1 Korintus 7:34 - Kaili Ledo

³⁴ sampe pekirina matebagi-bagi. Mombine-mombine domo noberei bo randaa-randaa namala mompakasangu pekirira ka i Pue. Nipekirikara berimba katuvura bo pekiri rara ntaira mamala magasa ri panggita nu Alatala. Tapi mombine-mombine nobereimo kana mompekirika mpengaya-ngaya ri dunia hitu. Kana rapekirikara berimba mompakadamba rara bereina langgai.

1 Korintus 7:34 ပူးပေါင်းရင်းမြစ်များ

Yohanes 10:13

Tona nigaji haitu mangova malai sabana ia aga nigaji. Ledo rapotovena bimba-bimba haitu.

Roma 6:13

Bo nee rapalamba karomiu movia nadaa. Tapi dekeimo katuvumiu ka Alatala apa kita nikabasakamo lako ri kamatea bo nitarimatamo katuvu nabaru. Dekeimo katuvumiu ka Alatala ala karomiu rapake movia anu nanoa.

1 Korintus 6:20

Komiu nitolosi nu Alatala bo nibayariNa pakaupumo. Haitumo sabana komiu masipato matuvu ante pokainggu nabelo ala Alatala rabila.

1 Korintus 7:33

Tapi tona nobereimo kana mompekirika mpengaya-ngaya ri dunia hitu. Ia kana mompekirika berimba ia mompakadamba rara bereina mombine

1 Korintus 7:35

Yaku notesa ivesia ka komiu ala mantulungi komiu, ledo ala mompandasa komiu ante mpengaya-ngaya atura. Tapi patujuku ala komiu movia anu nakana bo masipato ri panggita nu Alatala, bo ala komiu maroo mangoseaka i Pue ante pekiri ledo matebagi-bagi.

2 Korintus 11:28

Bo ntanina lako rahaitu, eo-eo nasesa raraku nompekirika pura-pura todea topomparasaya.

2 Korintus 8:16

Kami nosukuru nte Alatala sabana Ia nompakaoge rara i Titus mompekirika kabelomiu nasimbayu mpo kami mboto.

Filipi 1:20

Yaku mpuu-mpuu nanjarumaka yaku ledo rapakaeya nokarajaa nompatolele Kareba i Kristus. Nisarumakaku yaku bate-batena mabia mosabi, nemopa sii-sii, ala nau mamate atau matuvu yaku, rakita ntona kaoge i Kristus riara nggatuvuku.

1 Tesalonika 5:23

Kuperapi nte Alatala, topombadekei katuvua nabelo ka kita, ala Ia mboto mompakagasa katuvumiu sampe komiu mpuu-mpuu matuvu mpo todeaNa nagasa. Kuperapi Alatala mombajagai karomiu, rara ntaimiu, bo pekirimiu sampe ledo ntoto maria nuapa-nuapa rasalai tempo Tuputa Yesus Kristus makava mpanjili.

1 Timotius 3:5

Apa ane ledo rapakulena mompasiayu tona ri banuana mboto, berimbamo rapakulena mompasiayu todea topomparasaya Alatala?

1 Timotius 5:5

Timbala anu mpuu-mpuu natuvu saitona bo ledo mpuu naria isema-sema mompiarana, aga natuvu manjarumaka Alatala. Eo bongi ia nosambaya njuu nerapi tulungi nte Ia.

Titus 3:8

Tesa hitu mpuu-mpuu nakana. Jadi yaku madota ala iko mompakaoto pepatuduki haitu, ala topomparasaya Alatala mompasimbuku mokainggu nabelo. Pepatuduki pangane nabelo bo noguna ka manusia.