1 Korintus 7:9 - Kaili Ledo

⁹ Tapi ane ledo rapakulera mantaamaka dotara, agina moberei. Apa nabelopa moberei pade mandasa mantamaaka dota moberei.

1 Korintus 7:9 ပူးပေါင်းရင်းမြစ်များ

Suro-Suro 19:36

Ledo ria saitoa tona nombasapu haitu! Sabana haitu, kuperapi nte komiu, kalino puramo! Nepa ruru movia nuapa-nuapa ane dopa rapekiri pakabelo-belo ntani ruru!

1 Korintus 7:2

Tapi nabelopa ane langgai simbo maria bereina mboto, bo mombine simbo maria bereina mboto ala ledo rapesori mogau sala.

1 Korintus 7:28

Tapi ane rapana komiu moberei, haitu ledo madosa. Bo ane randaa moberei ledo rapodosana. Tapi toramo, topoberei tantu mantingayo mpengaya-ngaya kasusa riara nggatuvura. Bo anu kupodota ala komiu ledo rapambela kasusa haitu.

1 Korintus 7:36

Ane maria langgai nompekirika pokaingguna domo masipato nte tengeana, bo tengeana haitu nantambaimo umuruna sampe nirasaina ira kana moberei, agina ia movia anu nipodotana haitu. Agina ira moberei, haitu ledo rapodosana.

1 Korintus 7:39

Mombine anu nobereimo nikingisi nu ada poberei ane bereina langgai da natuvu. Tapi ane bereina langgai namatemo ia mamala rapoberei nu langgai ntanina anu nipokonona. Tapi ia kana moberei ante langgai anu nomparasaya i Pue Yesus.

1 Tesalonika 4:4

Pura-pura langgai ri tatangamiu kana matau mokainggu mabelo nte bereina ri panggita nu Alatala bo manusia.

1 Timotius 5:11

Tapi nee rasuaraka sanga ntimbala da namuda riara buku haitu. Sabana, ane dota rarara mompene sampe mombadagi dota rarana mangoseaka Kristus, ia madota rapoberei vai.

1 Timotius 5:14

Haitu sampe niuliku timbala-timbala da namuda aginamo moberei vai bo moana bo mompakasiayu avura mboto ala nee radekei loga ka balita manjalai kita.