1 Korintus 9:5 - Kaili Ledo

⁵ Natantumo kami muni masipato moberei nte topomparasaya bo manggeni berei kami mosanggani-nggani riara polipa kami, nasimbayu mpo anu nipovia nu suro-suro ntanina bo sampesuvu-sampesuvu i Pue Yesus mboto bo i Petrus.

1 Korintus 9:5 ပူးပေါင်းရင်းမြစ်များ

Matius 13:55

Apa ledo Ia haitu ana i Yusuf pande kayu? Apa ledo i Maria tinana? Bo sampesuvuNa langgai i Yakobus, i Yusuf, i Simon bo i Yudas?

Matius 8:14

Naupu sia i Yesus hau ri banua i Petrus. Hamai nikitaNa matua i Petrus mombine aga naturu sabana nakokora.

Markus 1:30

Tempo haitu matua i Simon mombine naturu ri paturuna sabana nakokora, bo niulirakamo i Yesus.

Markus 6:3

Apa ledo Ia aga pande kayu, ana i Maria bo tuaka i Yakobus, Yoses, Yudas bo i Simon? Bo tueiNa mombine naria muni ri tatangata ri sii!>> Jadi naduamo rarara bo nipoarara pepatudukiNa.

Lukas 8:20

Naria saito tona nanguli ka i Yesus, “Guru, tinaMiu ante sampesuvu-sampesuvuMiu ria ri savalikuna. Ira madota mosinggava nte Komiu.”

Yohanes 1:42

Bo nikeninamo i Simon hau nte i Yesus. Tempo ira nakava hamai, nikita i Yesusmo i Simon bo niuliNa, “Iko Simon ana i Yohanes. Tapi nompamula sii-sii sangamu i Kefas.” (Kefas nasimbayu batuana ante Petrus, batuana, “vatu”.)

Yohanes 2:12

Naupu posusa haitu i Yesus hau ri ngata Kapernaum nosinggani-nggani ante tinaNa bo sampesuvu-sampesuvuNa bo ana-anaguruNa. Bo ira nonturo hamai bara sako-mbongi kasaena.

Suro-Suro 1:14

Ira nasaro nasiromu nosangu rara nosambaya. I Maria tina Yesus, ante bara sako-ndua mombine ntanina, bo sampesuvu-sampesuvu i Yesus nasiromu muni nosambaya nosanggani-nggani ante ira.

Roma 16:1

Ante suraku hitu, kupopaisani ka komiu i Febe, sampesuvuta sampomparasaya. Ia sampesuvuta mombine anu nantulungi pakeni ntodea topomparasaya ri ngata Kengkrea.

1 Korintus 1:12

Batuana, sanu komiu nanguli, “Yaku hii topangoseaka i Paulus.” Naria sanu nanguli, “Yaku hii topangoseaka i Apolos.” Naria ntanina nanguli, “Yaku hii topangoseaka i Petrus.” Naria muni ntanina nanguli, “Yaku hii topangoseaka i Kristus.”

1 Korintus 7:15

Tapi ane berei langgai atau berei mombine anu ledo nomparasaya i Kristus madota mogaa ante bereina topomparasaya, nee ratagi ira mogaa. Ane ivesia, berei langgai atau mombine topomparasaya domo nipou ada poberei, apa Alatala madota ala komiu matuvu mosinggabelo.

1 Korintus 7:39

Mombine anu nobereimo nikingisi nu ada poberei ane bereina langgai da natuvu. Tapi ane bereina langgai namatemo ia mamala rapoberei nu langgai ntanina anu nipokonona. Tapi ia kana moberei ante langgai anu nomparasaya i Pue Yesus.

1 Korintus 7:7

Kakanana nipokonokupa ane pura-pura tona maloa mpo yaku. Tapi pura-pura tona nidekeika pompakulena mboto lako nte Alatala. Naria tona nompakule matuvu maloa sampe mamate, tapi naria ntanina ledo nidekeika pompakule haitu.

1 Korintus 7:8

Kapolana, ane tona dopa noberei bo timbala-timbala, nabelopa ane ira matuvu maloa masimbayu mpo yaku.

Galatia 1:19

Tapi yaku ledo nanggita suro-suro ntanina, aga i Yakobus tuei i Pue Yesus.

1 Timotius 3:2

Tona masipato manggeniaka todea topomparasaya kana mabelo pokaingguna sampe ledo ria pokaingguna nuapa-nuapa rapakasala. Ia aga saito bereina bo nipakulena mombatidamaka dota rarana mboto. Nanoto pekirina bo naria adana. Ia nadamba nantarima torata riara banuana bo nipakulena nompatuduki tona ntanina.

1 Timotius 4:3

Nipatudukira tona nee moberei bo nee mangande kandea nipopali. Tano kandea haitu nipajadi nu Alatala rakande. Kita topomparasaya i Kristus, nisanita pepatuduki nakana, bo kandea haitu namala rakandeta ante manguli tarima kasi nte Alatala.

1 Timotius 5:2

Popatoramo mombine natuakapa pade iko nasimbayu mpo tinamu mboto. Popatoramo mombine namuda nasimbayu mpo pompatudukimu ka tueimu mboto, bo pakabelo ala pokainggumu bo pekirimu masipato.

Titus 1:6

Tona masipato raanggataka majadi pakeni ntodea topomparasaya, haitumo tona ledo naria pokaingguna namala rasalai ntona, bo aga saito bereina mombine. Ana-anana kkana momparasaya i Kristus bo ledo niuli ntona ngana nesapuaka bara ngana ledo natumutoa.

Ibrani 13:4

Ponjamboko kana rabilamiu pura-pura. Nee mompakagero ponjambokomiu ante mompogau tona ledo bereimiu mboto, sabana Alatala mombahuku tona nompogau tona ledo bereina mboto.