1 Korintus 7:24 - Kaili Ledo

²⁴ Jadi sampesuvu-sampesuvu, nau bara berimba pantuu ka komiu tempo komiu nipokio majadi topomparasaya i Kristus, komiu kana batena matuvu mosanggani-nggani ante Alatala riara nggatuvu nituu ka komiu.

1 Korintus 7:24 ပူးပေါင်းရင်းမြစ်များ

Matius 12:45

Jadi seta haitu hau nompokio papitu seta ntanina anu nadaapa pade ia mboto. Bo nakavamo ira nesua nte tona haitu bo nonturo ri sia. Kaupuna katuvu ntona haitu tantu melabipa kadaana pade ri pamulana bara ipia. Ivesia muni anu majadi nte tona nadaa anu natuvu sii-sii sabana ira ledo nadota nomparasaya tesaKu.”

1 Korintus 10:31

Jadi sampesuvu-sampesuvu, nuapa-nuapa rapoviamiu, nau mangande nau manginu, nau povia ntanina, povia puramo ala Alatala rabila bo ratoiya.

1 Korintus 7:17

Pura-pura tona kana matuvu nangoseaka pantuu i Pue Yesus ka ia. Pura-pura kana matuvu batena mpo tempo ia nipokio nu Alatala momparasaya i Kristus. Haitumo atura nipatudukiku ka pura-pura topomparasaya.

1 Korintus 7:20

Pura-pura tona kana matuvu batena mpo tempo ia nipokio nu Alatala majadi topomparasaya i Kristus.