1 Korintus 9:22 - Kaili Ledo

²² Ane yaku nosanggani-nggani nte tona ledo naroso pomparasayana, yaku najadi nasimbayu mpo ira ala yaku mamala mantulungi mompakaroso pomparasayara. Yaku nangoseaka mpengaya-ngaya pokainggu bo kabiasa ntona ala yaku mamala manggeni sanu ira momparasaya.

1 Korintus 9:22 ပူးပေါင်းရင်းမြစ်များ

Roma 11:14

Apa nisarumakaku maria sanu sampesuvuku toYahudi masiriati manggita komiu, sampe ira muni mamala kukeni momparasaya i Yesus bo rapakasalama.

Roma 14:1

Naria topomparasaya dopa naroso pomparasayara, sampe da naingu rarara pokainggu mbana raoseakara. Tona ivehaitu kana ratarimata ante nabelo, bo nee rapakasala panggavara.

Roma 14:2

Rapana, naria tona nomparasaya ia namala mangande mpengaya-ngaya kandea. Tapi tona ntanina anu dopa naroso pomparasayana, nanguli ledo nipokono nu Alatala kita mangande bau, aga uta-uta mamala rakandeta.

Roma 15:1

Kita anu naroso pomparasayata masipato mosabara nte roata anu da nonggai rarana sabana dopa naroso pomparasayana. Nee aga mompekirika kasana nu rarata mboto.

Roma 15:2

Kita masipato movia anu manggeni belo ka roata bo mompakasana rarana, ala mompakaroso pomparasayana.

1 Korintus 10:33

Yaku mboto nompasimbuku matuvu mompakadamba pura-pura rara ntona riara mpengaya-ngaya pokaingguku. Yaku ledo aga nompekirika kabelo karoku mboto tapi yaku nompekirika kabelo ntona pura-pura, ala ira pura-pura mamala rapakasalama.

1 Korintus 7:16

Tapi dopa nisanimiu anu majadi. Bara berei mombine topomparasaya mamala manggeni bereina langgai momparasaya i Kristus bo rapakasalama. Bara berei langgai topomparasaya mamala manggeni bereina mombine momparasaya bo rapakasalama.

1 Korintus 8:13

Jadi, sampesuvu-sampesuvu, ane kandea anu nikandeku mompakagero pomparasaya nu sampesuvuku, domo kukande kandea haitu ala nee yaku mompakagero pomparasayana.

1 Korintus 9:19

Yaku hii ledo batua ntona, namala natuvu nangoseaka dotaku mboto. Tapi nitunggaiku natuvu mpo batua ka pura-pura tona. Nipoviaku ivesia ala madea mpuu tona kukeni momparasaya i Yesus.

1 Korintus 9:23

Haitu pura-pura nipoviaku ala madea mpuu tona momparasaya Kareba Belo bo ala yaku mboto manggava belo nijanji ri Kareba Belo haitu.

2 Korintus 11:29

Apa ane naria sampesuvu sampomparasaya nalente, yaku muni nombarasai kalentena haitu. Ane naria sanu nanavu riara dosa, yaku muni nasusa raraku nompekirika ira.

Galatia 6:1

Sampesuvu-sampesuvu, ane rakavamiu roamiu sampomparasaya novia dosa, komiu anu natuvu nangoseaka Nosa Gasa nu Alatala kana manggeni ia manjili ri dala nakana. Tapi tesamiu ledo mamala makasara, kana malusu raramiu motesa ka ia. Bo pakabelo-belo! Nee sampe komiu mboto manavu riara dosa!