1 Petrus 1:6 - Kaili Ledo

⁶ Komiu kana madamba-damba sabana belo nisarumakamiu haitu. Komiu kana madamba naupa sii-sii tempo komiu da natuvu ri dunia komiu nombarasai kasusa bo nambela mpengaya-ngaya pesori.

1 Petrus 1:6 ပူးပေါင်းရင်းမြစ်များ

Matius 11:28

Isema-sema nalenge bo nantamo panggenina, kamaimo nte Yaku! Yaku mompakangaa ia.

Matius 26:37

NikeniNa i Petrus bo randua ana i Zebedeus nosanggani nte Ia. Hamai nompamulamo i Yesus nasusa bo napari raraNa.

Matius 5:12

Ivesia muni nipoviara ka nabi-nabi nggaulu. Jadi kadamba-dambamo raramiu ane tutu majadi nte komiu sabana naoge mpuu belo nipakasadia ka komiu ri suruga.”

Lukas 1:47

bo nadamba mpuu raraku, sabana Alatalamo Magau nompakasalama yaku.

Lukas 10:20

Naupa ivesia, nee madamba raramiu sabana seta-seta natundu nte komiu. Agina madamba sabana sangamiu nitulisi riara buku nu Alatala ri suruga.”

Lukas 2:10

Tapi nanguli malaeka ka ira, “Nee maeka, apa yaku nakava nanggeni kareba belo ka komiu pura-pura, bo kareba haitu mompakadamba pura-pura tona.

Yohanes 16:22

Ivesia muni ante komiu. Sii-sii nasusamo raramiu. Tapi Yaku mosinggava vai nte komiu bo tempo haitu komiu madamba mpanjili. Bo ledo maria saitoa tona mamala mompakalipo kadamba nu raramiu haitu.

Yohanes 16:33

Pura-pura tesaKu pangane nitesaKu ka komiu ala matinonto raramiu sabana komiu mosangu rara nte Yaku. Ri dunia hitu komiu rapandasa. Tapi pakaroso raramiu! Apa kuasa nadaa ri dunia hitu nidagiKumo!”

Suro-Suro 14:22

Ri ngata-ngata haitu ira nompakaroso rara ntopangoseaka i Yesus bo nompopatora ira nee molengga-lengga momparasaya. Niulira, “Kita kana mombarasai kasusa bo kapari ruru pade mamala kita mombarasai kasana ri Poparenta nu Alatala.”

Roma 12:12

Kana madamba raramiu sabana komiu nanjarumaka anu rapovia nTupu ka komiu. Kana mosabara tempo masusa. Nee masau raramiu mosambaya.

Roma 5:11

Bo ledo aga haitu. Nadamba rarata sabana posangu rarata nte Alatala, anu nirasaita sabana anu nipovia nTuputa Yesus Kristus. Apa lako nte i Yesus Kristus kita nipoposinggabelo nte Alatala.

Roma 5:2

Kita nomparasaya i Yesus, jadi nidekeiNa ka kita loga mombarasai kabelo rara nu Alatala bo sii-sii nirasaitamo riara nggatuvuta. Nadamba mpuu rarata sabana naroso panjarumakata rakavata bagia ri kaoge nu Alatala.

Roma 9:2

nabuku mpuu raraku bo ledo naupu kasusa raraku nompekirika sampesuvuku toYahudi apa ledo nadea ira nomparasaya i Yesus.

2 Korintus 4:17

Kasusa nirasai kami ri dunia hitu nangaa bo aga sampalai. Bo kami mantarima belo sampe ri kasae-saena sabana nitidamaka kami riara kasusa haitu. Kasusa nirasai kami sii-sii aga sakide kodi ane rapoposisala ante belo ratarimata bara maipia.

2 Korintus 6:10

Nau kami nasaro nipakasusa, tapi kami batena nadamba. Kami napakasi, tapi kamimo anu nanggeni belo ka tona nadea. Nikita eva ledo ria nuapa-nuapa nte kami, tapi kakanana mpengaya-ngaya naria nte kami.

Galatia 5:22

Tapi ane tona nikeniaka Nosa Gasa nu Alatala, iveimo inggura: ira nosimpotove, ira nadamba bo natinonto rarara. Ira nosabara, nalusu bo nabelo rarara nte tona ntanina. Ira namala raparasaya,

Filipi 2:26

Nalentoramo rarana nte komiu pura-pura, bo nasusa rarana sabana niepemiu ia nadua.

Filipi 3:3

Kakanana, kitamo anu nanoa ri panggita nu Alatala, ledo ira, apa kita nombasomba Alatala ante pekeniaka Nosa GasaNa. Kita nadamba sabana kita nosangu rara nte i Yesus Kristus, bo ledo nisarumakata pompasimbukuta mboto atau tonuapa kita, ala majadi manoa ri panggita nu Alatala.

Filipi 4:4

Sampesuvu pura-pura, kadambamo raramiu sabana komiu nosangu rara ante i Pue Yesus. Sangganipa kuuli ka komiu, kadambamo raramiu!

1 Tesalonika 1:6

Bo tempo komiu nangepe Kareba Belo, nipasialamiu pokainggu kami bo pokainggu i Pue Yesus muni. Nau nipakasusa mpuu komiu, komiu nadamba nantarima Kareba Belo apa Nosa Gasa nu Alatala nompakadamba raramiu.

Yakobus 1:2

Sampesuvu-sampesuvu, ane komiu mambela mpengaya kasusa bo pesori, kana madamba raramiu.

Yakobus 1:9

Sampesuvu-sampesuvu sampomparasaya, ane komiu mapepa, kana madamba raramiu, sabana nau napakasi katuvumiu, Alatala nompakaoge komiu.

Yakobus 4:9

Komiu kana mpuu-mpuu manjoso raramiu bo motumangi masusa rara mantoraka dosamiu. Ledo mabelo komiu mongiri bo madamba, kana masusa rara bo motumangi.

1 Petrus 3:17

Aginapa kita mombarasai kasusa sabana pokaingguta nabelo, ane ivesia mami dota nu Alatala, pade mombarasai kasusa sabana pokaingguta nadaa.

1 Petrus 4:7

Naparamo kaupu nu dunia. Jadi komiu kana mainga bo mompakanoto raramiu ala komiu mamala mosambaya.

1 Petrus 5:10

Komiu kana mombarasai susa, tapi ledo masae. Maliu haitu Alatala mboto mompakagana nuapa-nuapa nakura nte komiu. Ia mompakaroo raramiu sampe ledo maria tona ntanina mamala mompopolengga atau mompopoura pomparasayamiu. Alatala mpuu-mpuu mompakaroso komiu apa nabelo mpuu raraNa bo Iamo nompokio komiu manggava bagia ri kuasaNa bo kaogeNa sampe ri kasae-saena sabana komiu nosangu rara ante i Kristus.