1 Korintus 7:15 - Kaili Ledo

¹⁵ Tapi ane berei langgai atau berei mombine anu ledo nomparasaya i Kristus madota mogaa ante bereina topomparasaya, nee ratagi ira mogaa. Ane ivesia, berei langgai atau mombine topomparasaya domo nipou ada poberei, apa Alatala madota ala komiu matuvu mosinggabelo.

1 Korintus 7:15 ပူးပေါင်းရင်းမြစ်များ

Matius 12:50

Apa, isema-sema novia dota nTuamaKu ri suruga, ia haitumo nireke sampesuvuKu bo tinaKu.”

Lukas 9:39

Ane nesua seta ri karona, kaliu-liu nongare ia bo karona nanggaradii sampe ngangana nobura. Seta haitu ledo nenonto-nonto nompandasa ia, bo ledo nadota nesuvu lako nte ia.

Roma 12:18

Pasimbukumo matuvu mosinggabelo ante pura-pura tona, sampe ri pompakulemiu.

Roma 14:19

Haitu sampe kita kana mompasimbuku matuvu mosinggabelo ante roata, bo mosipakaroso rara.

1 Korintus 14:33

Apa Alatala nompokono anu natinonto. Ledo nipokonoNa nagado. Poviamo anu nabiasa nipovia ri pura-pura kasiromu ntodea topomparasaya.

2 Korintus 13:11

Jadi sampesuvu-sampesuvuku, pakadambamo raramiu. Pasimbukumo mompakabelo pokainggumiu mpanjili. Tarimamo pepatudukiku hitu! Komiu kana matuvu mosangu pekiri bo mosangu rara, bo mosinggabelo. Bo Alatala, puna pepotove bo katinonto, mosanggani-nggani ante komiu.

Galatia 5:22

Tapi ane tona nikeniaka Nosa Gasa nu Alatala, iveimo inggura: ira nosimpotove, ira nadamba bo natinonto rarara. Ira nosabara, nalusu bo nabelo rarara nte tona ntanina. Ira namala raparasaya,

Ibrani 12:14

Komiu kana mompasimbuku matuvu mosinggabelo ante pura-pura tona. Bo pasimbuku muni matuvu magasa, sabana tona ledo nagasa katuvuna ledo ntoto mamala manggita i Pue.

Yakobus 2:15

Rapana maria roa sampomparasaya nandasa sabana ledo ria ponapana bo ledo nagana kandeana eo-eo.