1 Korintus 7:36 - Kaili Ledo

³⁶ Ane maria langgai nompekirika pokaingguna domo masipato nte tengeana, bo tengeana haitu nantambaimo umuruna sampe nirasaina ira kana moberei, agina ia movia anu nipodotana haitu. Agina ira moberei, haitu ledo rapodosana.

1 Korintus 7:36 ပူးပေါင်းရင်းမြစ်များ

Matius 1:18

Iveimo tesa pompoanaka i Yesus Kristus. TinaNa i Maria anu nijanji moberei ante langgai nosanga i Yusuf. Tapi dopame ira noberei, natianamo i Maria lako ri kuasa Nosa Gasa nu Alatala.

Matius 5:40

Bo ane maria tona manggeni komiu ri ngayo ntopotangara sabana madota mangala buyamiu, dekei ka ia muni bajumiu.

1 Korintus 7:35

Yaku notesa ivesia ka komiu ala mantulungi komiu, ledo ala mompandasa komiu ante mpengaya-ngaya atura. Tapi patujuku ala komiu movia anu nakana bo masipato ri panggita nu Alatala, bo ala komiu maroo mangoseaka i Pue ante pekiri ledo matebagi-bagi.

1 Korintus 7:37

Tapi ane maria langgai nompekiri nabelopa ia ledo mompoberei tengeana, bo ane katantuna haitu nipoviana mboto bo ledo nipasuu ntona, bo ane ia mamala mombakuasai dotana, nabelopa ia ledo moberei.

1 Korintus 7:9

Tapi ane ledo rapakulera mantaamaka dotara, agina moberei. Apa nabelopa moberei pade mandasa mantamaaka dota moberei.