1 Petrus 2:17 - Kaili Ledo

¹⁷ Bilamo pura-pura tona. Potovemo sampesuvumiu sampomparasaya. Pekoumo nte Alatala bo bilamo magau!

1 Petrus 2:17 ပူးပေါင်းရင်းမြစ်များ

Matius 22:21

Nesana ira, “Lenje bo sanga Magau Mbaso Kaisar.” Jadi nanguli i Yesus ka ira, “Ane ivesia, dekei ka Magau Mbaso anu masipato radekei ka Magau Mbaso, bo dekei ka Alatala anu masipato radekei ka Alatala!”

Yohanes 13:35

Ane mosimpotove komiu, rasani ntodeamo komiu mpuu-mpuu ana-anaguruKu.”

Roma 12:10

Posimpotovemo mpo posimpotove ntali sampesuvu. Bila ntanimo roamiu pade karomiu mboto.

Roma 13:7

Dekei ka pura-pura tona anu masipato radekei ka ira. Bayarimo balasitee ka tona nipakatantu mantarima balasitee. Bo bayarimo bea ka tona nipakatantu mantarima bea. Pekoumo nte tona anu masipato rapekou, bo bilamo tona masipato rabila.

2 Korintus 7:1

Sampesuvu-sampesuvu nipotoveku. Pura-pura janji nu Alatala haitu nipambela ka kita. Jadi kita kana mombakabasaka pura-pura pokainggu bo pekiri nadaa. Kita kana mangoseaka Alatala ante rarata mpuu-mpuu, bo kana maeka movia anu ledo rapokonoNa.

Efesus 5:21

Pekoumo nte roamiu ntanina sampomparasaya sabana komiu nombabila i Kristus.

Filipi 2:3

Nuapa-nuapa rapoviamiu, nee aga mangelo kauntu mboto atau mantoiya karo mboto, tapi aginamo rapakaedemiu raramiu bo manguli roamiu naogepa pade komiu mboto.

1 Timotius 6:1

Topomparasaya i Yesus anu najadi batua ntona kana mombabila bo matundu nte tuana ala Alatala ledo rasalai ntona bo pepatudukita nakana ledo rapakadaa ntona.

Ibrani 13:1

Komiu topomparasaya, jadi komiu kana bate-batena mosimpotove mpo tona nosampesuvu.

1 Petrus 1:22

Sampesuvu-sampesuvu, katuvumiu nipakagasamiu sabana komiu nangoseaka pepatuduki nakana. Haitumo sampe komiu namala nompotove sampesuvumiu sampomparasaya ante rara naliangu. Sabana haitu, posipotovemo ante rara mpuu-mpuu.

1 Petrus 2:13

Pekoumo nte pura-pura topoparenta nipakatantu nu manusia, sabana haitumo nipodota i Pue. Pekoumo nte magau mbaso apa ia nalangapa nturona.

1 Petrus 5:5

Ivesia muni komiu da namuda. Komiu kana mekou nte totua. Bo komiu topomparasaya pura-pura kana mompakaede raramiu bo mositulungi. Apa nitulisi riara Buku Gasa: “Alatala nangeva tona nalanga rarana, tapi nipoasiNa tona naede rarana.” Amsal 3:34