1 Petrus 2:19 - Kaili Ledo

¹⁹ Ane komiu rapandasa nau komiu ledo nasala, bo komiu mosabara riara kasusa haitu sabana nitoramiu dota nu Alatala, komiu ratoiya nu Alatala.

1 Petrus 2:19 ပူးပေါင်းရင်းမြစ်များ

Lukas 6:32

Ane komiu mompotove tona anu nompotove komiu, nee rasarumakamiu Alatala mombatoiya komiu. Nau tona nadosa nipotovera muni tona anu nompotove ira.

Yohanes 15:21

Pura-pura haitu rapoviara ka komiu sabana komiu najadi topangoseaka Yaku, apa ledo nisanira mpuu Alatala anu nantudu Yaku.

Suro-Suro 11:23

Nakavapa i Barnabas ri Antiokhia, nadamba mpuu rarana nanggita kabelo nu Alatala nte ira. Jadi nipakarosona rarara ala ira bate-batena mangoseaka i Pue Yesus ante mpuu-mpuu rarara.

Roma 13:5

Haitu sabana kita masipato mangoseaka parenta nu pomarenta. Kita matundu ala ledo rapambela pehuku. Tapi ledo aga haitu, kita muni matundu sabana pekiri rara ntaita mboto nanguli kita masipato matundu nte pomarenta.

1 Korintus 15:10

Tapi lako ri pepotove nu Alatala, yaku najadi suro i Pue Yesus. Bo pepotoveNa haitu naria aselena riara nggatuvuku. Yaku nokarajaa nelabipa kantamona pade suro-suro i Yesus ntanina. Tapi kakanana ledo yaku anu nokarajaa ntamo ivesia. Alatala anu nompotove yaku, Iamo nokarajaa nosanggani-nggani ante yaku.

2 Korintus 1:12

Nadamba mpuu rara kami apa nisani kami nabula rara kami. Kami nasaro nokainggu nanoa nte tona pura-pura, nelabipa nte komiu. Pura-pura anu nipovia kami, ledo ria nuapa-nuapa nitabuniaka kami. Patuju kami nanoa, nangoseaka dota nu Alatala. Pokainggu kami ledo nangoseaka kapande nu manusia, tapi nangoseaka pompakule nidekei nu Alatala.

2 Korintus 8:1

Kapolana, sampesuvu-sampesuvu. Kami mompopaisani ka komiu anu najadi ri sii ri propinsi Makedonia. Alatala nabelo mpuu ka todea topomparasaya ri sii sampe ledo natove rarara nombatulungi tona ntanina.

2 Timotius 1:12

Bo yaku nombarasai pura-pura kasusa riara ntarunggu hitu sabana pokarajaaku nompatolele Kareba Belo. Tapi naupa ivesia, ledo naeya mataku, sabana niposisanikumo i Yesus anu nisarumakaku, bo nisanikumo Ia nompakule nombajagai yaku sampe ri Eo Potangara ri kaupu nu dunia.

Ibrani 10:2

Ane rapana dosa ntona anu nanggeni pesomba haitu, mpuu-mpuu rapakalali, natantumo domo rakenira pesomba ka Alatala, sabana rasanira dosara niampungimo bo domo rarasaira nadosa.

1 Petrus 2:20

Ane komiu raboba sabana komiu nasala, bo ane komiu mosabara riara kasusa haitu, ledo masipato komiu ratoiya nu Alatala! Tapi ane komiu rapandasa sabana pokainggumiu nabelo, bo ane komiu mosabara riara kasusa haitu, komiu mpuu-mpuu ratoiya nu Alatala.

1 Petrus 4:15

Nee sampe maria komiu mombarasai kasusa sabana nepatesi bara nangangga bara novia anu nadaa atau nombagalo urusa ntona ntanina.