1 Petrus 2:20 - Kaili Ledo

²⁰ Ane komiu raboba sabana komiu nasala, bo ane komiu mosabara riara kasusa haitu, ledo masipato komiu ratoiya nu Alatala! Tapi ane komiu rapandasa sabana pokainggumiu nabelo, bo ane komiu mosabara riara kasusa haitu, komiu mpuu-mpuu ratoiya nu Alatala.

1 Petrus 2:20 ပူးပေါင်းရင်းမြစ်များ

Matius 26:67

Naupu haitu naria sanu nantaveulusi lenje i Yesus bo nombaboba Ia. Naria sanupa nosapa Ia

Matius 5:47

Bo ane komiu aga nabelo nte roamiu mboto, natantumo pokainggumiu haitu ledo mbeki ratoiya. Nau tona ledo nosisani nte Alatala nabelo nte roara mboto!

Markus 14:65

Bo naria bara sako-ndua ira nompamula nantoveulusi i Yesus. Ira nombabonggo mataNa bo nombajaguru Ia ante nanguli, <> Bo topojaga muni nangala Ia bo nibobara.

Lukas 6:32

Ane komiu mompotove tona anu nompotove komiu, nee rasarumakamiu Alatala mombatoiya komiu. Nau tona nadosa nipotovera muni tona anu nompotove ira.

1 Korintus 4:11

Sampe sii-sii kami nasaro naara tai bo nabai tambolo. Kami nopakea nte sanjia-njia, kami niboba ntona bo ledo ria ponturo nikaroo kami.

Galatia 4:18

Kakanana nabelo mompasimbuku ante mpuu-mpuu rara movia anu nabelo, asaa masaro ivesia, ledo aga tempo yaku nosanggani ante komiu!

Efesus 5:10

Pasimbukumo ala rasanimiu pokainggu nipokono nu Alatala.

Filipi 4:18

Jadi, ala rasanimiu, nitarimaku puramo pedekei nipakatumiu, bo nelabi-labi! Pura-pura pedekei nipakatumiu nitarimakumo lako nte i Epafroditus. Sii-sii nagana puramo anu niparaluuku. Pedekeimiu haitu nasimbayu mpo pesomba navangi, anu nitarima nu Alatala bo nipodamba raraNa.

1 Petrus 2:19

Ane komiu rapandasa nau komiu ledo nasala, bo komiu mosabara riara kasusa haitu sabana nitoramiu dota nu Alatala, komiu ratoiya nu Alatala.

1 Petrus 3:14

Tapi nau komiu mombarasai kasusa sabana pokainggumiu nabelo, mauntu mpuumo komiu! Nee maeka ka tona, bo nee makini raramiu.

1 Petrus 3:17

Aginapa kita mombarasai kasusa sabana pokaingguta nabelo, ane ivesia mami dota nu Alatala, pade mombarasai kasusa sabana pokaingguta nadaa.