1 Korintus 9:17 - Kaili Ledo

¹⁷ Ane rapana dotaku mboto mompatolele Kareba haitu, tantu masipato yaku manggava tambo. Tapi ledo ivesia yaku. Yaku nompatolele Kareba Belo, ledo lako ri dotaku mboto. Bara kupodota bara ledo, kana kupatolele Kareba Belo apa haitumo pokarajaa niparasaya nu Alatala ka yaku.

1 Korintus 9:17 ပူးပေါင်းရင်းမြစ်များ

Matius 10:41

Isema-sema nantarima saito suro nu Alatala sabana ia mpuu-mpuu suro nu Alatala, tona haitu manggava tambo nasimbayu eva anu radekeika suro haitu. Bo isema-sema nantarima saito tonoa sabana ia mpuu-mpuu nanoa, tona haitu manggava tambo nasimbayu eva tambo radekei ka tona nanoa haitu.

Matius 24:25

Toramo! Lave nipopaisaniKu mamimo ka komiu dopame majadi haitu pura-pura, jadi nee rabagiu!

Lukas 12:42

Nesanamo i Yesus, “Haitu niuliKu ka batua nanoto bo natutu neoseaka. Tona haitu raanggataka nu madikana majadi topompasiayu pura-pura batua ntanina riara banua. Iamo mompasiayu kandea ka batua-batua ntanina eo-eo.

Yohanes 4:36

Topokato nompamulamo nantarima tambora apa nipasiromura asele anu manggeni katuvua nabelo sampe ri kasae-saena. Jadi topotuda bo topokato madamba-damba mpasanggani. Asele nipasiromura, batuana manusia anu manggava katuvua mabelo sampe ri kasae-saena.

1 Korintus 3:14

Ane nabelo pokarajaara rakita nu Alatala, topokarajaa haitu manggava tambo lako nte Alatala.

1 Korintus 3:8

Topotuda bo topodundusi nasimbayu, bo ira simbo mantarima tambo nangoseaka kantamo pokarajaara mboto.

1 Korintus 4:1

Jadi kami pakenimiu kana rarekemiu batua i Kristus. Kami hii niparasayaka nu Alatala mompatolele tesaNa anu dopa nisani ntodea ri dunia.

1 Korintus 9:16

Apa ane yaku mompatolele Kareba Belo, ledo masipato yaku mangoe bo mompakalanga rara, sabana yaku nisuro nu Alatala mompatolelena. Mandasa yaku ane ledo kupatolele Kareba Belo!

1 Korintus 9:18

Jadi nuapa tamboku? Nadamba raraku nompatolele Kareba Belo ledo nerapi gaji bo ledo muni nerapi petulungi anu masipato kutarima lako ri pokarajaaku nompatolele Kareba Belo. Kadambaku haitumo nirekeku tamboku.

2 Korintus 8:12

Apa ane rarata mpuu-mpuu mombadekei, pedekeita haitu ratarima nu Alatala nangoseaka anu naria nte kita, ledo nangoseaka anu ledo ria nte kita.

Galatia 2:7

Tapi nisaniramo yaku niparasaya nu Alatala manggeni Kareba Belo ka tona ledo toYahudi, nasimbayu mpo i Petrus niparasaya nu Alatala manggeni Kareba Belo ka toYahudi.

Kolose 1:25

Yaku nianggataka nu Alatala mantulungi todea topomparasaya; niparasayakaNa yaku pokarajaa haitu ala kupasimbayu pura-pura karebaNa ka komiu tona ledo toYahudi.

1 Tesalonika 2:4

Kami ledo notesa aga mompakadamba rara manusia. Kami notesa mompakadamba rara nu Alatala, sabana Iamo nomparesa rara ntai kami, bo Iamo nombareke kami masipato mompatolele Kareba Belo.

Filemon 1:14

Tapi ledo kupokono mantaamaka ia ane ledo mupodota. Nipokonokupa iko movia anu nabelo haitu lako ri kavoe raramu mboto, bo ledo aga nipasuu.