1 Petrus 2:11 - Kaili Ledo

¹¹ Sampesuvu-sampesuvu nipotoveku, katuvuta ri dunia hitu nasimbayu mpo topesovo bo torata anu nonturo aga sampalai. Jadi yaku mpuu-mpuu nerapi nte komiu, nee raoseakamiu dota rara nadaa anu batena nangeva nyawamiu nangoseaka dota nu Alatala.

1 Petrus 2:11 ပူးပေါင်းရင်းမြစ်များ

Lukas 21:34

“Pakabelo! Komiu kana mainga, apa Yaku, Ana nu Manusia, sampesanika makavamo. Nee sampe Kukava komiu aga mosusa bo manginu sampe malangu, atau masesa rara mompekirika katuvumiu eo-eo sampe komiu ledo masadia. Apa Yaku makava nte pura-pura manusia ri umba-umba ri dunia bo kakavaKu masimbayu mpo tolia.

Suro-Suro 15:20

Tapi kita kana motulisi sura manguli ka ira nee mangande kandea anu naruto sabana nipesomba ka tupu-tupu ntanina, bo nee mangande bau nu binata nikoje, anu ledo nisuvuraka raana, bo nee mangande raana. Bo muni ala ira nee mosampaturu ante tona ledo bereira mboto.

Suro-Suro 15:29

Nee rakandemiu kandea nipesomba ka tupu-tupu ntanina. Nee rakandemiu raa, bo nee rakandemiu bau lako ri binata nikoje, haitumo anu ledo nisuvuraka raana. Bo nee mosampaturu ante tona ledo bereimiu mboto. Ane raoseakamiu atura-atura haitu, nabelomo. Sampe ri siimo ruru isi sura kami.”

Roma 12:1

Sampesuvu-sampesuvu, Alatala mpuu-mpuu nabelo nte kita! Sabana haitu, kuperapi ante mpuu-mpuu, dekeimo karomiu ka Alatala mpo pesomba natuvu, anu nipatani ka Alatala, anu mompakadamba raraNa. Haitumo ada pesombamiu nakana.

Roma 7:23

Tapi ledo nioseakaku atura nu Alatala sabana naria kuasa ntanina nombadagi yaku. Riara ntaiku, yaku madota mangoseaka atura nu Alatala, tapi kuasa nu dosa riara nggatuvuku nosibali ante pekiri riara ntaiku, sampe yaku nipobatua kuasa nu dosa haitu.

Roma 8:13

Sabana, ane kita matuvu mangoseaka dotata mboto nadaa, kita mamate bo rapopogaa lako nte Alatala. Tapi ane rakabasakata pokaingguta nadaa ante kuasa lako nte Nosa Gasa nu Alatala, kita matuvu mabelo sampe ri kasae-saena.

2 Korintus 5:20

Jadi kami hii niposumba i Kristus. Ante potesa kami, Alatala mboto nompasimbayu tesaNa ka komiu. Jadi ante kuasa i Kristus kami merapi mpuu-mpuu nte komiu, posinggabelomo nte Alatala!

2 Korintus 6:1

Jadi kami hii nokarajaa nosanggani-nggani ante Alatala nompatolele TesaNa ka manusia. Haitumo sabana kami merapi nte komiu ante mpuu-mpuu rara, nee sampe kabelo rara nu Alatala nte komiu haitu ledo maria aselena riara nggatuvumiu.

2 Korintus 7:1

Sampesuvu-sampesuvu nipotoveku. Pura-pura janji nu Alatala haitu nipambela ka kita. Jadi kita kana mombakabasaka pura-pura pokainggu bo pekiri nadaa. Kita kana mangoseaka Alatala ante rarata mpuu-mpuu, bo kana maeka movia anu ledo rapokonoNa.

Galatia 5:24

Isema-sema nosangu rara ante i Yesus Kristus, nireke dota rarara nadaa namate nosanggani-nggani nte i Kristus tempo Ia nipaku ri kayu salib. Batuana, ira domo nikuasai dota rarara nadaa.

