakasalama.

Efesus 5:33

Tapi tesa hitu nosinggambela muni ante komiu topoberei. Pura-pura langgai kana mompotove bereina nasimbayu mpo pompotovena karona mboto, bo pura-pura mombine kana mompasimbuku mombabila bereina langgai.

Kolose 3:18

Sampesuvu-sampesuvu mombine, pekoumo nte bereimiu langgai. Haitumo masipato ka mombine anu nomparasaya i Pue Yesus.

Kolose 4:5

Komiu kana mokainggu manoto ante tona dopa nomparasaya i Kristus. Pakemo pura-pura loga naria mompopaisani i Kristus ka ira.

2 Tesalonika 1:8

bo ante apu navaya-vaya. Ia manau mombahuku tona ledo nadota nompeili Alatala bo ledo nadota nangoseaka Kareba Belo anu notesaki Tuputa Yesus.

Ibrani 11:8

Lako ri pomparasaya i Abraham, nioseakana parenta nu Alatala. Alatala nompokio ia bo nituduNa hau ri ngata nakavao. Alatala nojanji ngata haitu majadi bagia i Abraham. Jadi, nau dopa nisanina ri umba ngata rakalauna haitu, nipalaikanamo ngatana mboto nangoseaka parenta nu Alatala.

Ibrani 5:9

Naganapa pura-pura haitu nirasaiNa, Ia najadi puna katuvua nabelo sampe ri kasae-saena ka pura-pura tona matundu nte Ia.

1 Petrus 1:22

Sampesuvu-sampesuvu, katuvumiu nipakagasamiu sabana komiu nangoseaka pepatuduki nakana. Haitumo sampe komiu namala nompotove sampesuvumiu sampomparasaya ante rara naliangu. Sabana haitu, posipotovemo ante rara mpuu-mpuu.

1 Petrus 3:2

sabana ane rakitana komiu nekou nte Alatala bo nokainggu nagasa, ia muni madota momparasaya.

1 Petrus 3:7

Ivesia muni komiu totua-totua langgai. Komiu kana matuvu mosanggani-nggani ante bereimiu ante pokainggu nanoto. Toramo, mombine ledo nasimbayu karosona ante langgai. Bilamo ira sabana ira muni nidekeika nu Alatala katuvua nabelo sampe ri kasae-saena nasimbayu mpo komiu langgai. Bilamo ira ala ledo maria nuapa-nuapa mombalava posambayamiu.

1 Petrus 4:17

Nakavamo tempona Alatala mombatangara pura-pura manusia. Bo kita todeaNa mboto mokolu ratangaraNa. Ane kita todeaNa mokolu ratangaraNa natantu mantamo mpuumo pehukuNa ka tona ledo nadota nomparasaya Kareba Belo lako nte Ia!