1 Korintus 7:37 - Kaili Ledo

³⁷ Tapi ane maria langgai nompekiri nabelopa ia ledo mompoberei tengeana, bo ane katantuna haitu nipoviana mboto bo ledo nipasuu ntona, bo ane ia mamala mombakuasai dotana, nabelopa ia ledo moberei.

1 Korintus 7:37 ပူးပေါင်းရင်းမြစ်များ

1 Korintus 7:1

Hitupa yaku madota mesanaka pompekutanamiu anu nitulisimiu riara sura. Ane langgai ledo moberei, nabelo.

1 Korintus 7:36

Ane maria langgai nompekirika pokaingguna domo masipato nte tengeana, bo tengeana haitu nantambaimo umuruna sampe nirasaina ira kana moberei, agina ia movia anu nipodotana haitu. Agina ira moberei, haitu ledo rapodosana.

1 Korintus 7:38

Jadi langgai anu mompoberei tengeana novia anu nabelo, tapi langgai ledo mompobereina novia anu nelabipa kabelona.

2 Korintus 9:7

Pura-pura tona kana simbo mombadekei nangoseaka anu nipakatantu riara ntaina mboto. Nee monggai rara mombadekei bo nee muni mombadekei sabana nirasai aga nipasuu. Sabana, Alatala nompotove tona nombadekei ante rara nadamba.

1 Petrus 5:2

ala komiu mompiara todea nu Alatala anu niparasayaka komiu, nasimbayu mpo topoevu nompiara bimba-bimbana. Piaramo ira ante damba rara, nangoseaka dota nu Alatala, nemo mpo tona nipasuu. Bo nee aga mangelo untu ka karomiu mboto, tapi tuimo pokarajaa haitu sabana komiu mpuu-mpuu madota mantulungi todea topomparasaya.