1 Korintus 7:2 - Kaili Ledo

² Tapi nabelopa ane langgai simbo maria bereina mboto, bo mombine simbo maria bereina mboto ala ledo rapesori mogau sala.

1 Korintus 7:2 ပူးပေါင်းရင်းမြစ်များ

Matius 5:32

Tapi Kuuli ka komiu, ane komiu mompogaaka bereimiu mombine, tano ledo ria ia nosipogau nte langgai ntanina, batuana komiu nompopobualo ia. Bo isema-sema mompoberei mombine nipogaaka haitu, ia muni nobualo.”

1 Korintus 6:18

Nemo mpuu rapogaumiu tona ledo bereimiu mboto! Apa dosa haitu ledo ria kasimbayuna. Isema-sema nompogau tona ledo bereina mboto, mpuu-mpuu nompakagero posangu rarana ante i Pue.

1 Korintus 7:1

Hitupa yaku madota mesanaka pompekutanamiu anu nitulisimiu riara sura. Ane langgai ledo moberei, nabelo.

1 Korintus 7:3

Berei langgai kana mangoseaka dota bereina mombine mosampaturu, bo ivesia muni berei mombine.

1 Korintus 7:9

Tapi ane ledo rapakulera mantaamaka dotara, agina moberei. Apa nabelopa moberei pade mandasa mantamaaka dota moberei.

Efesus 5:28

I Kristus nompotove todeaNa, ivesia muni langgai kana mompotove bereina nasimbayu mpo pompotovena karona mboto. Isema-sema nompotove bereina, batuana ia nompotove karona mboto.

Efesus 5:33

Tapi tesa hitu nosinggambela muni ante komiu topoberei. Pura-pura langgai kana mompotove bereina nasimbayu mpo pompotovena karona mboto, bo pura-pura mombine kana mompasimbuku mombabila bereina langgai.

1 Tesalonika 4:4

Pura-pura langgai ri tatangamiu kana matau mokainggu mabelo nte bereina ri panggita nu Alatala bo manusia.

1 Timotius 4:3

Nipatudukira tona nee moberei bo nee mangande kandea nipopali. Tano kandea haitu nipajadi nu Alatala rakande. Kita topomparasaya i Kristus, nisanita pepatuduki nakana, bo kandea haitu namala rakandeta ante manguli tarima kasi nte Alatala.