1 Petrus 2:1 - Kaili Ledo

¹ Sampesuvu-sampesuvu, nikavamiumo katuvu nabaru. Sabana haitu, tumo mokainggu nadaa. Nee modava. Nee aga mabelo ri sumba, nee masiriati bo nee mompakadaa tona ntanina.

1 Petrus 2:1 ပူးပေါင်းရင်းမြစ်များ

Matius 15:7

Komiu tano aga tona nabelo ri sumba! Nakana ntotomo Tesa nu Alatala anu nipasimbayu Nabi Yesaya nggaulu ivei:

Matius 23:28

Ivesia muni komiu. Ri panggita ntona komiu nireke tonoa. Tapi kakanana komiu aga nabelo ri lenje tapi riara ntaimiu nadaa!

Matius 24:51

Bo batua haitu rapatesi. Ia ratedeaka riara narakaa, ponturo ntona aga nabelo ri sumba. Hamai ira motumangi-mangi bo masinggiki baga ante masusa mpuu rara.”

Matius 7:5

Komiu aga tobelo ri sumba! Lelaka ntani ruru baloti lako ri matamiu mboto ala matamiu malanto mekita bo komiu mamala mombalelaka garupu ri mata nu roa.”

Markus 12:15

Paraluu kita mombayari atau ledo?>> Tapi nisani i Yesus patujura nombaopa tesaNa. Jadi nanguli Ia, <>

Lukas 11:44

Mandasa mpuu komiu! Komiu nasimbayu mpo dayo ledo naria tandana. Tona nojeje dayo haitu tapi ledo nisanira naria anu naruto riarana. Komiu nabelo ri savalikuna tapi rara ntaimiu nadaa.”

Lukas 12:1

Nonjobu-njobu tona nasiromu ri sia mompeinta i Yesus, sampe nosimpii nosijeje-jeje kada. I Yesus nangulika anaguruNa, “Pakabelo! Komiu kana mainga nte ragi ntoFarisi. Batuana, nee sampe komiu mompasiala pokainggura aga nabelo ri lenje tapi rarara nadaa!

Lukas 6:42

Berimba komiu mamala manguli ka roa, ‘He, sampesuvu, mai kulelaka garupu ri matamu,’ iyapa baloti ri matamiu mboto ledo nikitamiu! Komiu aga tobelo ri sumba! Lelaka ntani ruru baloti ri matamiu ala mamala komiu mekita bo mombalelaka garupu ri mata nu sampesuvumiu!”

Yohanes 1:47

Tempo i Yesus nanggita i Natanael nakava nte Ia, niulikaNa, “Peintamo! Hitumo saito toIsrael mpuu! Ledo ntoto naria katenggona.”

Roma 1:29

Mpengaya-ngaya pekiri nadaa bo natenggo rarara. Ledo naosa rarara ante anu naria nte ira, navau rarara, nasiriati, nepatesi, nebagiu, bo nosinggarau. Ira nomboli rau rara, nantunturaka tona

1 Korintus 14:20

Sampesuvu-sampesuvuku, tumo mompekiri mpo ngana-ngana. Komiu kana manoto mpo tona nambasomo. Tapi ane anu daa, komiu kana masimbayu mpo ngana kodi anu dopa nisanina novia nadaa.

1 Korintus 5:8

Sabana haitu, kita muni mosusa madamba. Kita kana mombatedaka ragi njae bo mangande roti ledo noragi. Batuana, kita kana menonto mokainggu nadosa bo matuvu ante pokainggu nabelo bo nanoa.

2 Korintus 12:20

Apa nakini raraku, nee-nee ane yaku tou nte komiu kukava komiu ledo mpo anu nisarumakaku, bo pokaingguku nte komiu ledo mpo anu nisarumakamiu. Nee-nee kukava komiu mosinggarau, bara masiriati, bara marau, bara aga mompekirika karo mboto. Nee-nee kukava komiu mosisalai bara mositunturaka bara malanga rara bara mompakagado todea topomparasaya.

