1 Korintus 7:19 - Kaili Ledo

¹⁹ Apa ledo ria gunana ane kita mangoseaka ada posuna bo ledo muni naria gunana ane kita ledo mangoseaka ada haitu. Anu noguna ntoto, haitumo, mangoseaka parenta-parenta nu Alatala.

1 Korintus 7:19 ပူးပေါင်းရင်းမြစ်များ

Matius 5:19

Jadi, isema-sema nombaliunaka nau aga sambela lako ri parenta riara Atura-atura haitu, nau parenta anu nakodi ntoto, bo mompatuduki tona ntanina mombaliunaka muni, ia rareke tona nelabipa kakodina riara Poparenta nu Alatala. Tapi isema-sema nangoseaka Atura-atura haitu bo nipatudukina ka tona ntanina mangoseakana muni, iamo rareke tona nelabi kaogena riara Poparenta nu Alatala.

Yohanes 15:14

Bo komiu mpuu-mpuu vegaKu ane komiu mangoseaka parenta-parenta nidekeiKu ka komiu.

Roma 3:30

Alatala aga saito, bo Iamo nompakanoa toYahudi ane ira momparasaya i Yesus, bo Ia muni mompakanoa tona ledo toYahudi ane ira momparasaya i Yesus.

1 Korintus 8:8

Kandea ledo ntoto mantambai posinggabelota nte Alatala bo ledo muni mogaaraka kita lako nte Alatala. Ane r akandeta, ledo mauntu kita. Bo ane ledo rakandeta, ledo muni marugi.

Galatia 3:28

Ri panggita nu Alatala domo ria posisalana toYahudi bo tona ledo toYahudi, batua bo tona ledo batua, langgai bo mombine. Komiu pura-pura nasimbayu ri panggitaNa sabana komiu nosangu rara ante i Yesus Kristus.

Galatia 5:6

Ane nosangu rara ante i Yesus Kristus kita, ledo ria gunana kita nisuna atau ledo nisuna. Aga nomparasaya i Kristus noguna. Bo ane kita mpuu-mpuu nomparasaya, rapotoveta roata.

Galatia 6:15

Ledo ria gunana nisuna atau ledo nisuna. Anu nopoko, Alatala nompajadi kita manusia nabaru.

Kolose 3:11

Kita najadi manusia nabaru, jadi domo ria posisalana toYahudi bo tona ledo toYahudi. Tona nisuna nangoseaka ada agama Yahudi bo tona ledo nisuna, nasimbayu ri panggita nu Alatala. Alatala ledo nompelenje bara tosangatana bara toribulu bara batua bara tona ledo nipobatua. I Kristusmo nopoko, bo Iamo nonturo riara ntaita pura-pura.

Pompakita 22:14

Nabelo mpuumo tona notoposi pakeana sampe nagasa, apa iramo rapaloga mangande vua lako ri Kayu Katuvua. Iramo rapaloga mesua riara ngata haitu mangose bobaa.