1 Korintus 7:14 - Kaili Ledo

¹⁴ Apa ana-anara nireke bagia nu Alatala sabana saito totuara nomparasaya i Kristus. Bereina anu ledo nomparasaya i Kristus nireke bagia nu Alatala sabana bereina topomparasaya. Ane ledo ivesia, ana-anara masimbayu mpo ana-ana ntona ledo nomparasaya.

1 Korintus 7:14 ပူးပေါင်းရင်းမြစ်များ

Suro-Suro 10:23

Naupu haitu i Petrus nombaunaka ira maturu ri banua niponturona sambongi. Jadipa naturumo ira. Naeo mpadondo, haumo i Petrus nosanggani-nggani ante ira, bo bara sako-ndua topomparasaya lako ri ngata Yope nantuntuni ira.

Roma 11:16

Ane santubi roti niala ntani ruru bo nidekei ka Alatala, nasimbayu mpo pura-pura roti haitu nidekei ka Alatala. Bo ane kale nu kayu nireke Alatala tupuna, batuana tinggu-tingguna muni Ia tupuna. ToIsrael nggaulu nireke Alatala tupura, ivesia muni, muli ntoIsrael nireke Alatala tupura.

1 Korintus 7:13

Bo ane naria mombine topomparasaya bo bereina langgai ledo nomparasaya i Kristus, tapi langgai haitu madota maroo matuvu mosanggani-nggani ante ia, mombine haitu ledo mamala mogaa ante bereina haitu.

1 Timotius 4:5

Kandea haitu nagasa sabana Tesa nu Alatala nanguli nagasa bo sabana posambayata.

Titus 1:15

Ane tona nagasa rarana, pura-pura poviana nagasa. Tapi ane tona nadaa pekirina bo ledo nomparasaya Alatala, ledo ria poviana nuapa-nuapa nagasa, sabana pekiri bo rara ntaira nadaa mami.