1 Korintus 7:21 - Kaili Ledo

²¹ Ane komiu najadi batua tempo komiu nipokio nu Alatala, nee masusa raramiu mompekirika haitu, ledo nakuya komiu najadi batua. Tapi ane rakavamiu loga makabasaka lako ri pepobatua, aginamo komiu makabasaka.

1 Korintus 7:21 ပူးပေါင်းရင်းမြစ်များ

Lukas 12:29

Jadi nee maingu bo makini raramiu mompekirika nuapa rakandemiu bara nuapa rainumiu!

Lukas 21:34

“Pakabelo! Komiu kana mainga, apa Yaku, Ana nu Manusia, sampesanika makavamo. Nee sampe Kukava komiu aga mosusa bo manginu sampe malangu, atau masesa rara mompekirika katuvumiu eo-eo sampe komiu ledo masadia. Apa Yaku makava nte pura-pura manusia ri umba-umba ri dunia bo kakavaKu masimbayu mpo tolia.

1 Korintus 12:13

Sanu kita toYahudi, sanu ledo. Sanu kita batua, sanu ledo. Tapi kita pura-pura nidekeika nu Alatala Nosa Gasa sangu haitu ala kita majadi sangu karo. Bo Nosa Gasa sangu haitu nonturo riara ntaita pura-pura.

1 Korintus 7:20

Pura-pura tona kana matuvu batena mpo tempo ia nipokio nu Alatala majadi topomparasaya i Kristus.

1 Korintus 7:22

Toramo! Tona anu najadi batua tempo ia nipokio majadi topomparasaya i Yesus, naupa ia batua tapi nikabasaka i Pue Yesusmo ia lako ri dosana. Bo tona ledo nipobatua tempo ia nipokio nu Alatala, ia najadi mpo batua sabana ia nekou nte i Kristus.

Galatia 3:28

Ri panggita nu Alatala domo ria posisalana toYahudi bo tona ledo toYahudi, batua bo tona ledo batua, langgai bo mombine. Komiu pura-pura nasimbayu ri panggitaNa sabana komiu nosangu rara ante i Yesus Kristus.

Filipi 4:11

Niuliku ivesia ledo sabana yaku napepa, apa naosamo raraku nau damo berimba katuvuku.

Filipi 4:6

Nee makini raramiu riara nuapa-nuapa, tapi kenimo pura-pura riara posambayamiu. Perapimo anu niparaluumiu lako nte Alatala bo masaro manguli tarima kasi.

Kolose 3:11

Kita najadi manusia nabaru, jadi domo ria posisalana toYahudi bo tona ledo toYahudi. Tona nisuna nangoseaka ada agama Yahudi bo tona ledo nisuna, nasimbayu ri panggita nu Alatala. Alatala ledo nompelenje bara tosangatana bara toribulu bara batua bara tona ledo nipobatua. I Kristusmo nopoko, bo Iamo nonturo riara ntaita pura-pura.

Ibrani 13:5

Nee mompotove doi gaga sampe komiu aga natuvu mangelo doi. Tapi kana maosa raramiu ante anu naria nte komiu. Apa Alatala mboto nanguli ivei: “Ledo ntoto Kupalaisi iko.”

1 Petrus 5:7

Dekeimo pura-pura kakini raramiu ka Ia apa Ia bate-batena nompariara komiu.