1 Korintus 9:18 - Kaili Ledo

¹⁸ Jadi nuapa tamboku? Nadamba raraku nompatolele Kareba Belo ledo nerapi gaji bo ledo muni nerapi petulungi anu masipato kutarima lako ri pokarajaaku nompatolele Kareba Belo. Kadambaku haitumo nirekeku tamboku.

1 Korintus 9:18 ပူးပေါင်းရင်းမြစ်များ

Yohanes 4:36

Topokato nompamulamo nantarima tambora apa nipasiromura asele anu manggeni katuvua nabelo sampe ri kasae-saena. Jadi topotuda bo topokato madamba-damba mpasanggani. Asele nipasiromura, batuana manusia anu manggava katuvua mabelo sampe ri kasae-saena.

Suro-Suro 18:3

bo nonturo nte ira sabana popaelo i Paulus nasimbayu ante popaelora, haitumo novia tenda. Ira tatalu nokarajaa nosinggani-nggani.

Roma 14:15

Ane rapana yaku mompakadua rara roaku sampomparasaya sabana nikandeku anu nirekena nipopali, yaku muni madosa apa yaku natuvu ledo nompotove roa. Jadi nee sampe pomparasaya nu roa rapakagero sabana kandea nikandeta. Apa ira muni sampesuvuta sampomparasaya, anu nitoloki i Kristus ante kamateNa.

1 Korintus 10:33

Yaku mboto nompasimbuku matuvu mompakadamba pura-pura rara ntona riara mpengaya-ngaya pokaingguku. Yaku ledo aga nompekirika kabelo karoku mboto tapi yaku nompekirika kabelo ntona pura-pura, ala ira pura-pura mamala rapakasalama.

1 Korintus 3:8

Topotuda bo topodundusi nasimbayu, bo ira simbo mantarima tambo nangoseaka kantamo pokarajaara mboto.

1 Korintus 7:31

Bo tona nompasimbuku mbara-mbara dunia hitu nemo aga mompekirika mbara-mbarana. Apa dunia nisanita sii-sii, domo masae malipo.

1 Korintus 8:9

Tapi sampesuvu-sampesuvu, pakabelo-belo! Nau nisanimiu ledo makuya mangande kandea haitu, nee sampe tona anu dopa naroso pomparasayana rapakenimiu mangande kandea haitu, sampe ia manavu riara dosa.

1 Korintus 9:12

Iyapa guru-guru ntanina masipato manjarumaka petanggumiu, nemopa kami! Tapi kami ledo sanggania nerapi petulungi haitu. Kami aga nombatidamaka riara mpengaya-ngaya kasusa ala ledo mompakantamo tona mombatanggu katuvua kami sampe mombalava ira mantarima Kareba Belo i Kristus.

1 Korintus 9:15

Tapi nau naria nturoku merapi ivesia, ledo sanggania niperapiku ratanggumiu. Bo ledo muni nitulisiku sura hitu ala komiu mompamula mombatanggu katuvuku! Nadamba raraku sabana dopa niperapiku nte komiu bo aginapa yaku mamate pade kadambaku haitu rapakalipo ntona!

1 Korintus 9:17

Ane rapana dotaku mboto mompatolele Kareba haitu, tantu masipato yaku manggava tambo. Tapi ledo ivesia yaku. Yaku nompatolele Kareba Belo, ledo lako ri dotaku mboto. Bara kupodota bara ledo, kana kupatolele Kareba Belo apa haitumo pokarajaa niparasaya nu Alatala ka yaku.

2 Korintus 4:5

Kareba nipatolele kami haitu ledo kareba karo kami mboto. Tapi kareba haitu nompakalanto i Yesus Kristusmo Tuputa pura-pura, bo kami hitu najadi batua nisuro i Yesus mombatulungi komiu.

1 Tesalonika 2:6

Kami ledo muni mbeki ratoiya ntona, bara komiu bara tona ntanina. Kakanana masipato kami merapi nte komiu, sabana kami mpuu-mpuu suro i Kristus.