1 Korintus 9:21 - Kaili Ledo

²¹ Ivesia muni ane yaku nosanggani-nggani nte tona ledo nisanina Atura-atura agama Yahudi, yaku nokainggu mpo tona ledo nangisani Atura-atura haitu. Patujuku ala mamala kukeni ira momparasaya i Yesus. Tapi nee rauli yaku ledo nangoseaka parenta-parenta nu Alatala, apa yaku hii mpuu-mpuu nangoseaka parenta-parenta i Kristus!

1 Korintus 9:21 ပူးပေါင်းရင်းမြစ်များ

Suro-Suro 15:28

Sampesuvu-sampesuvu, hitumo asele polibu kami anu nipokono nu Nosa Gasa nu Alatala bo nipokono kami muni, ala komiu ledo mandasa mantuntuni atura-atura nakaja. Aga atura-atura hitu paraluu raoseakamiu:

Suro-Suro 16:4

Naupu i Timotius nisuna, nalaimo ira. Ri pura-pura ngata nikalaura nipasimbayura ka topangoseaka i Yesus kabotu polibu nu suro bo pakeni ntopomparasaya ri ngata Yerusalem. Bo nipatudukira tona hamai ala raoseakara atura-atura nipakatantu ri polibu haitu.

Suro-Suro 21:25

Tapi tona ledo toYahudi anu nomparasaya i Yesus, nipakatu kamimo sura ka ira nompakatantu atura-atura anu paraluu raoseakara. Haitumo, ira ledo mamala mangande kandea nipesomba ka tupu-tupu ntanina, ledo mamala mangande raa bara mangande bau nu binata nikoje, bo ledo mamala mosampaturu ante tona ledo bereira mboto.”

Roma 2:12

Tona ledo toYahudi ledo nangisani Atura-atura agama Yahudi anu nipapola Nabi Musa. Tapi ane ira novia dosa, ira kana rahuku nau ledo nisanira Atura agama Yahudi. Tapi ane toYahudi anu nangisani Atura agama bo nipoviara dosa, ira kana rahuku nantuntuni Atura agamara haitu.

Roma 2:14

Tona ledo toYahudi ledo nisanira Atura agama Yahudi. Tapi biasa pekiri rara ntaira mboto nanggeni ira nokainggu nabelo, nasimbayu mpo pokainggu niuli riara Atura agama. Nau ledo nisanira Atura agama Yahudi, pekiri rara ntaira mboto najadi Atura agama ka ira.

Roma 7:22

Pekiri riara ntaiku, nipokonoku atura nu Alatala.

Roma 7:25

Yaku nosukuru nte Alatala! Apa Tuputa Yesus Kristus mombakabasaka yaku!

Roma 8:4

Alatala novia haitu ala kita mpuu-mpuu mompakule mokainggu manoa, mangoseaka parenta ri Atura agama. Apa kita domo natuvu nangoseaka dota rarata anu nadaa. Sii-sii kita nangoseaka dota Nosa Gasa nu Alatala.

Galatia 3:2

Aga sangaya madota kusani lako nte komiu. Komiu nantarima Nosa Gasa nu Alatala sabana nangoseaka Atura agama? Atau nangepe bo nomparasaya Kareba Belo i Kristus? Tantu nitarimamiu Nosa Gasa apa niepemiu bo niparasayamiu Kareba Belo.

Galatia 6:2

Ane roamiu sampomparasaya nombarasai susa bo pari, tulungimo ia. Apa ane komiu mositulungi, komiu mangoseaka parenta i Kristus.

Ibrani 8:10

Tapi iveimo pojanji Kupovia ante toIsrael ri tempo makava: Kuboli atura-aturaKu riara pekirira, bo Kutulisi atura-atura haitu riara ntaira. Yaku majadi Alatala nisombara bo ira majadi todeaKu.