1 Korintus 7:22 - Kaili Ledo

²² Toramo! Tona anu najadi batua tempo ia nipokio majadi topomparasaya i Yesus, naupa ia batua tapi nikabasaka i Pue Yesusmo ia lako ri dosana. Bo tona ledo nipobatua tempo ia nipokio nu Alatala, ia najadi mpo batua sabana ia nekou nte i Kristus.

1 Korintus 7:22 ပူးပေါင်းရင်းမြစ်များ

Roma 1:1

Sampesuvu-sampesuvu ri ngata mbaso Roma: Sura hitu lako nte yaku i Paulus, batua i Yesus Kristus. Alatala nompelisi bo nombasuro yaku mompatolele Kareba Belo lako nte Ia.

1 Korintus 7:21

Ane komiu najadi batua tempo komiu nipokio nu Alatala, nee masusa raramiu mompekirika haitu, ledo nakuya komiu najadi batua. Tapi ane rakavamiu loga makabasaka lako ri pepobatua, aginamo komiu makabasaka.

1 Korintus 9:19

Yaku hii ledo batua ntona, namala natuvu nangoseaka dotaku mboto. Tapi nitunggaiku natuvu mpo batua ka pura-pura tona. Nipoviaku ivesia ala madea mpuu tona kukeni momparasaya i Yesus.

1 Korintus 9:21

Ivesia muni ane yaku nosanggani-nggani nte tona ledo nisanina Atura-atura agama Yahudi, yaku nokainggu mpo tona ledo nangisani Atura-atura haitu. Patujuku ala mamala kukeni ira momparasaya i Yesus. Tapi nee rauli yaku ledo nangoseaka parenta-parenta nu Alatala, apa yaku hii mpuu-mpuu nangoseaka parenta-parenta i Kristus!

Galatia 1:10

Jadi, berimbamo, sampesuvu-sampesuvu? Yaku nanguli ivesia mbeki ratoiya ntona? Ledo ntoto nakana! Yaku aga madota ratoiya nu Alatala. Bara nipekirimiu yaku aga madota mompakadamba rara nu manusia. Tapi haitu ledo muni nakana, apa ane rapana yaku da nompasimbuku mompakadamba rara nu manusia, ledo masipato yaku majadi batua i Yesus Kristus!

Galatia 5:1

I Kristus nombakabasaka kita lako ri Atura agama ala kita mpuu-mpuu makabasaka. Jadi pakaroomo raramiu ala komiu batena makabasaka. Nee rapalamba karomiu rapobatua mpanjili.

Galatia 5:13

Sampesuvu-sampesuvu, komiu nipokio nu Alatala ala rakabasaka lako ri Atura agama. Aga nee sampe haitu majadi loga mangoseaka mpengaya-ngaya dota rara nadaa! Komiu kana mosimpotove bo mositulungi.

Kolose 4:12

Bo tabe muni lako nte i Epafras, batua i Yesus Kristus lako ri ngatamiu mboto. Ia bate-batena nekakai nte Alatala ante mpuu-mpuu rarana ala ledo molengga-lengga pomparasayamiu, bo ala komiu majadi topomparasaya anu ledo makura nuapa-nuapa ri panggita nu Alatala, bo ala komiu maroo mangoseaka pura-pura dota nu Alatala.

Filemon 1:16

Jadi sii-sii ia domo aga batuamu, tapi nelabipa pade batua, haitumo, ia sampesuvuta sampomparasaya anu nipotoveta. Iyapa yaku nompotove ia, nemopa iko! Iko nompotove ia sabana ia batuamu, bo muni sabana ia sampesuvumu sampomparasaya.

1 Petrus 2:16

Komiu kana matuvu mpo tona nikabasaka lako ri pehuku nu dosa. Tapi nee sampe haitu majadi loga ka komiu movia anu nadaa! Komiu kana matuvu mpo batua nu Alatala anu natundu nte Ia.

2 Petrus 1:1

Sampesuvu-sampesuvuku anu mpuu-mpuu nomparasaya i Yesus Kristus, nasimbayu mpo kami. Iamo Alatala bo Topompakasalama kita, anu nompopompakule pura-pura kita nomparasaya sabana Ia nanoa bo ledo nompelenje. Sura hitu lako nte yaku, i Simon Petrus. Yaku batua bo suro i Yesus Kristus.

Yudas 1:1

Sampesuvu-sampesuvu anu nipokio nTuamata Alatala majadi todeaNa: Komiu mpuu-mpuu nipotove nu Alatala, bo nijagaiNa sampe i Yesus Kristus makava mpanjili. Sura hitu lako nte yaku, i Yudas, batua i Yesus Kristus bo sampesuvu i Yakobus.