Efesus 2:19

Jadi, sampesuvu-sampesuvu ledo toYahudi, bara ipia komiu aga nireke ntona tosangatana, bo ledo todea nu Alatala. Tapi sii-sii domo ivesia. Sii-sii komiu nosamporoa nte todea nu Alatala. Komiu najadi nosambanua ante pura-pura ana-ana nu Alatala.

Efesus 4:1

Jadi sampesuvu-sampesuvu, sabana haitu pura-pura, siimo petevai lako nte yaku anu nitarunggu ri sii sabana pomparasayaku i Pue Yesus. Yaku mpuu-mpuu nerapi ala komiu matuvu ante pokainggu masipato ka todea nu Alatala, apa komiu nipokioNa majadi todeaNa.

2 Timotius 2:22

Jadi, nee mpuu mangoseaka dota-dota nu rara nadaa anu nipodamba ngana-ngana muda. Tapi pasimbukumo matuvu manoa ri panggita nu Alatala. Pakaroso pomparasayamu, potovemo singgamanusiamu, bo pasimbukumo matuvu mosinggabelo nte ira. Poviamo pura-pura haitu mosanggani-nggani nte pura-pura tona anu nekakai nte i Pue ante rara nagasa.

Ibrani 11:13

Ira pura-pura pangane batena nomparasaya sampe namate, nau ledo nitarimara mboto anu nijanji nu Alatala. Namala raulita nikitara nggavao kadupana. Nisanira kadupana da masaepa, tapi naupa ivesia nadamba rarara bo ledo nonggai rarara nantongoraka kadupana pojanji nu Alatala. Niulira dunia hitu ledo ponturora nakana, ira aga topesovo bo topanjayo ri dunia hitu.

Ibrani 6:9

Sampesuvu-sampesuvu nipotoveku, naupa ivesia tesaku, niparasaya kamimo komiu ledo mpo tana rapindasi haitu. Niparasaya kami naria asele nabelopa nte komiu, haitumo pomparasayamiu bo pokainggumiu masipato ka tona nipakasalama.

Yakobus 4:1

Nakuya sampe komiu nosinjanai bo nosinggarau? Posinjanai bo posinggarau neumba lako ri dota raramiu anu nadaa. Dota rara nadaa haitu nosieva riara ntaimiu sampe nanggeni komiu novia nadaa.

1 Petrus 1:1

Sampesuvu-sampesuvu anu nipelisi majadi todea nu Alatala bo nonturo mpo topesovo nasimpotare ri umba-umba ri propinsi Pontus, Galatia, Kapadokia, Asia bo Bitinia: Sura hitu lako nte yaku i Petrus, suro i Yesus Kristus. Kuperapi Alatala mpuu-mpuu mabelo nte komiu bo mompakatinonto raramiu. Komiu nipelisi nTuamata Alatala majadi todeaNa nangoseaka niaNa mboto lako ri lamba pamulana. Bo Nosa Gasa nompakajadi komiu todea nagasa, nipatani ka Alatala, ala komiu matundu nte i Yesus Kristus bo dosamiu raampungiNa sabana raaNa natiti ri kayu salib.

1 Petrus 1:17

Sampesuvu-sampesuvu, komiu nanggasangai Alatala Tuamamiu tempo komiu nosambaya. Jadi komiu kana matuvu mekou nte Ia ane komiu da nonturo mpo topesovo ri dunia hitu. Apa Iamo mombatangara pura-pura tona nangoseaka pokainggura mboto bo Ia ledo nompelenje.

1 Petrus 4:12

Sampesuvu-sampesuvu nipotoveku, nee mahera komiu nombarasai susa bo pari nantamo mpuu, mpo kapane nu apu. Haitu najadi mompakaliangu pomparasayamiu. Nee mahera bo nee rapekirimiu kasusa nirasaimiu haitu ledo ria kasimbayuna.

1 Petrus 4:2

Jadi da natuvu riara dunia hitu, komiu kana matuvu mangoseaka dota nu Alatala, nee mangoseaka dota rara manusia anu nadaa.

2 Petrus 3:1

Sampesuvu-sampesuvu nipotoveku, hitumo suraku karanduana ka komiu. Riara suraku karanduana hitu muni yaku nompasimbuku mompopatora ka komiu pepatuduki nakana ala pekirimiu batena magasa.