1 Petrus 1:5 - Kaili Ledo

⁵ Sampesuvu-sampesuvu, komiu masipato mantarima belo haitu, sabana komiu nomparasaya i Yesus. Bo komiu batena nijagai nu Alatala ante kuasaNa ala komiu mamala mombarasai belo anu nasadiamo radekeiNa ka komiu ri kaupu nu dunia.

1 Petrus 1:5 ပူးပေါင်းရင်းမြစ်များ

Yohanes 12:48

Tona nompoara Yaku bo ledo nompariara tesaKu, naria anu mombahuku ira. TesaKu haitu mombahuku ira ri kaupu nu dunia,

Yohanes 17:15

Ledo Kuperapi Komiu mangala ira lako ri dunia hitu. Tapi Kuperapi ala Komiu mojagai ira lako ri Magau nu Seta.

Yohanes 4:14

Tapi isema-sema manginu uve Kudekei ka ia, domo mabai tambolona sampe ri kasae-saena. Sabana uve Kudekei ka ia haitu majadi uve mpemata moili lako riara ntaina bo nombadekei katuvua mabelo ka ia sampe ri kasae-saena.”

Yohanes 5:24

Pariaramo tesaKu, isema-sema nangepe tesaKu bo nomparasaya Alatala anu nantudu Yaku, ia manggava katuvua nabelo sampe ri kasae-saena. Ia ledo mambela pehuku bo ledo rapopogaa lako nte Alatala tapi nariamo katuvua nabaru nte ia.

Roma 11:20

Haitu nakana mami, tapi toramo, ira nipoara sabana ira ledo nomparasaya, bo komiu nitarima sabana komiu nomparasaya. Jadi nee malanga raramiu, agina komiu maeka!

Roma 8:18

Niparasayaku kasusa bo kapari nirasaita sii-sii damo njongona ane rapoposisala ante kabelo rarasaita bara maipia.

1 Korintus 1:21

Alatala napande mpuu, bo nipakatantuNa manusia ledo mamala mosisani ante Ia ane aga manjarumaka kapandera mboto. Tapi nibotusiNa mompakasalama isema-sema momparasaya Kareba Belo nipatolele kami. Tano mai tona ri dunia nanguli Kareba haitu aga tesa ntodoyo.

2 Korintus 1:24

Kami ledo topeparenta anu aga nadamba nangulika komiu nuapa raparasayamiu bo nuapa rapoviamiu. Kakanana pomparasayamiu i Kristus naroso mamimo. Tapi kami aga madota mokarajaa mosanggani-nggani ante komiu ala komiu mpuu-mpuu madamba.

Galatia 2:20

Jadi namala rauli ivei: nau yaku natuvu, domo aga yaku saitoku natuvu, tapi i Kristus natuvu riara nggatuvuku. Bo ri katuvuku ri dunia hitu, yaku natuvu mpuu-mpuu nomparasaya Ana nu Alatala anu nompotove yaku bo nombadekei karoNa rapatesi manjambei yaku.

Efesus 2:8

Lako ri pomparasayamiu i Kristus, komiu nipakasalama sabana kabelo rara nu Alatala. Haitu ledo asele pompasimbukumiu mboto tapi pedekei nu Alatala bayangi.

Efesus 3:17

sampe i Kristus bate-batena monturo riara ntaimiu sabana komiu nomparasaya Ia. Bo kuperapi ala katuvumiu rakuasai nu tove i Kristus bo toveNa haitu mokale riara ntaimiu.

Filipi 1:6

Alatala mbotomo nompamula novia anu nabelo riara ntaimiu. Bo niparasayaku poviaNa haitu rapakapolaNa sampe maupu, ri tempo kakava i Yesus Kristus mpanjili.

Filipi 4:7

Bo ane radekeimiu kakini raramiu ka Alatala, radekeiNa katinonto ka komiu anu ledo rapakule nu manusia mompahana. Ia mompakatinonto raramiu bo pekirimiu sabana komiu nosangu rara ante i Yesus Kristus.

2 Timotius 3:15

Lako ri kakodimu nisanimu isi Buku Gasa, bo Buku Gasa haitumo nompakanoto raramu sampe iko namala nomparasaya i Yesus Kristus bo rapakasalama.

Titus 2:13

Apa ane kita da nonturo ri dunia, kita nanjarumaka kakava i Yesus anu mpuu-mpuu mompakasana rarata. Tempo haitu, pura-pura tona manggita kaoge i Yesus Kristus, Iamo Alatala toNeliu KaogeNa bo Topompakasalama kita.

Ibrani 6:12

Nee sampe komiu majadi masanda, tapi pasialamo jonjo ntona anu nomparasaya Alatala bo nosabara nompopea sampe nikavara anu nijanjiNa ka ira.

Ibrani 9:28

Jadi ivesia muni i Kristus namate aga sanggani majadi pesomba pompakalali dosa ntodea. Naupu haitu Ia makava sangganipa, ledo mompakalali dosa, tapi mompakasalama tona nalentora nompopea kakavaNa.

1 Petrus 1:13

Sampesuvu-sampesuvu, naria mamimo panjarumakata naroso. Sabana haitu, komiu kana mompakanoto raramiu bo mainga, bo maroo manjarumaka belo radekei ka komiu tempo i Yesus Kristus makava mpanjili.

1 Petrus 4:13

Kakanana komiu kana madamba, sabana komiu nombarasai kasusa bo kapari nasimbayu mpo anu nirasai i Kristus mboto. Apa ane komiu nombarasi susa bo pari mpo nirasai i Kristus, mambaso mpuu kadamba nu raramiu tempo Ia makava mpanjili. Tempo haitu, kaoge i Kristus anu nipokumaaka rapopakita ka pura-pura manusia.

1 Petrus 5:1

Naria muni anu kuuli ka komiu pakeni ntodea topomparasaya! Yaku nabia notulisi ka komiu sabana yaku muni pakeni ntopomparasaya, bo yaku mboto nanggita kasusa bo kapari nirasai i Kristus bara ipia. Bo ane i Kristus makava mpanjili bo mompopakita kuasaNa bo kaogeNa ka pura-pura manusia, yaku muni manggava bagia ri kuasaNa bo kaogeNa haitu. Jadi yaku mpuu-mpuu nerapi nte komiu

2 Petrus 1:3

Alatala nompake barakaNa mboto mombadekei pura-pura niparaluuta ala rapakuleta matuvu mangoseaka dotaNa. Nitarimata pura-pura haitu sabana kita nosisani ante Alatala, anu nompokio kita mombarasai kaogeNa bo kabeloNa.

1 Yohanes 3:2

Sampesuvu-sampesuvu nipotoveku, kita sii-sii ana-ana nu Alatala mami, tapi dopa nipopaisani ka kita berimba katuvuta ri tempo makava. Anu nisanita, tempo i Kristus makava mpanjili, kita majadi masimbayu mpo Ia, apa rakitata mpuu lenjeNa.

Yudas 1:1

Sampesuvu-sampesuvu anu nipokio nTuamata Alatala majadi todeaNa: Komiu mpuu-mpuu nipotove nu Alatala, bo nijagaiNa sampe i Yesus Kristus makava mpanjili. Sura hitu lako nte yaku, i Yudas, batua i Yesus Kristus bo sampesuvu i Yakobus.

Yudas 1:24

Ratoiyatamo Alatala sabana Ia nakuasa nombajagai kita ala ledo rakabasakata pomparasayata. Ia nakuasa manggeni kita hau ri suruga mantingayo Ia riara kaogeNa, bo ledo maria salata, bo melabi kadamba rarata.