Efesus 4:31

Pakalipomo pura-pura dua rara. Nee magigi rara bo nee momboli rau rara. Nee mosipongare-ngare mosipakadaaka tesa bo nee mositunturaka. Nee mavuu matamiu nte roa.

1 Tesalonika 2:3

Kami ledo nombaunaka komiu mangoseaka pepatuduki nasala. Ledo muni naria patuju nadaa riara ntai kami bo ledo muni kami nopatuju mombabagiu tona.

1 Timotius 3:11

Ivesia muni bereina kana mombine nabelo pokaingguna, ledo topetunturaka. Bo ia muni kana matau mantaamaka dota rarana mboto bo mokainggu nanoa sampe namala raparasaya riara mpengaya-ngaya.

Titus 2:3

Ivesia muni ante totua-totua mombine. Patudukimo ira matuvu nte pokainggu nagasa anu masipato rapovia ntona natundu nte Alatala. Ulika ira nee mombatunturaka tona ntanina, nee sampe majadi batua ntule. Ira kana mompatuduki tona ntanina matuvu mabelo.

Ibrani 12:1

Jadi namala raulita, pura-pura ira pangane nombatiku kita bo nompakaroso rarata ante posabira. Sabana haitu, kita muni kana mombatedaka pura-pura anu nompopekai rarata bo dosa anu nekantaka nte kita. Kita kana maroo rarata mangoseaka dala nipakatantu nu Alatala ka kita, nasimbayu mpo topangova ri posilumba.

Yakobus 1:21

Jadi, kabasaka puramo kabiasamiu naruto bo nadaa. Pakaede raramiu bo pariaramo tesa nu Alatala anu nitudaNa riara ntaimiu. Apa tesa haitu nakuasa mompakasalama komiu.

Yakobus 3:14

Tapi ane komiu aga nasiriati, bo aga nompekirika karomiu mboto, nee rakalanga raramiu bo manguli nanoto pekirimiu. Apa inggumiu haitu nosisala ante pepatuduki nakana.

Yakobus 4:11

Sampesuvu-sampesuvu, nee mosisalai. Isema-sema nanjalai bo nompakasala roana sampomparasaya, ia nanjalai bo nompakasala atura nu Alatala. Ane komiu mompakasala atura nu Alatala, natantumo komiu ledo topangoseaka atura, tapi topotangara atura haitu.

Yakobus 4:5

Nee rapekirimiu anu niuli ri Buku Gasa ledo nakana. Niuli ivei: Alatala nompajadi rara ntaita tapi rara ntaita haitu nadea mpuu nipoinona.

Yakobus 5:9

Nee mongalu bo mosipakasala, ala komiu ledo rahuku nu Alatala. Toramo! Domo masae makavamo Ia mombatangara manusia.

1 Petrus 2:16

Komiu kana matuvu mpo tona nikabasaka lako ri pehuku nu dosa. Tapi nee sampe haitu majadi loga ka komiu movia anu nadaa! Komiu kana matuvu mpo batua nu Alatala anu natundu nte Ia.

1 Petrus 2:22

Ia ledo sanggania novia dosa, ledo sanggania Ia nodava.

1 Petrus 3:10

Riara Buku Gasa nitulisi ivei: “Isema-sema madota matuvu madamba bo mombarasai katuvua mabelo, ia kana mombajagai dilana ala nee motesa anu nadaa bo nee modava.

1 Petrus 4:2

Jadi da natuvu riara dunia hitu, komiu kana matuvu mangoseaka dota nu Alatala, nee mangoseaka dota rara manusia anu nadaa.

1 Petrus 4:4

Tapi sii-sii nahera roa-roamiu sabana komiu domo nangoseaka ira nompebasa nokainggu nadaa ante ledo ria rekena, bo haitumo sabana nisalaira komiu.

Pompakita 14:5

Ira ledo sanggani nodava, bo nau aga sakide ledo ntoto naria salara.