1 Petrus 1:25 - Kaili Ledo

²⁵ Tapi Tesa nu Alatala bate-batena sampe ri kasae-saena.” Yesaya 40:6-8 Tesa nu Alatala haitumo Kareba Belo anu nipatolele ka komiu.

1 Petrus 1:25 ပူးပေါင်းရင်းမြစ်များ

Matius 5:18

Pariaramo tesaKu hitu! Ane da maria langi bo tana, ledo ria malipo sambelaa lako ri Atura-atura haitu, nau sangu hurupu atau santiti ledo ntoto. Kana madupa puramo.

Lukas 16:17

Atura-atura agama nidekei Nabi Musa ledo molese. Namurapa langi bo tana maopo, pade sangu hurupu lako ri Atura-atura haitu molese. Haitu bate-batena maria.”

Yohanes 1:1

Ri lamba pamulana naria mamimo Tesa nu Alatala. Tesa haitu nosinggani-nggani ante Alatala, bo Ia nasimbayu nte Alatala.

Yohanes 1:14

Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

1 Korintus 2:2

Apa nipakatantukumo yaku aga motesa i Yesus Kristus bo kamateNa ri kayu salib.

Efesus 2:17

Haitumo sabana i Kristus nakava nompatolele kareba posinggabelo ka kita pura-pura, haitumo, ka komiu tona ledo toYahudi anu nakavao lako nte Alatala bara ipia, bo muni ka kami toYahudi anu napara nte Alatala.

Efesus 3:8

Yaku natueipa pade pura-pura todea nu Alatala ntanina. Tapi naupa ivesia, Alatala nabelo mpuu nte yaku bo nidekeiNa ka yaku pokarajaa mompatolele Kareba Belo ka komiu tona ledo toYahudi. Kareba haitu notesaki kabelo i Kristus anu naoge mpuu, ledo rapakuleta mombarekena.

Titus 1:3

Sii-sii ri tempo nipakatantuNa mboto, nipopaisani nu Alatala mpuumo pojanjiNa haitu ka manusia riara karebaNa anu nipatoleleku. Kareba Belo haitu niparasayaNa ka yaku bo nipatoleleku nangoseaka parenta nu Alatala, Topompakasalama kita.

Ibrani 6:5

Nirasairamo Tesa nu Alatala nabelo bo nirasairamo kuasa lako ri dunia baru nu Alatala.

1 Petrus 1:12

Bo Alatala nompakalanto ka ira anu nibotora haitu ledo nosinggambela ante ira mboto tapi nosinggambela ante komiu anu natuvu sii-sii. Kajadia-kajadia nibotora haitu, nipatolele ntopanggeni Kareba Belo ka komiu sii-sii. Nikenira kareba haitu ante petulungi Nosa Gasa nu Alatala, anu nipopanau lako ri suruga. Kakanana malaeka-malaeka nTupu mboto nadota mangisani batuana kajadia-kajadia pangane anu nipatolele ka komiu.

1 Petrus 1:23

Apa komiu nipajadi nu Alatala manusia nabaru, bo katuvumiu nabaru haitu ledo nopuna lako ri manusia anu mamate. Katuvumiu nabaru nopuna lako nte Alatala anu ledo mamate. Komiu nanggava katuvu nabaru haitu sabana komiu nomparasaya Tesa nu Alatala anu natuvu bo naroo sampe ri kasae-saena.

1 Petrus 2:2

Ngana kodi dako nesuvu naino rarana nantomi uve njusu ntinana. Ivesia muni komiu kana maino rara mangepe Tesa nu Alatala anu najadi kandea nagasa ka nyawamiu. Ivesiamo posisanimiu nte Alatala mantambai maroso, sampe ratarimamiu pura-pura belo nipakasadiaNa ka tona nipakasalamaNa.

2 Petrus 1:19

Naupu nikita kami anu najadi ri bulu haitu, nalanto mpuumo ka kami tesa nipasimbayu nu nabi-nabi nu Alatala nggaulu mpuu-mpuu nakana. Nabelo mpuu ane rapariaramiu tesa nu nabi-nabi haitu, sabana tesara nasimbayu mpo poindo nombavanta kalandana. Pariaramo tesara haitu sampe i Yesus makava mpanjili ri dunia mombavanta komiu ante remeNa, nasimbayu mpo eo bo betue pompaeo nebonda nombavanta dunia.

1 Yohanes 1:1

Tesa nu Alatala anu nombadekei katuvua nabelo naria mamimo lako ri lamba pamulana, bo haitumo ratesa kami riara sura hitu. Ia niepe kami bo nikita kami mboto. Ia nisabiki kami bo Ia natuvu singgani nte kami.

1 Yohanes 1:3

Anu nikita kami bo anu niepe kami, haitu munimo rapatolele kami ka komiu ala komiu mosangu rara nte kami. Bo kita pura mamala matuvu mosangu rara ante Tuamata Alatala bo AnaNa i Yesus Kristus.

Pompakita 14:6

Bo nikitaku saito malaeka ntanina nevoro ri laerava. Ia nanggeni Kareba Belo anu ledo nabali sampe ri kasae-saena ka pura-pura manusia ri dunia, haitumo ka tona ri pura-pura ngata, ri pura-pura valaa, bo lako ri pura-pura basa ri dunia.